1 थिस्सलुनीकियों 4:3 - डोगरी नवां नियम

³ किके परमेसर दी मर्जी ए ऐ, के तोस पवित्र बनो; मतलब ब्यभिचार कोलां दूर रवो।

1 थिस्सलुनीकियों 4:3 ပူးပေါင်းရင်းမြစ်များ

मत्ती 12:50

किके जेड़ा कोई मेरे सोर्ग दे पिता दी मरजी उपर चलया, उवै मेरा प्रा ते मेरी पैन, ते मेरी मां ऐ।”

मत्ती 15:19

किके बुरे वचार, अत्या, दुए दी जनांनी लेई गलत सोच, ब्यभिचार, चोरी, चुठी गुआई ते निन्दक मन थमां गै निकलदी ऐ।

मत्ती 5:32

लेकन आंऊ थुआड़े कन्ने ऐ आखना ऐ के जेहड़ा कोई अपनी करेआली गी ब्यभिचार दे बगैर किसे होर भान्ने थमां तलाक दियै, ते ओ उस्स थमां ब्यभिचार करांदा ऐ; ते जेहड़ा कोई उस्स त्यागी ओई दे कन्ने ब्याह करै, ओ ब्यभिचार करदा ऐ।”

मत्ती 7:21

“जेड़ा मिगी, ए प्रभु! ए प्रभु! आखदा ऐ, उंदे बिचा अर एक सोर्ग दे राज बेच दाखल नेई ओग, लेकन ओऐ जेड़ा मेरे सोरग दे पिता दी मर्जी उपर चालदा ऐ।

मरकुस 3:35

किके जेड़ा कोई परमेसर दी मरजी दे उपर चलग, उवै मेरा प्रा, ते मेरी पैन, ते मेरी माता ऐ।”

यूहन्ना 4:34

यीशु ने उनेंगी आखया, मेरा पोजनं ए ऐ के अपने पेजने आले दी मरजी दे मताबक चलां ते ओसदा कम्म पूरा करां।

यूहन्ना 7:17

जेकर कोई ओदी मरजी उपर चलना चा, तां ओ एस शिखया दे बारै जानी सकग के ओ परमेसर थमां ऐ, जां आऊँ अपनी त्र्फुं आखना ऐ।

प्रेरितों के कम 15:20

लेकन अस उनेंगी लिखी पेजचै, के ओ मूरतें दी अशोद्ध ते ब्यभिचार ते गला कोटे दे मांसे थमां ते खून थमां दूर रौन।

प्रेरितों के कम 15:29

के तोस मूरतें अगें बलि कित्ते दे ते खून खाणे थमां, ते गला कोटे दे मांसे थमां, ते ब्यभिचार थमां दूर रवो। इंदे शा दूर रवो तां थुआड़ा पला ओग। अग्गें शोभकामनां।”

प्रेरितों के कम 20:32

ते ऊन आंऊँ तुसेंगी परमेसर गी, ते ओदे क्रपा दे वचन गी सौपी दिना ऐं; जेड़ा थुआड़ी तरक्की करी सकदा ऐ, ते सब पवित्र कित्ते दे लोकें च सांझी करियै जे परमेसर ने थुआड़े आसतै रखे दा ऐ देई सकदा ऐ।

प्रेरितों के कम 26:18

के तू उन्दिआं अखां खोले किके ओ न्हेरा चा लो आली बखी, ते शतान दी शक्ति थमां परमेसर दी बखी फिरन; के परमेसर उन्दे पापें दी माफी ते उनै लोकें दे कन्ने जेड़े मेरे उपर विश्वास करने कन्ने पवित्र कित्ते गै न, मेरी जायासत पांन।

रोमियो 1:29

ओ अर चाली दी अतार्मिकता, दुष्टता, ते लालच, बैर वरोध कन्ने परोई गै, ते सारी एर्षा, अत्या, चगड़े, ते छल, ते पैड़ी अरक्तें कन्ने परी गै, ओ चुगली करने आले,

