प्रकाशितवाक्य 1:5 - डोगरी नवां नियम

⁵ ते यीशु मसीह थमां जेहड़ा बश्वास जुगा साक्षी ते मरें बिचा जिंदा ओनें आला पहिलोठा ते तरती दे राजां दा कीम ऐ, तुसें क्रपा ते शान्ति मिलदी रवै। ओ साड़े कन्ने प्यार रखदा ऐ, ते उस्स ने अपने खून दे रहें असैं पापें थमां छुड़ाया ऐ,

प्रकाशितवाक्य 1:5 ပူးပေါင်းရင်းမြစ်များ

मत्ती 20:28

जियां के मनुक्ख दा पुत्तर; ओ एस आसतै नेई आया के ओ अपनी सेवा करा, लेकन एस आसतै आया के अप्पुं सेवा करै, ते मतें सारें गी परमेसर दी सजा कोलां बचाने आसतै अपने प्राण दे।”

मत्ती 28:18

यीशु ने उंदे कोल आईयै आखया, “सोर्ग ते तरती दा सारा अख्त्यार मिकी दिते दा ऐ।

यूहन्ना 13:1

फसह दे त्यार थमां पैलैं, जेलै यीशु ने समझी लिया, के मेरी ओ कड़ी आई पूजी दी ऐ के दुनिया गी छडीयै पिता दे कोल जां, तां अपने लोकें कन्ने, जेड़े दुनिया च हे, जियां प्यार ओ करदा आया हा, खीरी तकर उयांगै प्यार करदा रिया।

यूहन्ना 13:34

आऊँ तुसेंगी एक नमां उक्म दिना ऐं के एक दुए कन्ने प्यार करो; जियां मैं थुआड़े कन्ने प्यार कित्ता ऐ, इयां गै तोस बी एक दुए कन्ने प्यार करो।

यूहन्ना 15:9

जियां पिता ने मेरे कन्ने प्यार कित्ता, इयां गै आऊँ बी थुआड़े कन्ने प्यार करगा; मेरे प्यार च बने रवो।

यूहन्ना 18:37

लेकन पिलातुस ने उसी आखया, ते के तू राजा ऐ? यीशु ने जबाब दिता, तू आखा नां ऐ के आऊँ राजा ऐ; मैं एस लेई जमया ते दुनिया च आया ऐं के सच दी गवाही दियां। जेड़ा कोई सच दा ऐ, ओ मेरी बाज सुनदा ऐ।”

यूहन्ना 3:11

आऊँ तेरे कन्ने सच-सच आखना ऐ के अस जेड़ा केश जाननयां, ऊऐ आखनयां, ते जिसी असैं दिखया ऐ, ओदी गुआई दिनयां, ते तोस साड़ी गुआई कबूल नेई करदे।

यूहन्ना 3:16

किके परमेसर ने दुनियां कन्ने इन्ना प्यार कित्ता के ओसने अपना इकै एक पुत्तर देई दिता, तां के जेड़ा कोई ओसदे उपर विश्वास करग ओ नाश नेई ओग, लेकन मेशा दी जिंदड़ी पाग।

यूहन्ना 3:32

जे केछ ओसने दिखया ते सुनया ऐ, ओसदी गै गुआई दिंदा ऐ; ते कोई ओसदी गुआई कबूल नेई करदा।

प्रेरितों के कम 20:28

एस आसतै अपनी ते पूरे चोण्ड दी रखया करो; जेस कलीसिया च पवित्र आत्मा ने तुसेंगी अगबें बनादा ऐ, के तोस परमेसर दी कलीसिया दी रखया करो, जिसी ओनें अपने खून कन्ने खरीदी लेते दा ऐ।

प्रेरितों के कम 26:23

के मसीह गी दोख चेलना पौग, ते उवै सबनी थमां पैलैं मरें दे बिचा जिंदा ओईयै, साड़े लोकें च ते दुई जातीयें च लोई दा प्रचार करग।”

रोमियो 3:25

उसी परमेसर ने मसीह दे खून दे कारन एक ऐसा प्राशचत बनाया, जेड़ा विश्वास ते कम करने कन्ने ओंदा ऐ, के जेड़े पाप पैलैं बेलै च कित्ते गै, ते जिन्दे उपर परमेसर ने अपने सबर दे कारन त्यान नेई दिता। उन्दे बारै च ओ अपनी तार्मिकता परकट करै।

रोमियो 8:37

लेकन इनें सारीयें माड़ीयें गल्लें च अस ओदे थमां जेस ने साड़े कन्ने प्यार कित्ता, जीतें दे लोकें कोलां बी साड़े बासतै बद्द ऐ।

1 कुरिन्थियों 6:11

ते थुआड़े बिचा किन्नें ऐसे हे, लेकन तोस प्रभु यीशु मसीह दे नां कन्ने ते साड़े परमेसर दी आत्मा कन्ने धोते, ते पवित्र कित्ते ओए ते तरमी बनें।

गलातियों 2:20

आऊँ मसीह दे कन्ने सूली उपर चढ़ीयै मरी गीया ऐं, ते ऊन आऊँ जिंदा नेई रिया, लेकन मसीह मेरे च जिंदा ऐ; ते आऊँ जेंद च ऊन जेड़ा जिंदा ऐं ते सेर्फ ओस विश्वास कन्ने जिंदा ऐं जेड़ा परमेसर दे पुत्तर उपर ऐ, जेस ने मेरे कन्ने प्यार कित्ता ते मेरे आसतै अपने आप गी देई दिता।

इफिसियों 2:4

लेकन परमेसर जेड़ा दया दा तनी ऐ, अपने ओस बड्डे प्यार दे कारन जेस कन्ने ओसने साड़े कन्ने प्यार कित्ता,

