2 तीमुथियुस 1:1 - डोगरी नवां नियम

¹ आऊँ पौलुस थमां ए चिट्ठी, परमेसर दी मर्जी ते मसीह यीशु दा प्रेरित ओनें लेई चुनयां, के मेशा दी जिंदड़ी जेड़ी यीशु मसीह उपर विश्वास करने थमां ऐ, शोभ समाचार दा प्रचार करां,

2 तीमुथियुस 1:1 ပူးပေါင်းရင်းမြစ်များ

यूहन्ना 10:28

ते आऊँ उनेंगी मेशा दी जिंदड़ी दिना ऐं, ते ओ कदें नाश नेई ओगन; ते कोई बी उनेंगी मेरे अथ्थें चा खुस्सी नेई लैग।

यूहन्ना 17:3

ते मेशा दी जिंदड़ी ए ऐ, के ओ तुकी गै सच्चे परमेसर गी ते यीशु मसीह गी, जिसी तो पेजा ऐ, जांनन।

यूहन्ना 5:24

आऊँ थुआड़े कन्ने सच-सच आखना ऐ, जेड़ा मेरा वचन सुनीयै मेरे पेजने आले उपर बश्वास करदा ऐ, मेशा दी जिंदड़ी ओसदी ऐ; ते ओस उपर सजा दा उक्म नेई ओंदा लेकन ओ मौत थमां पार ओईयै जिन्दडी च दाखल ओई चुके दा ऐ।

यूहन्ना 6:40

किके मेरे पिता दी मर्जी ए ऐ, के जेड़ा कोई पुत्तर गी दिखै, ते ओस उपर विश्वास करै, ओ मेशा दी जिंदड़ी पाग, ते आऊँ उसी खीरी दे ध्याडें च पी जिन्दा करगा।

यूहन्ना 6:54

जेड़ा कोई मेरा मांस खन्दा ते मेरा लहू पिन्दा ऐ, मेशा दी जिंदड़ी ओदी गै, ते आऊँ खीरी ध्याडें पी उसी जिंदा करगा।

रोमियो 1:1

मैं पौलुस, जेड़ा यीशु मसीह दास ऐ, ते प्रेरित ओनें आसतै बुलाया गीया, ते परमेसर दे ओस शोभ समाचार आसतै परमेसर थमां चुनयां गीया ऐ

रोमियो 5:21

के जियां सारें दे पाप ने मौत गी फलांदे ओई राज कित्ता, इयां गै साड़े प्रभु यीशु मसीह थमां क्रपा बी मेशा दी जिंदड़ी आसतै तरमी बनाईयै राज करै।

रोमियो 6:23

किके पाप दी मजदूरी तां मौत ऐ, लेकन परमेसर दा वरदान साड़े प्रभु मसीह यीशु च मेशा दी जिंदड़ी ऐ।

1 कुरिन्थियों 1:1

आऊँ पौलुस एस चिट्ठी गी लिखाना ऐं। आऊँ परमेसर दी मरजी थमां यीशु मसीह दा प्रेरित ओनें गी बलाया गीया। मैं साड़े विश्वासी प्रा सोस्थिनेस थमां जेड़ा मेरी मदद करा दा ऐ।

2 कुरिन्थियों 1:1

पौलुस थमां जेड़ा परमेसर दी मर्जी क्न्ने मसीह यीशु दा प्रेरित ऐ, ते मसीह प्रा तीमुथियुस थमां परमेसर दी ओस कलीसिया दे नां, जेड़ी कुरिन्थुस शैर च ऐ, ते साड़े अखाया दे लाकें दे सारें पवित्र लोकें दे नां,

2 कुरिन्थियों 1:20

किके परमेसर दे जिन्नें बायदे न, ओ सारे मसीह च ओंदे कन्ने न। इसै आसतै ओदे थमां आमीन बी ओई, के साड़े थमां परमेसर दी मैमा उवै।

गलातियों 3:26

किके तोस सारे ओस विश्वास करने थमां जेड़ा मसीह यीशु उपर ऐ, परमेसर दे बच्चे बने।

गलातियों 3:28

ऊन मसीह यीशु च विश्वास करने आले च नां कोई यहूदी रिया ते नां यूनानी, नां कोई दास, नां अजाद, नां कोई नर ते नां नारी, किके तोस सारे मसीह यीशु च एक ओ।

