1 तीमुथियुस 6:16 - डोगरी नवां नियम

¹⁶ ते ओ एक गै जेड़ा मेशा दा ऐ, ते मैमा दी लोई च रौंदा जिसी कुसे दिखया नेई ते नां कदें दिखी सकदा ऐ। ओसदी शक्ति ते मैमा ते राज योग-योग रौग। आमीन।

1 तीमुथियुस 6:16 ပူးပေါင်းရင်းမြစ်များ

यूहन्ना 1:18

परमेसर गी कुसे कदें बी नेई दिखया, इकै एक पुत्तर जेड़ा पिता दी गोदी च ऐ, ओसने गै उसी परकट कित्ता।

यूहन्ना 14:9

यीशु ने उसी आखया, “ए फिलिप्पुस, आऊँ इन्नें दिनें थमां थुआड़े कन्ने आं, ते के तू मिगी नेई जानदा? जेस ने मिगी दिखया ऐ, ओनें पिता गी दिखया ऐ; तू कि आखना ऐ, के असेंगी पिता दस।”

यूहन्ना 6:46

ए नेई के कुसे पिता गी दिख्या ऐ, लेकन जेड़ा परमेसर थमां ऐ, सेरफ उसै पिता गी दिख्या ऐ।

यूहन्ना 8:58

यीशु ने उन्दे क्न्ने आखया, “आऊँ थुआड़े क्न्ने सच-सच अखनां ऐं, के एदा हा पैलैं के अब्राहम जमया, आऊँ हा।”

इफिसियों 3:21

कलीसिया च ते मसीह यीशु च ओसदी मैमा पीढ़ी थमां पीढ़ी तकर योग-योग ओंदी रवै। आमीन।

फिलिप्पियों 4:20

साड़े परमेसर ते पिता दी मैमा योग-योग ओंदी रवै। आमीन।

कुलुस्सियों 1:15

पुत्तर तां नेई दिखने आले परमेसर दा रूप ते सारी सृष्टि च जेठा ऐ।

1 तीमुथियुस 1:17

ऊन मेशा दा राज करने आला राजा, मतलब मेशा आसतै रौने आला, अनदिखा एक गै परमेसर दा आदर ते मैमा जोग-जोग ओंदी रवै। आमीन।

इब्रानियों 13:8

यीशु मसीह कल ते अज्ज ते योग-योग आसतै इको जियां ऐ।

याकूब 1:17

किके अर एक छैल वरदान ते अर एक बदियै दान परमेसर पिता थमां उपर दा ऐ, ते लोईं दे पिता थमां मिलदा ऐ, जेस च नां ते कोई अदली-बदली ओई सकदी ऐ, ते नां अदल-बदल दे कारन ओस उपर न्हेरे दी छाऊं पौंदी ऐ।

1 यूहन्ना 1:5

जेड़ा समाचार असैं यीशु थमां सुनया, ते तुसेंगी सुनानयां न, ओ ए ऐ; के परमेसर लो ऐ ते ओदे च केछ बी न्हेरा नेई।

1 यूहन्ना 1:7

पर जेकर जियां परमेसर लोई च ऐ, उयांगै अस बी लोई च चलचे, तां एक दुए कन्ने संगति रखदे आं, ते ओसदे पुत्तर यीशु मसीह दा खून साड़े सारे पापें थमां शोद्ध करदा ऐ।

1 यूहन्ना 4:12

परमेसर गी कदें बी कुसे ने नेई दिखया; जेकर अस अप्पुं-बिचें प्यार करचै, तां परमेसर साड़े च बना रौंदा ऐ; ते ओसदा प्यार साड़े च सेध ओंदा ऐ।

यहूदा 1:25

ओ एक गै परमेसर ऐ ते साड़े प्रभु यीशु मसीह ने साड़े बासतै के कित्ता, ओसने असेंगी ओदे थमां बचाग ऐ प्रभु यीशु मसीह अपने लोकें गी परमेसर दा आदर ते मैमा देने दे जोग बनां लोक पंछानी सकन के ओदे कोल शक्ति ते अख्त्यार शुरू थमां, ऊन, ते मेशा लेई ऐ आमीन।

प्रकाशितवाक्य 1:6

ते असैं एक राज ते अपने पिता परमेसर आसतै याजक बी बनाई दित्ता; उस्स दी गै मैमा ते पराक्रम जूगे जूगे ओंदी रवै। आमीन।

प्रकाशितवाक्य 1:8

सर्वशक्तिमान परमेसर आखदे न, “मैं अल्फा ते ओमेगा हां, मतलब, शुरुआत ते आखर हां। मैं ओ हां जेड़ा ए, जेड़ा मेशा हां, ते जेड़ा अजें आनेआला ए।”

प्रकाशितवाक्य 21:3

पी आऊँ संहासन थमां कुसे गी उच्चे शब्द कन्ने ए आखदे दिखया, “दिख, परमेसर दा डेरा मनुक्खें दे बिच ऐ। ओ उंदे कन्ने डेरा करग, ते ओ ओदे लोग ओगन, ते परमेसर अप्पुं उंदे कन्ने रोह्ग ते उंदा परमेसर ओग।

प्रकाशितवाक्य 22:5

पी रात नेई ओग, ते उनेंगी दीये ते सूरज दी जरुरत नेई ओग, ते परमेसर जूगे जूगे राज करघंन।

प्रकाशितवाक्य 4:11

“ए साड़े प्रभु ते परमेसर, तूंऐं मैमा ते आदर ते समर्थ दे काबल ऐ; किके तू गै सारीयां चीजां बनाईयां ते ओ तेरी गै मर्जी कन्ने हियां ते बनाई गेईयां।”

प्रकाशितवाक्य 7:12

“आमीन! साड़े परमेसर दी स्तुति ते मैमा ते अक्ल ते तन्वाद ते आदर ते मान ते समर्थ जुगा नु जुग बनी रवै। आमीन!”