2 तीमुथियुस 4:16 - डोगरी नवां नियम

¹⁶ पैली बार आऊँ रोम दे जज्ज दे अगें पेश कित्ता गीया, के अपने दोष लानें आलें गी जबाब दियां; कुसे एक ने बी मेरे बारै च गुवाई नेई दिती, बजाए एदे के सारें मिगी छुड़ी दिता हा; आऊँ प्रार्थना करना, के मिगी छुड़ी देने उपर परमेसर उनेंगी माफ़ करै!

2 तीमुथियुस 4:16 ပူးပေါင်းရင်းမြစ်များ

मरकुस 14:50

एस गल्ल उपर उसी सारे चेलें छुड़ीयै नसी गै।

लूका 12:11

जेलै लोक तुसेंगी प्रार्थनाकारें च ते राजें ते अफ्सरें सामने लेई जान, ते चेंता नेई करयो के अस केस रीति कन्ने या के जबाब देचै, या के आखगे।

यूहन्ना 16:32

दिखो, ओ कड़ी आवा दी ऐ, मतबल आई पूजी दी ऐ के तोस सब तित्र-बितर ओईयै अपना-अपना रसता पकड़गे, ते मिगी कल्ला छूडी ओड़गे; पी बी आऊँ कल्ला नेई, किके पिता मेरे कन्ने ऐ।

प्रेरितों के कम 22:1

“ए प्राओ ते पिताओ, मेरीयां ए गल्लां सुनो, जे केछ आंऊँ ऊन थुआड़े अगें पेश करना ऐ।”

प्रेरितों के कम 25:16

लेकन मैं उनेंगी जबाब दिता, के रोमियें दी ए रीति नेईयैं के कुसे मनुक्ख गी सजा आसतै सौपी देंन, जेसलै तकर कसुरबार गी अपने मुदईयें दे सामने खड़ोईयै कसुर दे जबाब देने दा मौका नेई मिलै।

प्रेरितों के कम 7:60

पी ओ गोडें पार चुकियै उच्ची बाज कन्ने पकारया, “ए प्रभु, ए पाप उंदे उपर मत ला।” ते ए आखीयै ओ मरी गीया।

1 कुरिन्थियों 13:5

ओ दुए गी बे आदरा नेई करदा, ओ अपनी पलाई नेई चांदा, चेडदा नेई, बुरा नेई मनदा।

1 कुरिन्थियों 9:3

जेड़े मिगी जाचदे न, उन्दे आसतै इयै मेरा जबाब ऐ।

2 कुरिन्थियों 7:11

एस आसतै दिखो, इसै गल्ल क्न्ने के तुसेंगी परमेसर पगती दा दोख ओया; थुआड़े च किन्नी इम्त ते अच्छा जबाब, ते रिस, ते डर, ते मेद, ते इच्छया, ते सजा देने दा वचार पैदा ओया? तुसें अर चाली क्न्ने ए सेध करियै दसया के तोस एस गल्ल च नर्दोश ओं।

फिलिप्पियों 1:17

ते केई एक तां साफ मन कन्ने नेई लेकन वरोध कन्ने मसीह दी कथा सनांदे न, ए सोचीयै के मेरी कैद च मेरे आसतै कलेश पैदा करन।

फिलिप्पियों 1:7

बाजब ऐ, के आऊँ थुआड़े सारें आसतै इयै वचार करां, किके आऊँ थोड़े कन्ने बड़ा प्यार करना ऐं, ते मेरी कैद च ते शोभ समाचार आसतै जबाब ते सबूत देने च तोस सारे मेरे कन्ने क्रपा च शामल ओ।

2 तीमुथियुस 1:15

तू जाननां ऐं, के आसिया लाके दे रौनें आले मते विश्वासी मिकी छुड़ी चुकी दे न, जिन्दे चा फूगिलुस ते हिरमुगिनेस ऐ न।

2 तीमुथियुस 4:10

किके देमास ने एस दुनिया गी प्यारा समझीयै मिगी छुड़ी दिते दा ऐ, ते थिस्सलुनीके शैर गी चली गीया ऐ। ते क्रेसकेंस गलातिया दे लाके गी ते तीतुस दलमतिया लाके गी चली गीया ऐ।

2 तीमुथियुस 4:15

तू बी ओदे कोलां चकनां रवयां, किके ओनें साड़ीयें गल्लें दा बड़ा गै वरोध कित्ता हा।

1 पतरस 3:15

लेकन मसीह गी प्रभु जानियै अपने-अपने मन च पवित्र समझो। जेहड़ा कोई तुस गी थुआड़े आस दे बारै च केछ पूछै, उसै जबाब देने दे लेई सदा तयार रवो, लेकन नम्रता अते डर दे कन्ने;