इफिसियों 2:3 - डोगरी नवां नियम

³ इंदे च अस बी सारे पैलैं अपनी जिंदु दी खुआशें च देन जुगारदे हे, ते जेंद ते मन दी मर्जी पूरी करदे हे, ते दुए लोकें आला लेखा सवाव थमां गै परमेसर दे गुस्सै दी औलाद हे।

इफिसियों 2:3 ပူးပေါင်းရင်းမြစ်များ

मरकुस 4:19

ते दुनियादारी दी चैनता, ते पैसे तेले दा तोखा, ते चीजें दा नफा उन्दे च समाईयै वचन गी दबाई दिंदा ऐ ते ओ बिना फल दे रेई जन्दा ऐ।

यूहन्ना 1:13

ओ नां तां खूने कन्ने, नां गै जिंदु दी मर्जी कन्ने, नां गै मनुक्खें दी मर्जी कन्ने, लेकन परमेसर थमां पैदा ओये।

यूहन्ना 8:44

तोस अपने पिता शतान थमां ओ, ते अपने पिता दी इच्छया गी पूरा करना चांदे ओ। ओ तां शुरू कोलां थमां अत्या करने आला ऐ, ते सचाई च टिकया नेई रिया, किके सच ओदे च ऐ गै नेई। जेलै ओ चुठ बोलदा, तां अपने स्वा थमां गै बोलदा ऐ; किके ओ चुट्ठा ऐ मतबल चुठ दा पिता ऐ।

प्रेरितों के कम 14:16

ओसने बीते दे बेले च सब जातीयें गी अपने-अपने रस्ते च चलना दिता।

रोमियो 1:24

एसकरी परमेसर ने उनेंगी उन्दे मन दी इच्छें दे मताबक अनैतिक कम करन लेई छुड़ी दिता, के ओ अप्पुं बिचें बुरे कम्में कन्ने अपनी जिंदु दा बे आदर करन।

रोमियो 11:30

किके जियां तुसें पैलैं परमेसर दा उक्म नेई मन्नया, लेकन ऊन यहूदीयें दे उक्म नेई मनने कन्ने थुआड़े उपर दया ओई;

रोमियो 13:14

ते प्रभु यीशु मसीह गी तारण करी लियो, ते जिंदु दी इच्छ्यें गी पूरा करने दी कोष्ट नेई करो।

रोमियो 2:14

पी जेलै दुई जाती दे लोक जिन्दे कोल कनून नेई, अपनी अन्तर आत्मा दे कनून दी गल्लें उपर चलदे न, ते कनून उन्दे कोल नेई ओनें उपर बी ओ अपने आसतै अप्पुं गै कनून न

रोमियो 5:10

किके परमेसर दे बैरी ओनें दी आलत च ओदे पुत्तर दी मौत थमां साड़ा मेल परमेसर कन्ने ओया, पी मेल ओई जाने उपर ओसदे जिंदे ओई जाने दे कारन अस मुक्ति कि नेई पागे?

रोमियो 5:9

तां जेलै के अस, ऊन यीशु दे खून दे कारन तरमी बने, तां मसीह थमां परमेसर दे गुस्सै कोलां कियां नेई बचगे?

रोमियो 6:12

एसकरी पाप थुआड़े नाश ओनें आली जिंदु उपर राज नेई करै, के तोस ओदी इच्छें दे थलै रवो

रोमियो 7:18

किके आंऊँ जाननां ऐं, के मेरे च मतलब मेरी जेंद च कोई ठीक चीज वास नेई करदी। इच्छया तां मेरे च ऐ के आंऊँ पले कम करां, लेकन पले कम मेरे थमां बनी नेई सकदे।

रोमियो 9:22

के परमेसर ने अपना गुस्सा दसने ते अपनी शक्ति परकट करने दी इच्छया च नाश करने आले पांढे गी, जेड़े नाश दे लेई त्यार कित्ते गेदे हे, मते सबर क्न्ने जरया;

1 कुरिन्थियों 4:7

किके थुआड़े च ते दुए च कोन फ़रक रखदा ऐ? ते तेरे कोल के ऐ जेड़ा तुगी दुए थमां नेई थोया? ते जेसलै के तुगी दुए थमां थोया ऐ, तां ऐसा कमंड कि करना ऐ, के मन्नो तुगी नेई थोया?

