इफिसियों 3:9 - डोगरी नवां नियम

⁹ ते सारें उपर ए गल्ल प्रकाशित करां के ओस पेद दा बंधोबस्त के ऐ, जेड़ा सबनी दे सृजने आले परमेसर च पैलैं थमां गोप्त हा।

इफिसियों 3:9 ပူးပေါင်းရင်းမြစ်များ

मत्ती 10:27

जे आऊँ थुआड़े कन्ने नेरे च आखना ऐ, उसी तोस लोई बेच च आखो; ते जेकी गल तोस कन्ने कन सुनदे ओ, उसी कोठें उपर परचार करो।

मत्ती 13:35

के जेड़ा वचन पविखवक्ता दे थमां आखया गेदा हा, ओ पूरा उवै; “आऊँ कानीयें च बोलनें आसतै अपना मुंह खोलगा आऊँ उनै गल्लें गी जेड़ीयां गल्लां जगत दी शुरुआत थमां अज्ञान रेईयां न परकट करगा।”

मत्ती 25:34

ओस बेलै राजा अपनी सज्जी बखी आलें गी आखघ, ए मेरे पिता दे धन्न लोको, आओ ओस राज दे आक्दार ओई जाओ, जेड़ा जगत दे शुरू थमां थुआड़े आसतै तयार कित्ते दा ऐ।

मत्ती 28:19

एसकरी तोस जाईयै; सारें जाती दे लोकें गी मेरा चेला बनाओ; ते उनेंगी प्यो, ते पुत्तर, ते पवित्र आत्मा दे नां कन्ने पवित्रशनांन दियो,

लूका 24:47

ते यरूशलेम थमां लेईयै सारीयें जातीयें च मन फेरने दा ते पापें दी माफी दा प्रचार, ओसदे नां कन्ने कित्ता जाग।

यूहन्ना 10:30

आऊँ ते पिता एक आं।

यूहन्ना 5:17

एस गल्ल उपर यीशु ने उनेंगी आखया, “मेरा पिता परमेसर अजें तकर कम्म करदा ऐ, ते आऊँ बी कम्म करना ऐ।”

यूहन्ना 5:19

एस गल्ल उपर यीशु ने उनेंगी आखया, “आऊँ तुसेंगी सच-सच आखना ऐं, पुत्तर अपने कोलां केछ नेई करी सकदा, सेर्फ उवै जेड़ा ओ पिता गी करदे दिखदा ऐ; किके जेड़े-जेड़े कम्में गी ओ करदा ऐ उनेंगी पुत्तर बी उसै चाली करदा ऐ।”

प्रेरितों के कम 15:18

ए उवै प्रभु आखदा ऐ जेड़ा दुनिया दी पैदाश थमां इनें गल्लें दी खबर दिन्दा आया ऐ।

रोमियो 11:25

ए गैर यहूदी विश्वासी प्राओ, कूदें ऐसा नेई उवै, के तोस अपने आप गी बुद्धिमान समझी लियो; एसकरी आऊँ नेई चानां के तोस एस पेद थमां अनजांन रवो, के जदू तकर दुई जातीयां मसीह च औने तकर पूरे तरीके कन्ने दाखल नेई ओगन, अतुं तकर इस्राएल दा एक ऐसा गै कठोर रौग।

1 कुरिन्थियों 2:7

लेकन अस परमेसर दे ज्ञान दा गोप्त पेद, जेड़ा अजां तकर गोप्त रखया गेदा हा, प्रकट करनयां न, जिसी परमेसर ने शुरू थमां साड़ी मैमा आसतै पक्का कित्ते दा हा।

इफिसियों 1:4

जियां ओसने असेंगी दुनिया गी बनानें थमां पैलैं मसीह च चुनी लेता के अस ओसदी नजर च पवित्र ते बेकसुर ओचै।

इफिसियों 3:2

जेकर तुसें परमेसर दी ओस क्रपा दे बंधोबस्त दा समाचार सुना ऐ, जेड़ी थुआड़े आसतै मिकी परमेसर कोलां दिती गेई,

इफिसियों 6:19

ते मेरे आसतै बी प्रार्थना करो के मिकी बोलने दे बेलै ऐसा इम्त आला वचन दिता जा के आऊँ दलेरी कन्ने शोभ समाचार दा पेद सनाई सकां,

कुलुस्सियों 1:23

जेकर तोस मसीह पर विश्वास दी मनैद उपर टिके दे रौगे, ते ओस शोभ समाचार दी आस गी जिसी तुसें सुने दा ऐ नेई छुड़ो, जेसदा प्रचार अम्बर दे थल्लै दी सारी सृष्टि दे लोकें च कित्ता गीया, ते जेसदा आऊँ पौलुस सेवक बनया।

