2 तीमुथियुस 4:1 - डोगरी नवां नियम

¹ जेलै मसीह यीशु राजा आले लेखा राज करने गी औग, ओ मरें दे ते जिंदे दा न्याय करग; एसकरी, परमेसर ते मसीह गी गुआई रखदे ओई, तुगी उक्म दिनां ऐ।

2 तीमुथियुस 4:1 ပူးပေါင်းရင်းမြစ်များ

मत्ती 16:27

मनुक्ख दा पुत्तर अपने सोर्गदूत दे कन्ने अपने पिता दी मैमा च ओग, ते ओस बेलै ओ अर एक गी ओदे कम्में दे मताबक फल देग।

लूका 19:12

खीरी च ओनें आखया, “एक तनी मानु दूर देश च गीया के अपने लेई राज पद्द पाईयै बापस औग।

लूका 19:15

“जेलै ओ राज पद्द पाईयै बापस आया, तां ऐसा ओया के ओनें अपने दासें जिन्नें गी ओनें तन दिता हा बुलाया, तां के पता करै के उनै किन्ना-किन्ना तन कमाया।”

लूका 23:42

ओस बेलै ओनें आखया, “ए यीशु, जेलै तू अपने राज बेच औगा, तां मेरा बी चेत्ता करयां।”

प्रेरितों के कम 10:42

ते ओसने असेंगी उक्म दिता के सारे लोकें च प्रचार करो ते गवाई दियो, के ए उवै यीशु ऐ जिसी परमेसर ने जिंदे ते मरें दा न्यायी रखया ऐ।

प्रेरितों के कम 17:31

किके ओसने एक देन पक्का कित्ते दा ऐ, जेस च ओ ओस मनुक्ख थमां तर्म कन्ने दुनिया दा न्याय करग, जिसी ओसने चुनें दा ऐ, ते उसी मरें दे बिचा जिन्दा करियै एस गल्ल दा सारें उपर सबूत करी दिती ऐ।”

रोमियो 2:16

जेस देन परमेसर ओस शोभ समाचार दे मताबक जेड़ा मैं प्रचार कित्ता यीशु मसीह दे अथ्थें मनुक्खें दी गोप्त गल्लें दा न्याय करग।

कुलुस्सियों 3:4

जेलै मसीह जेड़ा साड़ी असली जिंदड़ी ऐ, परकट ओग, ओस बेलै तोस बी ओदे कन्ने मैमा समेत परकट कित्ते जागे।

2 थिस्सलुनीकियों 2:8

ओसलै ओ पाप दा पोर्ष परकट ओग, जिसी प्रभु यीशु अपने मुंह दी फूक कन्ने मारी ओडग, ते अपनी बापस आनेदी शक्ति कन्ने अग्गी आला लेखा पस्म करी देग।

1 तीमुथियुस 5:21

परमेसर, ते मसीह यीशु, ते चुने दे सोर्गदूतें गी आजर समझदे ओई आऊँ तुगी चतावनी दिनां ऐं, के तू मन खोलियै इनें गल्लें गी मनदा रो, ते कोई कम तरफदारी कन्ने नेई करना।

2 तीमुथियुस 1:10

लेकन ऊन साड़ा मुक्तिदाता मसीह यीशु परकट ओया, ते अपनी क्रपा दसी ओसने मौत दी शक्ति नाश कित्ती, ते अपने शोभ समाचार थमां परकट कित्ता जेदे च मेशा दी जिंदड़ी ऐ।

2 तीमुथियुस 2:14

वश्वासीयें गी ए गल्लां सखा, जेड़ीयां गल्लां मैं सखायां उनेंगी सिखने लेई कोई विश्वासी रेई नेई जा; प्रभु गी आजर समझदे ओई उनेंगी अदायत दे, के तोस बे मतलबी गल्लें उपर बैस मत्त करो इंदा कोई फायदा नेई ओंदा लेकन सुननें आलें आसतै नकसान दा कारन ओंदा ऐ।

2 तीमुथियुस 4:18

ते प्रभु मिगी अर एक बुरे कम थमां छड़ाग, ते मिगी बचाईयै सोर्ग राज बेच पुजाग। उसै दी मैमा योग-योग ओंदी रवै। आमीन।

2 तीमुथियुस 4:8

औने आले बेलै च मेरे लेई तार्मिकता दा ओ मोकट रखे दा ऐ, प्रभु जेड़ा, तरमी ते न्यायी ऐ, मिगी ओस देन देग, ते मिगी गै नेई, लेकन उनै सबनी गी बी, जेड़े ओदे दवारा औने गी प्यारा समझदे न।

तीतुस 2:13

अस एस चाल्ली बर्ताव करनयां न, जियां अस यीशु मसीह दे औने दे अद्भुत देन दा एन्तजार करै करनयां, जेस दी असें आस ऐ, जेड़ा साड़ा मान परमेसर ते उद्धारकर्ता ऐ, अपनी सारी मैमा च बापस अवै करदा।

1 पतरस 1:7

अते ए तां करियै कि थुआड़ा परखा ओया बश्वास, जेहड़ा आग च ताए होए नालाशान सोने तो बी कई जादै बहुमोल ऐ, यीशु मसीह दे परकट होने उप्पर प्रंशसा अते मैह्मा अते आदर दा कारन ठैरे।

1 पतरस 4:5

लेकन ओह उसै जेड़ा जीवतों अते मरे होए दा न्याय करने गी तयार ऐ, लेखा देन गे।

1 पतरस 5:4

जदू प्रधान त्यान रखने आला परकट होए गा, अते तुस गी मैह्मा दा मुकुट दिता जाग जेहड़ा मुर्जानदा नेईं।

2 पतरस 1:11

लेकन एस तरीके कन्ने तुस साहडे प्रभु अते उद्धारकर्ता यीशु मसीह दे अनन्त राज च मते आदर दे कन्ने प्रबेश करने तुस पागे।

2 पतरस 1:17

कीहके जदू ऊन परमेसर पिता कन्ने आदर अते मैह्मा पाई अते ओस महामहीमन मैह्मा बिचा ए आवाज आई, “ए मेरा प्रिय जाकत ऐ, जिदे कन्ने आऊँ खुश हां।”

1 यूहन्ना 2:28

ए बच्च्यो, मसीह च बने दे रवो, के जेसलै ओ परकट ओग, तां असेंगी इम्त थूवै, ते अस ओदे औने उपर शर्मिदा नेई ओचै।

प्रकाशितवाक्य 1:7

दिखो, ओ बदलें कन्ने ओनें आला ऐ, ते अर एक उसी दिखग, ओदे मौत दे लेई जिम्मेदार लोक बी उसी अन्दे ओई दिख्गन। तरती च सारे लोक बड़ी बाज दे कन्ने रोनगें जदूं ओ उसी दिखन्गें। आमीन।