2 तीमुथियुस 2:2 - डोगरी नवां नियम

² ते जेड़ी मसीह दी शिखया दा संदेश मते लोकें सामनें तो मेरे कोलां सुनया एस लेई आऊँ चानां के इयै संदेश दुए वश्वासीयें गी जिन्दे उपर तुगी परोसा ऐ, उनेंगी सखा, ते ओ बी इयै संदेश ओरनी गी सखानें दे लायक ओई जांन।

2 तीमुथियुस 2:2 ပူးပေါင်းရင်းမြစ်များ

मत्ती 13:52

पी यीशु ने उनेंगी आखया, एसकरी अर एक शास्त्री जेड़ा सोर्ग दे राज दा चेला बने दा ऐ, ओस करसान आला लेखा ऐ जेड़ा अपने भंडार थमां नमीं ते परानीयां चीजां कड़दा ऐ।”

मत्ती 24:25

दिखो, मैं पैलैं थुआड़े कन्ने ऐ सब केश आखी दित्ता ऐ।

लूका 12:42

प्रभु ने आखया, ओ वफादार ते समझदार पण्डारी कोन ऐ, जेसदा मालक उसी दासें उपर प्रधान बनांदा के उनेंगी ठीक बेलै उपर पोजन दियां चीजां दे।

1 कुरिन्थियों 4:2

पी इत्थैं पणडारी च ए गल्ल दिखी जंदी ऐ, के ओ मांनदार जोग निकलै।

2 कुरिन्थियों 2:14

लेकन परमेसर दा शुकर ओऐ, जेड़ा मसीह च मेशा असेंगी जै दी खुशी च लेई फिरदा ऐ, ते अपने ज्ञान दी खशबु साड़े थमां अर जगै फलांदा ऐ।

2 कुरिन्थियों 3:5

ए नेई, के अस अपने आप थमां एस काबल ओ, के अपनी तरफुं कुसे गल्ल दा वचार करी सकचै, लेकन साड़ी काबलता परमेसर थमां ऐ,

कुलुस्सियों 1:7

उसै शिखया गी तुसें साड़े कन्ने सेवा करने आले इपफ्रास कोलां सिखया, जेड़ा साड़े लेई मसीह दा वश्वासजोग सेवक ऐ।

1 तीमुथियुस 1:12

आऊँ अपने प्रभु मसीह यीशु दा जेस ने मिगी एस जोग बनाया ऐ, शुक्र करना ऐं, के ओनें मिगी विश्वासजोग समझीयै अपनी सेवा दे लेई चुनयां।

1 तीमुथियुस 1:18

ए पुत्तर तीमुथियुस, ए दायतां जेड़ीयां आऊँ दया नां ऐं; उनै पविख्ब्क्तें दियें पविख्वानीयां जेड़ीयां तेरे आसतै नबीयें कित्तियां हां उनेंगी चेता कर, उनै गल्लें गी तुं थ्यार आला लेखा चुठी शिख्यें दे खलाफ लड़ने लेई कम च ला,

1 तीमुथियुस 4:14

ओ वरदान जेड़ा तुगी मिले दा ऐ, ते चेता कर जेसलै कलीसिया दे अगबें तेरे उपर अथ्थ रखियै प्रार्थना कित्ती ते परमेसर ने उनेंगी तेरे बारै आखया, उसी ईयां गै नेई समझ।

1 तीमुथियुस 4:6

जेकर तू विश्वासी प्राऐं ते पैनें गी इनें गल्लें दी शिखया दिंदा रौगा, तां मसीह यीशु दा अच्छा सेवक बनगा; ते परमेसर तेरा बी पालन-पोषण एस आसतै करग के तुं विश्वास ते ओस अच्छी शिखया दी गल्लें गी मनदा आया ऐं।

1 तीमुथियुस 5:22

जलदबाजी च कुसे गी अगबा चुनीयें ओस उपर अथ्थ नेई रखयां, जेसलै तकर ओ मसीह लेई अपनी मांनदारी नेई दसै, जेकर तुं ऐसा करें तां ओदे पापें जिमेंबार तुं ओगा; अपने आप गी पवित्र बनाई रख।

1 तीमुथियुस 6:12

योद्द दी लड़ाई च एक सपाई आला लेखा जेड़ा कदें आंरदा नेई, तो बी परमेसर उपर परोसा रखने च ते ओदा उक्म मननें लेई कदें आंरना नेई चाईदा; ते ओस मेशा दी जिंदड़ी गी पकड़ी लै, जेस आसतै तुं बलाया गेदा, ते मती गुआईयें दे सामनें तो मसीही गी मननां आखे दा ऐ।

2 तीमुथियुस 3:10

लेकन तू, तीमुथियुस जाननां ऐं के मैं के शिखया दिती, ते कियां जिंदा हा, मेरी जिंदड़ी दा के मकसद हा, ते आऊँ के विश्वास करदा हा, तुगी पता ऐ, के आऊँ कियां सबर करदा हा ते सब लोकें कन्ने प्रेम करदा हा, ते मैं दोख बर्दाश कित्ते;

2 तीमुथियुस 3:14

लेकन तो विश्वास करदे रौना चाईदा, के असैं तुगी के सखाया हा, ते तुगी यकीन ओना चाईदा, के ए गल्लां तो कोदे कोलां सिखियां हां,

इब्रानियों 2:17

एस कारन उसी चाईदा हा, के सारीयें गल्लें च अपने साथी प्रांऐं आला लेखा बनें; जेस कन्ने ओ उनै गल्लें च जेड़ीयां परमेसर कन्ने सम्बन्ध रखदियां न, एक दयालु ते वश्वासयोग महायाजक बनें तां जे लोकें दे पापें आसतै अपनी कुर्बानी दे।