प्रकाशितवाक्य 1:10 - डोगरी नवां नियम

¹⁰ आऊँ प्रभु दे धयारे आत्मा च आई गीया, ते अपने पिछें तुरी दी बड़ी बाज ए आखदे सुनया,

प्रकाशितवाक्य 1:10 ပူးပေါင်းရင်းမြစ်များ

मत्ती 22:43

ओसने उनै गी पूछ्या तां पी दाऊद आत्मा च ओईयै उसी प्रभु कि आखदा ऐ?

यूहन्ना 20:19

उसै देन जेड़ा अफ्ते दा पैला देन हा, शाम दे बेलै जेलै उत्थें दे दरबाजे जिथें चेलें हे, यहूदीयें दे डर दे मारे बन्द हे, ओस बेलै यीशु आया ते उन्दे बेच खडोईयै उनेंगी आखया, “तुसेंगी शान्ति मिलै।”

यूहन्ना 20:26

अट्ठ दिनें थमां बाद ओदे चेलें पी कर दे अंदर हे, ते थोमा उन्दे कन्ने हा; ते दरबाजे बन्द हे, ओस बेलै यीशु उन्दे च आईयै ते उन्दे बेच खडोईयै आखया, “तुसेंगी शान्ति मिलै।”

प्रेरितों के कम 20:7

अफ्ते दे पैले देन जेसलै अस रुट्टी तोड़ने आसतै किट्ठे ओए, तां पौलुस ने जेड़ा दुए देन चली जाने आला हा, उन्दे कन्ने गल्लां कित्तियां; ते अध्दी रातीं तकर गल्लां करदा रिया।

1 कुरिन्थियों 12:3

एस आसतै आऊँ तुसेंगी चतावनी दिना ऐं के जेड़ा कोई परमेसर दी आत्मा दी अगुआई कन्ने बोलदा ऐ, ओ नेई आखदा के यीशु श्रापित ऐ; ते नां कोई पवित्र आत्मा दे बगैर आखी सकदा ऐ के यीशु प्रभु ऐ।

1 कुरिन्थियों 16:2

हफ्ते दे पैले देन थुआड़े चा अर एक अपनी-आमदनी दे मताबक केछ अपने कोल रखा करो, के मेरे औने उपर चंदा किट्ठा नेई करना पवै।

प्रकाशितवाक्य 17:3

ओस बेलै ओ आत्मा च मिकी जंगल गी लेई गीया, ते आऊँ लाल रंग दे जानबर उप्पर, जेहड़ा निंदया दे नां कन्ने परोचे दा हा ते जेसदे सत्त सिर ते दस सिंग हे, एक जनानी गी बैठे दे दिखया।

प्रकाशितवाक्य 21:10

ओस बेलै ओ मिकी आत्मा बिच एक बड्डे ते उच्चे पाड़ उपर लेई गीया, ते पवित्र शैर यरूशलेम गी सोर्ग थमा परमेसर दे कन्ने उतरदे दसया।