1 तीमुथियुस 4:16 - डोगरी नवां नियम

¹⁶ चकना रो के तुं कियां जीनां ते दुए गी के सखानां ऐं, एदा ए नतीजा ओंना, के तेरे थमां तुं ते तेरी शिखया सुननें आले परमेसर दे न्याय कोलां बची जागन।

1 तीमुथियुस 4:16 ပူးပေါင်းရင်းမြစ်များ

मरकुस 13:9

लेकन तोस चकने रवो, किके लोग तुसेंगी महासभें दे बेच सोंपगन ते तोस प्रार्थनाकारें च मार खागे ओ, ते मेरे कारन राजपालें ते राजें दे अगें पेश कित्ते जागे, के उन्दे सामने गवाही ओ।

लूका 21:34

“एसकरी चकने रवो, ऐसा नेई उवै के थुआड़े मन खमीर, ते मतवाले, ते एस जीनें दी चेंतें कन्ने सोस्त ओई जान, ते ओ देन थुआड़े उपर फन्दे आला लेखा चानक आई पौन।

प्रेरितों के कम 26:22

लेकन परमेसर दी मदद कन्ने आंऊँ अज्ज तकर बनें दा ऐं ते निके बड्डे सारें दे सामने गुआई दिना ऐं, ते उनै गल्लें गी छुड़ीयै केछ नेई आखदा जेड़ा पविखवक्तें ते मूसा ने बी गलाया के ओ ओनें आलियां न।

प्रेरितों के कम 6:4

लेकन अस तां प्रार्थना च ते वचन दी शिखया देने च लगे रौगे।”

रोमियो 11:14

तां जे किसे तरीके आऊँ अपने इस्राएली लोकें च जलन पैदा कराईयै उन्दे बिचा कई एक दा उद्धार करां।

रोमियो 16:17

ऊन ए साथी प्राओ, आऊँ थुआड़े कन्ने अर्ज करना ऐं, के जेड़े लोक ओस ठीक शिखया दे ओलट, जेड़ी तुसें लेती ऐ, फोट पुआने ते ठोकर खलाने दा कारन ओदे न, उन्दे कोलां दूर रवो।

रोमियो 2:7

जेड़े छैल कम च मजबूत रेईयै मैमा, ते आदर, ते अमरता दी खोज च न, उनेंगी परमेसर मेशा दी जिंदड़ी देग;

1 कुरिन्थियों 1:21

किके जेसलै परमेसर दे ज्ञान दे मताबक दुनिया ने ज्ञान कन्ने परमेसर गी नेई जानयां, तां परमेसर गी ए छैल लगया, के एस प्रचार दी बेबकूफी थमां विश्वास करने आलें गी उद्धार दियै।

1 कुरिन्थियों 9:22

आऊँ कमजोरें आसतै कमजोर जियां बनयां, के कमजोरें गी प्रभु आली बक्खी खिची लेई अवां। आऊँ सबनी मनुक्खें आसतै सारा केछ बने दा ऐं, के कुसे नीं कुसे चाली कुसे एक दा उद्धार कराई सकां।

1 कुरिन्थियों 9:27

लेकन आऊँ अपनी जिंदु गी काबू च करना ऐं तां जे आऊँ ओदी बुरी इच्छ्यें दे मताबक नेई चलां कुदै ऐसा नेई उवै के दुए गी शोभ समाचार सनांने दे बाद अप्पुं गै नाम गी मुआई दियां।

इफिसियों 4:14

तां जे अस अगें गी बच्चे नेई रौचै, जेड़े मनुक्खें गी ठगने आली पढ़ाई ते चलाकी कन्ने, उन्दी परमानें आलियें सलाईं गी, ते शिखया गी, अर एक अवै च उडने ते इत्त्थैं-उत्थें कमाए जंदे ओ।

कुलुस्सियों 4:17

ते पी अरखिप्पुस गी गलायो के जेड़ी सेवा प्रभु च तुगी दित्ती गेदी ऐ, उसी बड़े चकने ओईयै पूरा करयां।

1 थिस्सलुनीकियों 2:16

ते ओ दुई जातीयें गी मुक्ति पाने आसतै साड़े प्रचार दे कम गी रोकदे न, के मेशा पाप दे उपर पाप करदे रे, पर उन्दे उपर परमेसर दा बड़ा क्रोध आई पूजे दा ऐ।