कुलुस्सियों 1:26

मतलब ओस पेद गी जेड़ा पराने बेले ते पीढ़ियें थमां गोप्त च रिया, लेकन ऊन ओदे पवित्र लोकें उपर परकट कित्ते दा ऐ।

कुलुस्सियों 3:3

किके तोस जेंद च तां मसीह कन्ने मरी गेदे, ते थूआडी असली जिंदड़ी मसीह दे कन्ने परमेसर च छपी दी ऐ।

कुलुस्सियों 4:3

ते एदे कन्ने गै साड़े लेई बी प्रार्थना करदे रवो, के परमेसर साड़े लेई वचन सुनाने दा ऐसा मौका दे, के अस मसीह दे ओस पेद दा बयान करी सकचै जेदे कारन आऊँ कैद च आं,

2 थिस्सलुनीकियों 2:13

ए विश्वासी प्राओ, ते प्रभु दे प्यारे लोको, ए ठीक ऐ, के अस थुआड़े बारै च मेशा परमेसर दा शुक्र करदे रौचै, किके परमेसर ने सृष्टि बनाने थमां पैलैं तुसेंगी चुनी लेता, के पवित्र आत्मा थमां पवित्र बनियै, ते सच्चाई गी तुपियै मुक्ति पाओ,

1 तीमुथियुस 3:16

ते एदे च कोई छक्क नेई, के गैरी शिखया दा सच्चा संदेश जेड़ा परमेसर ने लोकें उपर परकट कित्ता मतलब, मसीह जेड़ा जिंदु च परकट ओया, एसकरी पक्का ओंदा ऐ, के पवित्र आत्मा थमां परमेसर दा पुत्तर ओईयै आया, सोर्गदूत गी लबया, लोकें दुई जातीयें च ओदा प्रचार कित्ता, दुनिया च ओदे उपर विश्वास कित्ता गीया, ते सोर्ग दी मैमा च ओ चुकया गीया।

2 तीमुथियुस 1:9

जेन्नें असेंगी उद्धार दिता, ते पवित्र जिंदड़ी जिनैं लेई बलाया, ते ओसने असेंगी एस लेई नेई चुनयां के असैं पले कम कित्ते; लेकन अपनी जोजनां ते मकसद ते ओस क्रपा दे मताबक, दुनिया रचने थमां पैलैं दी जोजनां च अपनी क्रपा दसी, के मसीह यीशु गी दुनिया च साड़े बासतै पेजया के ओ जांन दे,

2 तीमुथियुस 4:17

लेकन प्रभु मेरा मददगार रिया, ते मिगी शक्ति दिती, तां जे मेरे थमां पूरा-पूरा प्रचार उवै ते सारे दुई जातीयें दे लोक सुनी लैंन। आऊँ मौत दे मुंह बिचा बची गीया।

तीतुस 1:2

ओस मेशा दी जिंदड़ी दी आस उपर, जेसदा बायदा परमेसर ने, जेड़ा चुठ बोली नेई सकदा शुरू थमां कित्ते दा ऐ।

1 पतरस 1:20

ओहदी अक्ल अते दुनिया दी उत्पति दे पैहले हे तां जानेया गीया हे, लेकन हुन एस आखरी युग च थुआड़े लेई परकट ओया।

प्रकाशितवाक्य 13:8

तरती दे ओ सारे रैने आले, जिंदे नां उस्स मेम्ने दी जीवन दी कताब बिच लिखे नेई गै जेहड़ा जगत दे पैदा दे बेलै थमां कायल ओया ऐ, उस्स जानबर दी पुजा करघंन।

प्रकाशितवाक्य 14:6

पी आऊँ एक ते सोर्गदूत गी अम्बर च उड़दा दिखया, जेसदे कोल तरती च रैने आलें दी अर एक जाती, ते कुल, ते पाषा, ते लोकें गी सनाने आसतै सनातन शोभ समाचार हा।

प्रकाशितवाक्य 17:8

जेड़ा जानबर तो दिखया ऐ, ओ पैलैं ते ऐहा लेकन हूंन नेईयैं, ते अथाह कुंड बिचा निकलियै नाश च पेई जाग; ते तरती दे रैने आले जिंदे नां जगत दी पैदाइश दे बेलै थमां जीवन दी कताब बिच लिखे नेई गै, एस जानबर दी ए दशा दिखियै के पैलैं ऐहा ते हूंन नेईयैं ते पी आई जाना, अचम्भा करघंन।

प्रकाशितवाक्य 4:11

“ए साड़े प्रभु ते परमेसर, तूंऐं मैमा ते आदर ते समर्थ दे काबल ऐ; किके तू गै सारीयां चीजां बनाईयां ते ओ तेरी गै मर्जी कन्ने हियां ते बनाई गेईयां।”