रोमियो 12:2

एस दुनिया दे लोकें जियां नेई बनो; मगर थुआड़े मन दे नमें ओई जाने कन्ने थुआड़ा चाल-चलना बी बदलदा जा, जेदे कन्ने तोस परमेसर दी पली, ते अच्छी लगने आली, ते सेध्द मरजी तजरबे कन्ने पता करदे रवो।

रोमियो 6:22

लेकन ऊन पाप थमां दूर ओईयै ते परमेसर दे दास बनियें तुसेंगी फल मिलया जेस च पवित्रता आसल ओंदी ऐ, ते ओसदा नतीजा मेशा दी जिंदड़ी ऐ।

1 कुरिन्थियों 1:30

लेकन परमेसर थमां तोस मसीह यीशु च ओं, जेड़ा परमेसर थमां साड़े आसतै ज्ञान बनयां, मतलब तरमी, ते पवित्रता, ते छुटकारा;

1 कुरिन्थियों 7:2

लेकन परिख्या थमां बचने लेई अर एक मर्द दी पत्नी, ते अर जनांनी दा पति उवै।

2 कुरिन्थियों 12:21

ते कुत्ते ऐसा नेई उवै के मेरे परतियै थुआड़े इत्थैं औने उपर मेरा परमेसर मिगी शर्मिंदा करै ते मिकी मतें आसतै पी बसोस करना पवै, जिनैं पैलैं शरीर च पाप कित्ता हा, ते ओस गंदे कम, ते ब्यभिचार, ते लुचपन थमां, जेड़े उनै कित्ते, मन नेई फेरया।

गलातियों 5:19

जिंदु दियां बुरीयां इच्छ्यां ते साफ लबदियां न, मतलब ब्यभिचार, गंदे कम, लुच्चा पन,

इफिसियों 5:17

एस कारन निर्बुद्धि नेई बनयो, लेकन त्यान कन्ने समझो के प्रभु दी मर्जी के ऐ।

इफिसियों 6:6

ते मनुक्खें गी खोश करने आलें आला लेखा दसने आसतै सेवा नेई करो, लेकन मसीह दे दासें आला लेखा मन कन्ने परमेसर दी मर्जी उपर चलो।

कुलुस्सियों 1:9

एस लेई जेस देन असैं थुआड़े बारै च सुनया ऐ, असैं बी थुआड़े लेई ए प्रार्थना ते अर्ज करना नेई छुड़ी के तोस सारे आत्मिक ज्ञान ते समझ समेत परमेसर दी मरजी दी पंछान च परपुर ओई जाओ,

कुलुस्सियों 3:5

एसकरी अपनी जेंद दी खुआशें गी मारी सुटो, जेड़ीयां एस तरती उपर बुरे कम करांदीयां न, मतलब ब्यभिचार, अशोद्धता, पाप करने दियां इच्छ्यां, बुरीयां खुआशां, ते लालच गी जेड़ा मूर्ति पुजा दे बराबर ऐ।

कुलुस्सियों 4:12

इपफ्रास, जेड़ा थुआड़े शैर बिचा ऐ, ते मसीह यीशु दा दास ऐ, तुसेंगी नमश्कार बोलदा ऐ। ते ओ मेशा थुआड़े लेई प्रार्थना करने दी कोष्ट करदा ऐ, तां जे तोस सेध्द ओईयै पूरे विश्वास दे कन्ने परमेसर दी मरजी उपर टिके दे रवो।

1 थिस्सलुनीकियों 4:2

किके तोस जानदे ओ, के असैं प्रभु यीशु दे अधिकार थमां तुसेंगी केड़े-केड़े उक्म पजाए।

