1 तीमुथियुस 4:1 - डोगरी नवां नियम

¹ लेकन पवित्र आत्मा साफ-साफ़ आखदा ऐ, के ऐन्त दे बेलै किन्नें लोक मसीह शिखयां उपर विश्वास करना बन्द करी देगन, ओ बुरियें आत्में दी मन्नीयै, जेड़ीयां उनेंगी गलत रस्ते च लेई जंदियां ते दोष्टआत्मायें दी चुठी शिख्यें उपर विश्वास करन लगी पौगन।

1 तीमुथियुस 4:1 ပူးပေါင်းရင်းမြစ်များ

मत्ती 18:7

ठोकरें दे कारन दुनियां दे लोकें उपर बसोस! ठोकरें दा लगना जरुरी ऐ; पर बसोस ओस मनुक्ख उपर जेसदे कारन ठोकर लगदी ऐ।

लूका 17:1

पी ओनें अपने चेलें गी आखया, “ओई नेई सकदा के पाप करने दियां परिख्या तुसेंगी नेई औगन, पक्का औगन, पर बसोस ओस मानु उपर ए जेसदे कारन औन्दीयां न

यूहन्ना 16:13

लेकन जेलै ओ, मतबल सच्च दा आत्मा औग, तां ओ तुसेंगी सच दा रस्ता दसग, किके ओ अपने थमां नेई बोलग, लेकन जे केछ सुनग, उवै बोलग, ते औने आलियां गल्लां तुसेंगी दसग।

प्रेरितों के कम 13:2

जेस बेलै ओ उपवास कन्ने प्रभु दी पगती करा करदे हे, तां पवित्र आत्मा ने उन्दे क्न्ने आखया, “मेरे आसतै बरनबास ते शाऊल गी ओस सेवा आसतै लग्ग करो जेस आसतै मैं उनेंगी बलाए दा ऐ।”

प्रेरितों के कम 17:18

ओस बेलै इपीकूरी ते स्तोईकी दर्शन दिखने आलें बिचा केछ ओदे कन्ने सवाल करना लगे, ते कईयें आखया, “ए बकवादी के आखन चांदा ऐ?” लेकन दुए आखया, “ओ दुए देवतां दा परचार लगदा ऐ” किके ओ यीशु दा ते जिंदा उठने दे बारै च शोभ समाचार सनांदा हा।

प्रेरितों के कम 20:23

सेर्फ ए के पवित्र आत्मा अर शैर च गुआई देई-देईयै मेरे कन्ने आखदा ऐ के बंधन ते कलेश तेरे आसतै त्यार न।

प्रेरितों के कम 21:11

ओसने साड़े कोल आईयै पौलुस दा बैलट लेता, ते अपने अथ्थ पैर बन्नीयै आखया, “पवित्र आत्मा ए आखदा ऐ, के जेस मनुक्ख दा ए बैलट ऐ, उसी यरूशलेम च यहूदी एस रीति कन्ने बनी देगन, ते दुई जातीयें दे अथ्थ च सौपी देगन।”

प्रेरितों के कम 28:25

जेसलै ओ अप्पुं बिचें एक मत नेई ओए, तां पौलुस दी एस गल्ल दे आखने उपर चली गै; पवित्र आत्मा ने यशायाह पविखवक्ता थमां थुआड़े बजुर्गें कन्ने ठीक गै आखया,

1 कुरिन्थियों 10:20

नेई, बस ए, के ओ लोक जेड़े मूर्तियें दे अगें बलि चाढ़दे न; ओ परमेसर आसतै नेई, लेकन दोष्टआत्मायें आसतै चाढ़दे न ते आऊँ नेई चानां, के तोस दोष्टआत्मा दे पागीदार उयो।

1 कुरिन्थियों 11:19

किके बखेड़े बी थुआड़े च जरुर ओगन, एस लेई के जेड़े लोग थुआड़े च खरे ओंन ओ परकट ओई जांन।

1 कुरिन्थियों 12:11

लेकन ए सब असरदार कम उवै एक आत्मा करांदा ऐ, ते जिसी जेड़ा चांदा ऐ ओ बंडी दिन्दा ऐ।

1 कुरिन्थियों 2:10

लेकन परमेसर ने अपने गोप्त पेदें गी अपने आत्मा थमां साड़े उपर परकट कित्ता, किके पवित्र आत्मा सारीयां गल्लां वरन परमेसर दे गैरें पेदें गी बी जांचदा ऐ।

