2 थिस्सलुनीकियों 1:4 - डोगरी नवां नियम

⁴ एस लेई इत्थैं तकर के अस अप्पुं परमेसर दी कलीसिया च थुआड़े बारै च कमंड करनयां न, के बे छक्क तोस परिख्या ते कलेश बर्दाश रौंदे ओ, इनें सारें दुखें च थुआड़ा सबर ते विश्वास परकट ओंदा ऐ।

2 थिस्सलुनीकियों 1:4 ပူးပေါင်းရင်းမြစ်များ

रोमियो 12:12

आस दे बारै च, खोश; कलेश च टिके रवो; प्रार्थना च लगातार लगे रवो।

रोमियो 2:7

जेड़े छैल कम च मजबूत रेईयै मैमा, ते आदर, ते अमरता दी खोज च न, उनेंगी परमेसर मेशा दी जिंदड़ी देग;

रोमियो 8:25

लेकन जेस चीज गी अस नेई दिखदे, जेकर ओदी आस रखने आं, तां सबर कन्ने ओदा इंतजार करदे बी आं।

1 कुरिन्थियों 7:17

जियां प्रभु ने अर एक गी जेस आलत बेच रखे दा ऐ, जेलै परमेसर ने तुसेंगी बलाया ऐ, उसै दे मताबक चलो। ते आऊँ सारी कलीसिया च इयां गै करना ऐं।

2 कुरिन्थियों 12:10

एस आसतै आंऊँ मसीह आसतै कमजोरीयें च, ते निंदें च, ते दरिद्रता च, ते दंगे फसादें च, ते दुखें च खोश ऐं; किके जेसलै आंऊँ कमजोर ओना ऐ, ओस बेलै गै आंऊँ मसीह च तगड़ा ओना ऐ।

2 कुरिन्थियों 7:14

किके जेकर मैं ओदे सामने थुआड़े बारै च केछ कमंड दसया, तां शर्मिंदा नेई ओया, लेकन जियां असैं थुआड़े कन्ने सारीयां गल्लां सच्च-सच्च आखी दितीयां हां, उयांगै साड़ा कमंड दसना तीतुस दे सामने सच्च निकलया।

2 कुरिन्थियों 7:4

आंऊँ थुआड़े कन्ने बड़े परोसे क्न्ने बोला करना ऐं, मिकी थुआड़े उपर बड़ा कमंड ऐ; आंऊँ तसल्ली कन्ने परोची गीया ऐं। अपने सारे कलेश बेच आंऊँ नन्द कन्ने मता परपुर रौना ऐ।

2 कुरिन्थियों 9:2

किके आंऊँ थुआड़े मन दी त्यारी गी जाननां ऐ, जेसदे कारन आंऊँ थुआड़े बारै च मकिदुनिया दे लाकें दे वश्वासीयें दे सामने कमंड दसना ऐ, के अखाया लाके दे विश्वासी लोग एक साल थमां त्यार ओए दे न, ते थुआड़े जोश ने ओर मते सारें गी बी प्रेरित कित्ता ऐ।

2 कुरिन्थियों 9:4

ऐसा नेई ऊऐ, के जेड़ा कोई मकिदुनिया शैर दा विश्वास मेरे कन्ने अवै, ते तुसेंगी दान दी सेवा च त्यार नेई दिखचै, तां ओई सकदा ऐ, के एस परोसे दे कारन अस (ए नेई आखनयां के तोस) शर्मिंदे उवो।

1 थिस्सलुनीकियों 1:3

ते अपने परमेसर ते पिता दे सामने थुआड़े विश्वास दे कम, ते प्यार दी मेंनत, ते साड़े प्रभु यीशु मसीह च आस दी स्बर गी लगातार याद करनयां न।

1 थिस्सलुनीकियों 2:14

एसकरी तोस, ए प्राओ, परमेसर दी उनै कलीसिया आला लेखा चाल चलन लगे, जेड़े यहूदीया च मसीह यीशु च न, किके तुसेंबी अपने लोकें थमां उवै जेया दोख चलया, जियां उनै दे रौने आलें कोलां चलया हा।

1 थिस्सलुनीकियों 2:19

पला साड़ी आस, जां खुशी जां बडयाई दा मोकट कोन ऐ? के साड़े प्रभु यीशु दे सामने ओदे बापस औने दे बेलै, के ओ तोस गै नेई ऐ न?

2 थिस्सलुनीकियों 3:5

अस प्रार्थना करनयां, के तोस परमेसर दे प्यार गी समझी सको ते मसीह सतावो च तुसेंगी बचा ते जियां ओस बचाया बी ऐ।

इब्रानियों 10:36

किके तुसेंगी सबर करना जरुरी ऐ, तां जे परमेसर दी मर्जी गी पूरी करियै तोस ओदे बायदे दा फल पाओ।

इब्रानियों 6:12

तां जे तोस आलसी नेई ओई जाओ, वरन उन्दी नकल करो, जेड़े विश्वास ते सबर थमां बायदे दे वारस ओदे न।

इब्रानियों 6:15

ते एस रीति कन्ने अब्राहम ने सबर करियै बायदा दी गल्ल आसल कित्ता।

याकूब 5:11

दिखो, अस स्बर रखने आलें गी तन्न आखने न। तुसें अय्यूब दे स्बर दे बारै च तां सुने दा गै, ते प्रभु थमां जेड़ा ओसदा फल उसी मिलया उसी बी तुसें जानी लेता ऐ, जेस कन्ने प्रभु दा बडा तरस ते दया परकट ओंदी ऐ।

2 पतरस 1:6

अते समझ उप्पर संयम, अते संयम उप्पर धीरज, अते धीरज उप्पर पक्ति,

प्रकाशितवाक्य 14:12

पवित्र लोकें दा संदोख इसै च ऐ, जेड़े परमेसर दी आग्यें गी मनदे ते यीशु उपर बश्वास रखदे न।