1 थिस्सलुनीकियों 4:4

ते थुआड़े बिचा अर एक अपनी करेआली कन्ने पवित्रता ते आदर च रौना सीखै।

1 थिस्सलुनीकियों 5:18

अर गल्ल च शुक्र करो; किके थुआड़े आसतै मसीह यीशु च परमेसर दी इयै मर्जी ऐ।

1 थिस्सलुनीकियों 5:23

शान्ति दा परमेसर अप्पुं गै तुसेंगी पूरी रीति कन्ने पवित्र करै; ते थुआड़ी आत्मा, प्राण ते जेंद साड़े प्रभु यीशु मसीह दे बापस औने तकर पूरे ते बेकसुर बनें दे रवो।

2 थिस्सलुनीकियों 2:13

ए विश्वासी प्राओ, ते प्रभु दे प्यारे लोको, ए ठीक ऐ, के अस थुआड़े बारै च मेशा परमेसर दा शुक्र करदे रौचै, किके परमेसर ने सृष्टि बनाने थमां पैलैं तुसेंगी चुनी लेता, के पवित्र आत्मा थमां पवित्र बनियै, ते सच्चाई गी तुपियै मुक्ति पाओ,

तीतुस 2:14

जेस ने अपने आप गी साड़े बासतै देई दिता, के असेंगी अर चाली दे अतर्म थमां छुड़ाई लै, ते शोद्ध करियै अपने आसतै एक ऐसी जाती बनाई लै जेड़ी पले-पले कम आसतै चात करने आली उवै।

इब्रानियों 10:36

किके तुसेंगी सबर करना जरुरी ऐ, तां जे परमेसर दी मर्जी गी पूरी करियै तोस ओदे बायदे दा फल पाओ।

इब्रानियों 12:16

ऐसा नेई उवै, के कोई जन व्यभिचारी, जां अब्राहम दे पोत्रू एसाव आला लेखा अतरमी ओई जा, जेस ने एक बार दी रुट्टी दे बदले अपने पहिलोठे ओनें दा औदा बेची दिता।

इब्रानियों 13:21

तुसेंगी ओ अर एक पली गल्ल च सेध करै, जेस कन्ने तोस ओसदी मर्जी पूरी करो, ते जे केछ उसी छैल लगदा ऐ, उसी यीशु मसीह थमां साड़े च पूरा करै। ओसदी मैमा योग-योग ओंदी रवै। आमीन।

इब्रानियों 13:4

ब्याह सारें च आदर दी गल्ल समझी जा, ते ब्याह दा बशेंन निर्मल रवै, किके परमेसर ब्यभिचारयें, ते पराई जनानी गी दिखने आलें दा न्याय करग।

1 पतरस 1:2

अते परमेसर पिता दे औने आले अक्ल दे लेखा, आत्मा दे पवित्र करने दे रहें उक्म मनने अते यीशु मसीह दे खून दे छिड़के जाने दे लेई चुने गे न। तुस गी क्रपा अते शान्ति बडीयत कन्ने मिलदी रहे।

1 पतरस 4:2

ताकि औने आले च अपना शेष शारीरिक जीवन मनुक्खे दी अभिलाषाओं दे लेखा नेईं लेकन परमेसर दी मरजी दे लेखा व्यतीत कर।

1 यूहन्ना 2:17

दुनिया ते ओदीयां खुआशां दमै नाश ओदे जन्दे न, लेकन जेड़ा परमेसर दी मर्जी उपर चलदा ऐ, ओ मेशा बना रौग।

प्रकाशितवाक्य 21:8

लेकन डरपोक, ते अवश्वासीयें, ते घिनोने, ते अत्यारे ते ब्यभिचारयें, ते टूने, ते मूरतपुजके, ते सारें चुठे दा इस्सा उस्स चील च मिलग जेकी अग्ग ते गंधक कन्ने जलदी रौंदी; ए दुई मौत ऐ।”

प्रकाशितवाक्य 22:15

लेकन कुत्तें, ते टोन्हें, ते व्यभिचारी, ते अत्यारे ते मूरतपूजा, ते अर एक चुठ दा कड़ने आला बार रौग।