1 थिस्सलुनीकियों 5:9 - डोगरी नवां नियम

⁹ किके परमेसर ने असेंगी गुस्सै आसतै नेई, लेकन एस आसतै रख्या ऐ के अस अपने प्रभु यीशु मसीह थमां उद्धार आसल करी सकचै।

1 थिस्सलुनीकियों 5:9 ပူးပေါင်းရင်းမြစ်များ

मत्ती 26:24

मनुक्ख दा पुत्तर तां जियां ओदे बारै च लिखे दा ऐ, ओ ओई जानां गै; लेकन ओस मनुक्ख आसतै बसोस ऐ जिदे दवारा मनुक्ख दा पुत्तर पड़काया जन्दा ऐ; जेकर ओस मनुक्ख दा जन्म गै नेई होंदा हा, तां ओस लेई पला होंदा।”

प्रेरितों के कम 1:20

किके पजनें दी कताब च लिखे दा ऐ, ओसदा कर जुआड़ी दित्ता जा, ते ओस च कोई नेई बसे, ते ओसदी जगा कोई दुआ लेई लै।

प्रेरितों के कम 1:25

के एस सेवा ते प्रेरिताई दी खाली जगा परे, जिसी यहूदा इस्करियोती छुड़ीयै अपनी जगै गी चली गीया।”

प्रेरितों के कम 13:48

ए सुनीयै दुई जातीयें दे लोक खोश ओए, ते परमेसर दे वचन दी बड़ाई करन लगे; ते जिन्नें बी मेशा दी जिंदड़ी आसतै चुनें गेदे हे, उनै विश्वास कित्ता।

रोमियो 11:30

किके जियां तुसें पैलैं परमेसर दा उक्म नेई मन्नया, लेकन ऊन यहूदीयें दे उक्म नेई मनने कन्ने थुआड़े उपर दया ओई;

रोमियो 11:7

एसकरी नतीजा के ओया? ए के इस्राएली जिसी तुपा करदे न, ओ उनेंगी नेई मिलया; लेकन चुने दें गी मिलया, ते बाकी लोकें दे देल कठोर कित्ते गै।

1 थिस्सलुनीकियों 1:10

ते ओसदे पुत्तर दे सोर्ग थमां बापस औने दा एन्तजार करदे रवो जिसी परमेसर ने मरें दे बिचा जिंदा कित्ता, मतलब यीशु गी, जेड़ा असेंगी औने आले प्रकोप थमां बचांदा ऐ।

1 थिस्सलुनीकियों 3:3

के कोई इन्नें कलेशें दे कारन डामा डोल नेई ओई जा। किके तोस अप्पुं गै जानदे ओ, के अस ए दोख सैने आसतै गै चुनें गेदे न।

1 तीमुथियुस 1:13

आऊँ तां विश्वासी बननें थमां पैलैं निंदया करने आला, ते मसीही वश्वासीयें गी सताने आला, ते उन्दे उपर जोलम करदा हा; विश्वास च औने थमां पैलैं मिगी समझ नेई ही, के आऊँ के करै करा नां ऐं, पी बी परमेसर ने मेरे उपर दया कित्ती, किके मैं बिना विश्वास दी आलत च बगैर समझ बूझ दे ए कम कित्ते हे।

1 तीमुथियुस 1:16

लेकन मेरे उपर मसीह यीशु ने दया कित्ती, ओ दसना चांदा हा, के ओसने केस चाली सबर करियै मिगी माफ़ कित्ता, आऊँ जेस ने सारें थमां जादै पाप कित्ता, ओ एक मसाल उनै लोकें आसतै बना जिन्नें विश्वास करना ते मेशा दी जिंदड़ी पानी ऐं उन्दे लेई एक नमुनां बना।

2 तीमुथियुस 2:10

एसकरी आऊँ लोकें लेई सारे दोख चलया करना, जेस लेई परमेसर ने मिगी चुने दा ऐ, तां जे ओ मसीह यीशु उपर विश्वास करन, ते मुक्ति पांन, ते ओस मैमा गी जेड़ी मेशा दी ऐ।

1 पतरस 2:10

तुस पैहले अते केछ बी नेईं हे लेकन हुन परमेसर दी प्रजा होए; थुआड़े उप्पर दया नेईं ओई हे लेकन हुन थुआड़े उप्पर दया ओई ऐ।

1 पतरस 2:8

अते “ठेस लगने दा बट्टे अते ठेडे खाणे दी चट्टान ओई गीया ऐ,” कीहके ओह ते वचन गी नां मनियै ठेडे खांदे न अते इस्से दे लेई ओह ठहराए बी गे हे।

2 पतरस 1:1

शमौन पतरस दी ओर दा, जेहड़ा यीशु मसीह दा दास अते प्रेरित ऐ, ऊन लोकें दे नाम जिन्ने साहडे परमेसर अते उद्धारकर्ता यीशु मसीह दी तार्मिकता रहें साहडे लेखा बहुमोल बश्वास प्राप्त कित्ता ऐ।

2 पतरस 2:3

ओह लालच दे लेई गल्ला गढ़ड़िये तुस गी अपने लाभ दा कारन बनान गे, अते जेड़ा दण्ड दी उक्म उन्दे उप्पर पैहले तो ओई चुकी ऐ ओहदे औने च केछ बी देर नेईं, अते उन्दा विनाश सुत्अतेदा नेईं।

यहूदा 1:4

केछ लोक जेड़े मसीह विश्वास दा दखावा करदे न, थुआड़ी कलीसिया च आई जुड़ी दे न, ओ परमेसर दा आदर नेई करदे ते सखांदे के पाप करने थमां बी परमेसर असेंगी माफ़ करदा ऐ, अस पाप परी दी जिंदड़ी जी सकनयां न, सेर्फ यीशु मसीह साड़ा मालक ते प्रभु ऐ, एस गल्ल दा ओ एन्कार करदे न, परमेसर ने पराने बेलै च ए पैलैं दा पवित्र शास्त्र च आखे गेदा ऐ, के ऐसे लोक ओस कोलां सजा पागन।