2 कुरिन्थियों 7:1

एस लेई ए प्यारो, जेलै के ए बायदे असेंगी मिले दे न, तां आओ, अस अपने आप गी जेंद ते आत्मा दी सारी गंदगी थमां शोद्ध करचै, ते परमेसर कोलां डरदे ओई सारी पवित्रता गी सेध करचै।

गलातियों 3:22

लेकन पवित्र शास्त्र आखदा ऐ के दुनिया दे सारे मनुक्ख पाप दे बंधन च न, तां जे परमेसर ने जेड़ा देनें दा बायदा कित्ते दा ऐ उनेंगी दियै जेड़े यीशु मसीह उपर विश्वास करदे न।

इफिसियों 2:2

जिंदे च तोस पैलैं एस दुनिया दे लोकें दी रीति उपर, ते शतान गीं जेड़ा दुष्ट आत्मा मुखिय अम्बर दे अख्त्यार दे मुखीआ मतलब ओस आत्मा दे मताबक चलदे हे, जेड़ा ऊन बी उक्म नेई मनने आलें दे दिलें बेच कम करदा ऐ।

इफिसियों 4:22

के तोस पिछले चाल-चालन दे पराने मनुक्ख गी जेड़ा परमाने आली खुआशें दे मताबक प्रष्ट ओंदा जंदा ऐ, अपने उपर दा तुआरी दियो

कुलुस्सियों 1:21

तोस जेड़े पैलैं बगाने हे ते अपने बुरे सलूक थमां मन छा परमेसर दे बैरी हे;

1 थिस्सलुनीकियों 4:13

ए विश्वासी प्राओ, अस नेई चांदे, के तोस उन्दे बारै च जेड़े मसीही विश्वास च पैलैं दे मरी गेदे न, अनजांन रवो; ऐसा नेई उवै, के तोस दुए आला लेखा बसोस करो जिनेंगी मरने कोलां बाद आस नेई।

1 थिस्सलुनीकियों 5:6

एस आसतै असैं दुए लोकें साईं सुते दे नेई रौना पर साड़े अगें-पिछें के चला करदा ऐ, लेकन बिजे दे ते चकने रवो।

1 तीमुथियुस 6:9

लेकन जेड़े मीर ओंना चांदे न, ओ तौलै गै पाप ते बराई दे तोखे च फसी जंदे जियां डंगर फा बेच फसी जंदा ऐ, ओ लोक ओ कम करना चांदे न, जेड़े उन्दे आसतै बेबकूफी ते खतरा बनी जंदा ऐ, ते ए खुआशां उनेंगी नाश आले पासेगी लेई जंदियां न।

तीतुस 3:3

किके अस बी मसीह बनने पैलैं बिना र्बुद्धि ते उक्म नेई मनने आले, ते पलेखे च पेदे हे, ते लग्ग-लग्ग किसम दी खुआशें ते सोख पलास दी गलामी च हे, ते बैरपाव, ते दुए कन्ने जलने च जिंदड़ी न्रवहा करदे हे, ते दुष्ट हे, ते एक दुए कन्ने बैर रखदे हे।

1 पतरस 1:14

उक्मकारी बच्चो दे लेखा अपनी अक्ल तां दे पक्त दी पुरानी अभिलाषाओं दे सदश नां बनो।

2 पतरस 2:14

उन्दे अखीयैं च ब्यभिचार बसा ओया ऐ, अते ओह पाप कीअते बिना रुकी नेईं सकदे। ओह चंचाल मन आले गी फुसलाई लेनदे न। उन्दे मन गी लालच करने दा अभ्यास ओई गीया ऐ; ओह सन्ताप दे बच्चे न।

2 पतरस 2:18

ओह बेकार घमण्ड दी गल्ला करी करचै लुचपन दे कम्में दे रहें, ऊन लोकें गी शारीरिक अभिलाषाओं च फसाई लेनदे न जेड़े पटके होए बिचा हुने निकली गे रहे न।

1 यूहन्ना 2:16

किके जेड़ा केछ दुनिया च ऐ, मतलब जिंदु दी खुआश, ते अखीयाँ दी खुआश, ते कमंड दी खुआश, ऐ चीजां पिता परमेसर दी थमां नेई, लेकन दुनिया थमां न।

1 यूहन्ना 2:8

पी बी आऊँ तुसेंगी नमां उक्म नेई लिखदा ऐ, ते ए मसीह च ते थुआड़े च सच्चा लगदा ऐ; किके न्हेरा मिटदा जा दा ऐ ते सच्चाई दी लों ऊन चमकन लगी ऐ।