2 कुरिन्थियों 11:3

लेकन आंऊँ डरना ऐ के जियां शतान ने सप्प दे रूप च अपनी चलाकी कन्ने पैली जनानी अवा गी परमाया, उयांगै थुआड़े मन ओस वफादारी ते पवित्रता थमां जेड़ी मसीह दे क्न्ने ओनी चाईदी कुदै प्रष्ट नेई कित्ती जा।

कुलुस्सियों 2:18

कोई मनुक्ख चुठी लीमंगी ते सोर्गदूतें दी पुजा करियै तुसेंगी दौड़ दे फल थमां दूर नेई करै। ऐसा मनुक्ख दिखने आली गल्लें च लगे दा रौंदा ऐ ते अपनी शरीरिक समझ उपर बेकार कमंड करदा ऐ,

2 तीमुथियुस 3:13

लेकन दुष्ट लोक ते तोखा देने आले ओर जादै बराईयां करदे जागन ओ लोकें गी तोखा देगन ते लोकें कोलां तोखा खंदे रौगन।

2 तीमुथियुस 4:4

ते ओ सच्चाई गी नेई लेकन चुठी कथा-कानीयें गी सुनगन।

याकूब 3:15

ए ज्ञान ओ नेईयै जेड़ा सोर्ग चा उतरदा ऐ, बरना संसार आला, ते शरीरिक, ते शतानी ऐ।

1 पतरस 1:20

ओहदी अक्ल अते दुनिया दी उत्पति दे पैहले हे तां जानेया गीया हे, लेकन हुन एस आखरी युग च थुआड़े लेई परकट ओया।

2 पतरस 2:1

जिस चली ऊन लोकें च चुठे नबी हे, उसै चली थुआड़े बिचा बी चुठे उपदेशक होगन, जेड़े नाश करने आले पाखण्ड दा उद्घाटन छिपी छीपिये करगन, अते ओस स्वामी दा जिन्ने उनेगी मोल लेता ऐ इन्कार करगन, अते अपने आप गी जल्दी विनाश च डाली देने ए।

2 पतरस 3:3

पैहले ए जानी लो कि आखरी धयारे च हँसी ठट्ठा करने आले औन गे जेड़े अपनी हे अभिलाषाओं दे लेखा चालन गे

1 यूहन्ना 2:18

ए बच्च्यो, ए खीरी दा बेला ऐ, ते जियां तुसें सुनया ऐ, के मसीह दा वरोधी औने आला ऐ, ओदे आला लेखा ऊन बी मते मसीह वरोधी उठी खडोते न; एदे थमां अस जानदे न, के ए खीरी दा बेला ऐ।

1 यूहन्ना 4:6

अस परमेसर दे न। जेड़ा परमेसर गी जानदा ऐ, ओ साड़ी सुनदा ऐ; जेड़ा परमेसर गी नेई जानदा ओ साड़ी नेई सुनदा। एस तरीके अस सच्च बोलने आली आत्मा ते तोखे दी आत्मा गी पछांनी लेनयां न।

यहूदा 1:18

ओ थुआड़े कन्ने आखदे रौंदे हे, “यीशु मसीह दे बापस औने थमां पैलैं, प्रभु ते प्रभु दे लोकें दा मजाक करने आले लोक ओगन ए लोक अपनी खुआशें दे मताबक जिंदड़ी जगारनें आले ओगन।”

यहूदा 1:4

केछ लोक जेड़े मसीह विश्वास दा दखावा करदे न, थुआड़ी कलीसिया च आई जुड़ी दे न, ओ परमेसर दा आदर नेई करदे ते सखांदे के पाप करने थमां बी परमेसर असेंगी माफ़ करदा ऐ, अस पाप परी दी जिंदड़ी जी सकनयां न, सेर्फ यीशु मसीह साड़ा मालक ते प्रभु ऐ, एस गल्ल दा ओ एन्कार करदे न, परमेसर ने पराने बेलै च ए पैलैं दा पवित्र शास्त्र च आखे गेदा ऐ, के ऐसे लोक ओस कोलां सजा पागन।

प्रकाशितवाक्य 13:14

उनेंगी चेन्न दे कारन, जिनैं उस्स जानबर दे समुक दसने दा आक्क दिता गीया हा, ओ तरती दे रैने आलें गी परमांदा हा ते तरती दे रेंने आलें गी आखदा हा के जेस जानबर गी तलवार लगी हे ओ जिंदा ओई गीया ऐ, उस्स दी मूरत बनाओ।