इफिसियों 3:6

मतलब ए के मसीह यीशु च शोभ समाचार थमां दुई जातीयें दे लोग जायदाद च सांझीदार, ते एक गै जेंद दे ते बायदे दे पागीदार न।

1 तीमुथियुस 6:19

ते ऐसा करने कन्ने, ओ अपने आसतै पले कम जेड़े ओ करदे न, खजाने आला लेखा किट्ठा करदे जेड़ा औने आले सोर्ग लेई एक मजबूत नीं बनदी ते उनेंगी मेशा दी सच्चाई दी जिंदड़ी मिलग।

2 तीमुथियुस 1:10

लेकन ऊन साड़ा मुक्तिदाता मसीह यीशु परकट ओया, ते अपनी क्रपा दसी ओसने मौत दी शक्ति नाश कित्ती, ते अपने शोभ समाचार थमां परकट कित्ता जेदे च मेशा दी जिंदड़ी ऐ।

2 तीमुथियुस 1:13

जेड़ी सच्ची शिखया तो मेरे कोलां सुनी, उसी सम्बालीयै रख ते ओदे च नमुनां बन, ए विश्वास ते प्रेम थमां कर किके तुं मसीह यीशु कन्ने जुड़े दा ऐं।

2 तीमुथियुस 1:9

जेन्नें असेंगी उद्धार दिता, ते पवित्र जिंदड़ी जिनैं लेई बलाया, ते ओसने असेंगी एस लेई नेई चुनयां के असैं पले कम कित्ते; लेकन अपनी जोजनां ते मकसद ते ओस क्रपा दे मताबक, दुनिया रचने थमां पैलैं दी जोजनां च अपनी क्रपा दसी, के मसीह यीशु गी दुनिया च साड़े बासतै पेजया के ओ जांन दे,

2 तीमुथियुस 2:1

एसकरी ए मेरे पुत्तर तीमुथियुस, तू ए जांनदे ओई अपने आप गी औसला दे, के परमेसर ने तेरे उपर जेड़ी क्रपा कित्ती, ओ मसीह यीशु थमां ओई ऐ,

2 तीमुथियुस 2:10

एसकरी आऊँ लोकें लेई सारे दोख चलया करना, जेस लेई परमेसर ने मिगी चुने दा ऐ, तां जे ओ मसीह यीशु उपर विश्वास करन, ते मुक्ति पांन, ते ओस मैमा गी जेड़ी मेशा दी ऐ।

2 तीमुथियुस 2:3

मसीह यीशु दे अच्छे योद्दे आला लेखा मेरे कन्ने दोख चाल।

2 तीमुथियुस 3:15

ते बचपन थमां तुं पवित्र शास्त्र गी जाननां ऐं, जेड़ा तुगी मसीह उपर विश्वास करने लेई बुद्धिमान ते तेरा उद्धार करी सकदा ऐ।

तीतुस 1:2

ओस मेशा दी जिंदड़ी दी आस उपर, जेसदा बायदा परमेसर ने, जेड़ा चुठ बोली नेई सकदा शुरू थमां कित्ते दा ऐ।

तीतुस 1:4

तीतुस दे नां, जेड़ा विश्वास दी एकता दे वचार कन्ने मेरा सच्चा आत्मिक पुत्तर ऐ; परमेसर पिता ते साड़े उद्धारकर्ता मसीह थमां तुसें क्रपा ते शान्ति ओंदी रवै।

इब्रानियों 9:15

एस आसतै ओ नमें करार दा बचोले ऐ, तां जे ओस मौत थमां जेड़ी पैले करार दे बेलै दे पापें थमां छुटकारा पाने आसतै ओई दी ऐ, बलाए दे लोग बायदे दे मताबक मेशा दी जैदाद आसल करचै।

1 यूहन्ना 2:25

ते जेसदा परमेसर ने साड़े कन्ने बायदा कित्ता ओ असेंगी मेशा दी जिंदड़ी दिंदा ऐ।