इफिसियों 5:2

ते एक दुए कन्ने प्यार करो जियां मसीह ने बी थुआड़े कन्ने प्यार कित्ता, ते साड़े लेई अपने आप गी बलि दी खशबु आसतै परमेसर दे अगें बलि दी पेंट करियै चाढ़ी दिता।

कुलुस्सियों 1:18

उवै जेंद, मतलब कलीसिया दा सेर ऐ; मसीह गै शुरुआत ऐ, ते मोड़दें चा जिन्दा ओनें आलें च जेठा के सारीयें गल्लें च मसीह गै प्रधान बनें।

1 तीमुथियुस 6:13

आऊँ तुगी परमेसर दा उक्म दिनां ऐं, जेड़ा सारे गी जिंदा रखदा ऐ, ते परमेसर ते मसीह यीशु गी गवाह रखियै जेड़ा अर एक आसतै अपनी जांन दिंदा ऐ, जेन्नें पुन्तियुस पिलातुस दे सामनें अच्छी गुआई दिती,

1 तीमुथियुस 6:15

परमेसर जेड़ा राज करने आला राजा मैमा दे जोग, राजें दा राजा, ते प्रभुयें दा प्रभु, मसीही गी अपने ठीक बेलै उपर परकट करग,

इब्रानियों 10:29

तां सोची लियो के ओ किन्नें ओर बी पारी सजा दे काबल ओगन, जेस ने परमेसर दे पुत्तर गी पैरें कन्ने कुचलया ते करार दे खून गी, जेस थमां ओ पवित्र कित्ता गीया हा, अशोद्ध समझया ऐ, ते क्रपा दी आत्मा दी बेश्ती कित्ती।

इब्रानियों 9:14

तां मसीह दा खून जेस ने अपने आप गी सनातन आत्मा थमां परमेसर अगें बेकसुर पेंट चढ़ाया, थुआड़ी अन्तर आत्मा दे मरे दे कम्में थमां कि नेई शोद्ध करग, तां जे तोस जिंदे परमेसर दी सेवा करो।

1 पतरस 1:19

लेकन बेकसुर अते निष्कलंक मेमने, अते मसीह दे बहुमोल खून दे रहें ओया।

1 यूहन्ना 1:7

पर जेकर जियां परमेसर लोई च ऐ, उयांगै अस बी लोई च चलचे, तां एक दुए कन्ने संगति रखदे आं, ते ओसदे पुत्तर यीशु मसीह दा खून साड़े सारे पापें थमां शोद्ध करदा ऐ।

1 यूहन्ना 4:10

प्यार एस च नेई के असैं परमेसर कन्ने प्यार कित्ता ऐ, लेकन एदे च ऐ के ओसने साड़े कन्ने प्यार कित्ता ते साड़े पापें दी सजा दे प्राशचत अपने पुत्तर गी पेजया।

प्रकाशितवाक्य 11:15

जेस ले सतमें दूत ने तुरी फुकी, ते सोर्ग बिच एस दे बारै च बड्डे बड्डे शब्द औंन लगे; “जगत दा राज साड़े प्रभु दा ते ओदे मसीह दा ओई गीया ऐ, ते ओ जूगे जूगे राज करग।”

प्रकाशितवाक्य 11:3

आऊँ अपने दो गुआऐं गी ए आक्क देगा के टाट ओड़े दे एक हजार दो सौ सठ धयारे तकर पविखवाणी करन।”

प्रकाशितवाक्य 17:14

“ओ मेम्ने कन्ने लड़घंन, ते मेम्ना उंदे उपर जीत आसल करग, किके ओ प्रभुएं दा प्रभु ते राजें दा राजा ऐ, ते जेड़े बलाए दे ते चुने दे ते विश्वासी न ओ ओदे कन्ने न; ओ बी जीत पाघंन।”

प्रकाशितवाक्य 19:11

पी मन सोर्ग गी खुले दा दिखया, ते दिखना ऐं कि एक सफेद कोड़ा ऐ; ते उस्स उपर एक सवार ऐ, जेड़ा वश्वासयोग ते सच आखया जांदा ऐ; ते ओ तर्म कन्ने न्याय ते लड़ाई करदा ऐ।

प्रकाशितवाक्य 19:16

ओदे कपड़े ते लत उपर ए नां लिखे ऐ; “राजें दा राजा ते प्रभुएं दा प्रभु।”

प्रकाशितवाक्य 2:13

आऊँ ए जानना ऐ के तू उत्थें रैना ऐ जिथें शतान दा सहासन ऐ; तू मेरे नां उपर टिके रैना ऐ, ते मेरे उपर बश्वास करने आसतै उनै धयारे बी पिछें नेई अटया जिंदे च मेरा बश्वास जोग गवाह अन्तिपास, थआड़े बिच उस्स जगह उपर मारी दिता जिथें शतान रौंदा ऐ।

प्रकाशितवाक्य 3:14

“लौदीकिया दी कलीसिया दे दूत गी ए लिख, “जेहड़ा आमीन ते बश्वास जुगा ते सच्चा गवाह ऐ, ते परमेसर दी सृष्टि दा मूल कारन ऐ, ओ ए आखदा ऐ के

प्रकाशितवाक्य 7:14

आऊँ उस्स कन्ने आखया, “ए स्वामी, तू गै जानना ऐ।” उस्स ने मेरे कन्ने आखया, “ए ओन, जेड़े उस्स माहाक्लेश बिचा निकलियै आए न; इन्हें अपने-अपने कपड़े मेम्ने दे खून कन्ने तोईयै सफेद कित्ते न।”