2 पतरस 1:4 - डोगरी नवां नियम

⁴ जिन्दे रहें ऊन सानु मते मोल्ल अते मती सीई दिती ऐ; ताकि इन्दे रहें तुस ओस सड़ाहट कन्ने छुड़कियै, जेकी जगत च बुरी अभिलाषाओं कन्ने होंदी ऐ, परमेसर दे स्वभाव दे समपासे ओई जाओ।

2 पतरस 1:4 ပူးပေါင်းရင်းမြစ်များ

रोमियो 9:4

ओ इस्राएली लोक न, ते गोदी पुत्रें दा आक्क ते मैमा ते बायदे ते परमेसर दा कनून थोना ते परमेसर दी अराधना ते बाचांऐं उन्दिआं न।

2 कुरिन्थियों 1:20

किके परमेसर दे जिन्नें बायदे न, ओ सारे मसीह च ओंदे कन्ने न। इसै आसतै ओदे थमां आमीन बी ओई, के साड़े थमां परमेसर दी मैमा उवै।

2 कुरिन्थियों 3:18

लेकन जेलै साड़े सारें दे उगडे दे मुंह थमां प्रभु दी ओ तेज लो एस चाली परकट ओंदी ऐ, जेस चाली शीशे च, तां प्रभु थमां जेड़ा ओ आत्मा ऐ, अस उसै तेज लोई आला लेखा थुड़े-थुड़े करियै बदलदे जनयां न।

2 कुरिन्थियों 6:17

एस आसतै प्रभु अपने वचन च आखदा ऐ, “उन्दे बिचा निकलो ते लग्ग रवो; ते गन्दी चीज गी मत छुओ, तां आंऊँ तुसेंगी ग्रहण करगा;

गलातियों 3:16

मतलब इयै, जे बायदा अब्राहम गी, ते ओदे खांदान गी दिते गै, पवित्र शास्त्र ए नेई आखदा, “खांनदानें गी,” जियां मतें सारें दे बारै च पवित्र शास्त्र च आखया गीया; लेकन जियां एक दे बारै च के “तेरे खांनदान गी” ते ओ मसीह ऐ।

गलातियों 6:8

किके जेड़ा अपनी जिंदु दी बुरी इच्छ्यां पूरी करने आसतै कम करदा ऐ, ओ जेंद थमां नाश ओनें दी फसल कटग; ते जेड़ा पवित्र आत्मा दी इच्छ्यां आसतै कम करदा ऐ, ओ पवित्र आत्मा थमां मेशा दी जिंदड़ी दी फसल कटग।

इफिसियों 4:13

जेलै तकर के अस सारे दे सारे विश्वास ते परमेसर दे पुत्तर दी पन्शान च एक नेई ओई जाचै, ते एक सेध मनुक्ख नेई बनी जाचै ते मसीह दे पूरे कद-कोतर तकर नेई बदी जाचै।

कुलुस्सियों 3:10

ते नमें स्वाव आले नमें मनुक्खे गी पाई लेता ऐ, जेड़ा अपने बनाने आले दे रूप दे मताबक ज्ञान आसल करने आसतै नमां बनदा जंदा ऐ।

इब्रानियों 12:10

साड़े एस तरती दे पिता तां अपनी-अपनी समझ दे मताबक थुड़े दिनें आसतै निखरदे न, लेकन परमेसर तां साड़े फायदे आसतै करदा ऐ, के अस बी ओसदी पवित्रता दे पागीदार ओई जाचै।

इब्रानियों 9:15

एस आसतै ओ नमें करार दा बचोले ऐ, तां जे ओस मौत थमां जेड़ी पैले करार दे बेलै दे पापें थमां छुटकारा पाने आसतै ओई दी ऐ, बलाए दे लोग बायदे दे मताबक मेशा दी जैदाद आसल करचै।

याकूब 1:27

साड़े परमेसर पिता दे कोल निष्कलंक ते साफ़ पगती ए ऐ, के अनाथें ते विधवें दे दोख च उन्दी सम्बाल लेचै, ते अपने आप गी दुनिया दे दुष्ट कम्में थमां शोद्ध रखचै।

2 पतरस 1:1

शमौन पतरस दी ओर दा, जेहड़ा यीशु मसीह दा दास अते प्रेरित ऐ, ऊन लोकें दे नाम जिन्ने साहडे परमेसर अते उद्धारकर्ता यीशु मसीह दी तार्मिकता रहें साहडे लेखा बहुमोल बश्वास प्राप्त कित्ता ऐ।

2 पतरस 3:13

लेकन ओहदी हरज्ञा दे लेखा आसे इक न अम्बर अते नेई तरती दी आस दिखदे हां जिन्दे च तार्मिकता वास करग।

2 पतरस 3:9

प्रभु अपनी हरज्ञा दे बारै च देर नेईं करदा, जिन्नी देर केछ लोक समझदे न; लेकन थुआड़े बारै च धीरज तरदा ऐ, अते नेईं चांदा कि कोई खत्म होए, लेकन ए कि सारे गी मन फिराव दा मौका मिले।

1 यूहन्ना 2:25

ते जेसदा परमेसर ने साड़े कन्ने बायदा कित्ता ओ असेंगी मेशा दी जिंदड़ी दिंदा ऐ।

1 यूहन्ना 3:2

ए प्यारो, ऊन अस परमेसर दे बच्चे न, ते ऊन तकर ए परकट नेई ओया, के अस के केछ ओगे। इनां जानदे न, के जेसलै यीशु मसीह परकट ओगन तां अस बी ओदे आला लेखा ओगे, किके अस उसी उयांगै दिखगे जियां ओ ऐ।