1 तीमुथियुस 1:3

आऊँ तुगी पी आखे करना, ते केछ करने लेई अर्ज कित्ती इफिसुस दे शैर चा मकिदुनिया जाने थमां पैलैं, जियां तुगी पता ऐ, ए तीमुथियुस इफिसुस शैर च केछ गलत शिखया देने आले लोक न, ओ लगातार बजुर्गें दियां लमींयां-लमींयां कानीयां ते चुट्ठियां शिखयां दिन्दे न, जेलै आऊँ मकिदुनिया लाके गी इफिसुस शैर चा गीया हा, मैं तुगी आखया हा, के इफिसुस दे शैर च रेईयै उनै लोकें गी ओस चुठी शिखया लेई मन्ना कर, ऐसी शिखया थमां लोक बैस करदे न, ते एस कोलां पता चलदा, के ओ परमेसर थमां नेई, ओ ओस सेवा गी सेर्फ परमेसर दे उपर परोसा करियै करी सकदे न।

1 तीमुथियुस 4:15

इनें गल्लें गी लागू कर ते उन्दे लेई अपने आप गी पूरी चाली सौंपी दे, तां जे अर कोई तुगी विश्वास च अगें बददे दिखी सकै।

1 तीमुथियुस 4:6

जेकर तू विश्वासी प्राऐं ते पैनें गी इनें गल्लें दी शिखया दिंदा रौगा, तां मसीह यीशु दा अच्छा सेवक बनगा; ते परमेसर तेरा बी पालन-पोषण एस आसतै करग के तुं विश्वास ते ओस अच्छी शिखया दी गल्लें गी मनदा आया ऐं।

2 तीमुथियुस 2:10

एसकरी आऊँ लोकें लेई सारे दोख चलया करना, जेस लेई परमेसर ने मिगी चुने दा ऐ, तां जे ओ मसीह यीशु उपर विश्वास करन, ते मुक्ति पांन, ते ओस मैमा गी जेड़ी मेशा दी ऐ।

2 तीमुथियुस 3:14

लेकन तो विश्वास करदे रौना चाईदा, के असैं तुगी के सखाया हा, ते तुगी यकीन ओना चाईदा, के ए गल्लां तो कोदे कोलां सिखियां हां,

2 तीमुथियुस 4:2

के तू परमेसर दे वचन दा प्रचार कर, लोक सुनन जां नेई सुनन, लेकन तुं त्यार रवेयां, तुं उन्दी गलतीयें छा सधारने गी ते औसला देईयै बड़े सबर कन्ने उनेंगी समझा।

तीतुस 1:9

ते ओ वश्वासजोग वचन उपर जेड़ा तर्म दी शिखया दे मताबक ऐ, टिके दा रवै; के खरी शिखया थमां सखाई सकै; ते विरोधीयें दे मुंह बन्द करी सकै।

तीतुस 2:15

एस लेई तीतुस तू, पूरे अख्त्यार कन्ने ए गल्लां समझा, ते सखांदा रो। कोई तुगी तोच्छ नेई जानी सकै।

तीतुस 2:7

सारीयें गल्लें च अपने आप गी पले कम दा नमूना बना। तेरी शिखया च सफाई, गंभीरता,

फिलेमोन 1:19

आऊँ पौलुस अपने अथ्थें कन्ने लिखे करना ऐं के आऊँ अप्पुं तुगी देई देगा; ते एस दे आखने दी कोई जरुरत नेई के मेरा कर्जा जेड़ा मैं तुगी देनां ऐ जेदे कारन तो प्रभु यीशु मसीह गी ग्रेण कित्ता ओ मता ऐ।

इब्रानियों 12:15

ते त्यान कन्ने दिखदे रवो, ऐसा नेई उवै, के कोई परमेसर दी क्रपा थमां दूर रेई जा, जां कोई कौड़ी जड़ निकलियै दोख दियै, ते ओदे थमां मते सारे लोग बिगड़ी जान।

इब्रानियों 13:9

केई केसम दियें ते बखरीयें शिख्यें थमां नेई परमाए जाओ, किके मन गी क्रपा कन्ने मजबूत रौना पला ऐ, नां गै उनै खाणे पीने आलियें चीजें थमां केछ फायदा ओया जीनें, छड़ा उन्दे उपर गै दे दिता ऐ।

याकूब 5:20

तां ओ ए जानी लै, के जेड़ा कोई कुसे पटके दे पापी गी फेरी लेई ओग, ओ एक प्राण गी मौत थमां बचाग, ते मते पापें कोलां माफी पाग।