प्रकाशितवाक्य 16:14

ए चेन्न दिखने आली दोष्टआत्मायें न, जेकीयां सारे जगत दे राजें दे कोल निकलियै एस लेई जंदियां न के उनेंगी सर्वशक्तिमान परमेसर दे उस्स बड्डे धयारे दी लड़ाई आसतै किटठा करन

प्रकाशितवाक्य 18:2

उस्स ने उच्चे शब्द कन्ने पकारीयै गलाया “डिगी गीया, बड़ा बेबीलोन डिगी गीया ऐ! ओ दोष्टआत्मायें दा नवास, ते अर एक दोष्टआत्मायें दा अड्डा, ते अर एक गन्दा ते बैर आला पैंछी दा अड्डा ओई गीया।

प्रकाशितवाक्य 18:23

ते दियै दी लो पी कदें तेरे च नेई चमकग, ते मराज ते लाड़ी दा शब्द पी कदें तेरे च सनाई नेई देग; किके तेरे बपारी तरती दे प्रधान हे, ते तेरे टोने कन्ने सारीयां जातीयां परमाई दियां हियां।

प्रकाशितवाक्य 19:20

ओ जानबर, ते ओदे कन्ने ओ चुट्ठा पविखवक्ता पकड़ेया गीया जेस ने ओदे समुक ऐसे चेन्न दसे हे जिंदे रहें उस्स ने उनेंगी गी परमाया जिंदे उपर उस्स जानबर दी मोर हे ते जेड़े उस्स मूरत दी पुजा करदे हे। ए दमै जिंदे जी उस्स अग्ग दी चील च, जेकी गंधक कन्ने जलदी ऐ, सुट्टी दित्ते।

प्रकाशितवाक्य 2:11

जेसदे कन ओन ओ सुनी लै के आत्मा कलीसिया कन्ने के आखदा ऐ। जेहड़ा जय पा, उस्स गी दुई मौत थमां कोई नुस्कान नेई पुजग।”

प्रकाशितवाक्य 2:17

जेसदे कन ओन ओ सुनी लैंन के आत्मा कलीसिया कन्ने के आखदा ऐ। जेहड़ा जय पा, उस्स गी आऊँ गुप्त मन्ना बिचा देगा; ते उस्स बट्टे उपर एक नां लिखा ओग, जेस गी ओदे पाने आले दे बगैर ओर कोई नेई जानग।”

प्रकाशितवाक्य 2:29

जेसदे कन ओन ओ सुनी लै के आत्मा कलीसिया कन्ने के आखदा ऐ।’”

प्रकाशितवाक्य 2:7

जेसदे कन ओंन ओ सुनी लै के आत्मा कलीसिया कन्ने के आखदा ऐ। जेड़ा जय पा, आऊँ उसी उस्स जीवन दे बूट्टे थमां जेड़ा परमेसर दे सोर्गलोक च ऐ, फल खाणे गी देग।”

प्रकाशितवाक्य 20:10

उंदा परमाने आला शतान अग्ग दे गंधक दी उस्स चील च, जेस च ओ जानबर ते चुट्ठा पविखवक्ता बी ओग, सुट्टी दिता जाग; ते ओ रात धयारे जूगे जूगे पीड़ च तड़फदे रोघंन।

प्रकाशितवाक्य 20:8

ओ ओनें जातीयें गी जेकी पूरी तरती उपर ओगन, मतलब गोग ते मागोग गी जिंदी गिनती समुंद्र दे रेत दे बराबर ओग, परमाइयै लड़ाई आसतै किटठा करने गी निकलग।

प्रकाशितवाक्य 3:13

जेसदे कन ओंन ओ सुनी ले के आत्मा कलीसिया कन्ने के आखदा ऐ।

प्रकाशितवाक्य 3:22

जेसदे कन ओंन ओ सुनी ले के आत्मा कलीसिया कन्ने के आखदा ऐ।”

प्रकाशितवाक्य 3:6

जेसदे कन ओंन ओ सुनी ले के आत्मा कलीसिया कन्ने के आखदा ऐ।”

प्रकाशितवाक्य 9:20

बाकी मनुक्खें जेड़े ओनें मारीयै थमां नेई मरे न, अपने हत्थें दे कम्में थमां मन नेई पिया, के दोष्टआत्मायें दी, ते सुन्ने ते चांदी, ते पीतल ते पांड़े ते काठ दी मूरतीयें दी पुजा नेई करन जेकी नां दिखी, नां सुनी, नां चली सकदीयां न;