1 थिस्सलुनीकियों 3:3 - डोगरी नवां नियम

³ के कोई इन्नें कलेशें दे कारन डामा डोल नेई ओई जा। किके तोस अप्पुं गै जानदे ओ, के अस ए दोख सैने आसतै गै चुनें गेदे न।

1 थिस्सलुनीकियों 3:3 ပူးပေါင်းရင်းမြစ်များ

लूका 21:12

लेकन इनें सारीयें गल्लें थमां पैलैं ओ मेरे नां दे कारन तुसेंगी पकड़गन, ते सतागन, ते प्रार्थनाकारें च कसीटगन, ते जेल खाणे सुट्टगन, ते राजें दे ते राजपालें दे अगें लेई जागन।

यूहन्ना 16:2

ओ तुसेंगी प्रार्थनाकार चा कढी ओड़गन, मतलब ओ बेला औना ऐ, के जेड़ा कोई तुसेंगी मारी ओड़ग, ओ ए समझग के आऊँ परमेसर दी सेवा करा नां ऐं।

यूहन्ना 16:33

मैं ए गल्लां थुआड़े कन्ने एस लेई आखीयां न, के तुसेंगी शान्ति मिलै; दुनिया च तुसेंगी कलेश ओंदा ऐ, लेकन इम्त रखो, मैं दुनिया गी जीती लेत्ता ऐ।”

प्रेरितों के कम 14:22

ते अर एक शैर च चेलें दे मनें गी कैम करदे रे ते ए शिखया दिंदे हे के विश्वास च बने रवो; ते ए आखदे हे, “असैं मते सारे कलेश चुकियै परमेसर दे राज च दाखल ओना ओग।”

प्रेरितों के कम 2:25

किके दाऊद ओदे बारै च आखदा ऐ, “आंऊँ प्रभु गी मेशा अपने सामने दिखदा रिया, किके ओ मेरी सज्जी बखी ऐ, तां जे आंऊँ टेई नेई जां।

प्रेरितों के कम 21:11

ओसने साड़े कोल आईयै पौलुस दा बैलट लेता, ते अपने अथ्थ पैर बन्नीयै आखया, “पवित्र आत्मा ए आखदा ऐ, के जेस मनुक्ख दा ए बैलट ऐ, उसी यरूशलेम च यहूदी एस रीति कन्ने बनी देगन, ते दुई जातीयें दे अथ्थ च सौपी देगन।”

प्रेरितों के कम 21:13

लेकन पौलुस ने जबाब दिता, “तोस के करदे ओ, के रोई-रोईयै मेरा मन खराब करदे ओ? आंऊँ तां प्रभु यीशु दे नां खातर यरूशलेम नां सेर्फ कैद ओनें गै नेई बरना मरने लेई बी त्यार ऐं।”

प्रेरितों के कम 9:16

ते आंऊँ उसी सनागा, के मेरे नां आसतै उसी कियां-कियां दोख पोगना ओग।”

रोमियो 5:3

सेरफ इयै गै नेई, लेकन अस अपने संकटें च बी नन्द करचै, ए समझीयै के संकट थमां सेंन करना सिखेया जांदा ए,

1 कुरिन्थियों 15:58

एस आसतै ए मेरे प्यारे विश्वासी प्राओ, पक्के ते टिके दे रवो, ते प्रभु दे कम च मेशा जोश कन्ने बददे जाओ, किके ए जांनदे ओई, के थुआड़ी मेंनत प्रभु च बेकार नेई ऐ।

1 कुरिन्थियों 4:9

मेरी समझ च परमेसर ने असैं प्रेरितें गी सबनी थमां नीचा दरजा दिता गीया ऐ, जिन्दा मौत दा उक्म ओई चुके दा उवै; किके अस सोर्गदूतें ते दुनिया दे मनुक्खें आसतै एक तमाशा बनें दे न।

इफिसियों 3:13

एस आसतै आऊँ अर्ज करना ऐं के जेड़े कलेश थुआड़े आसतै मिकी ओआ करदे न, उन्दे कारन तोस इम्त नेई छुड़यो, किके उन्दे च थुआड़ी नफा ऐ।

फिलिप्पियों 1:28

ते कुसे गल्ल च विरोधीयें थमां नेई डरदे। ए उन्दे आसतै नाश ओनें दा साफ़ चेन्न ऐ, लेकन थुआड़े आसतै मुक्ति दा, ते ए परमेसर थमां ऐ।

कुलुस्सियों 1:23

जेकर तोस मसीह पर विश्वास दी मनैद उपर टिके दे रौगे, ते ओस शोभ समाचार दी आस गी जिसी तुसें सुने दा ऐ नेई छुड़ो, जेसदा प्रचार अम्बर दे थल्लै दी सारी सृष्टि दे लोकें च कित्ता गीया, ते जेसदा आऊँ पौलुस सेवक बनया।

1 थिस्सलुनीकियों 5:9

किके परमेसर ने असेंगी गुस्सै आसतै नेई, लेकन एस आसतै रख्या ऐ के अस अपने प्रभु यीशु मसीह थमां उद्धार आसल करी सकचै।

2 थिस्सलुनीकियों 1:4

एस लेई इत्थैं तकर के अस अप्पुं परमेसर दी कलीसिया च थुआड़े बारै च कमंड करनयां न, के बे छक्क तोस परिख्या ते कलेश बर्दाश रौंदे ओ, इनें सारें दुखें च थुआड़ा सबर ते विश्वास परकट ओंदा ऐ।

2 तीमुथियुस 1:8

एसकरी दुए लोकें गी शोभ समाचार सनानें च शर्मिंदा नेई ओ, नां गै मेरी कैदखाने दी सेवा लेई शर्मिंदा ओ, बजाए एदे ओस शक्ति कन्ने जेड़ी परमेसर ने तुगी दिती दी ऐ, शोभ समाचार दी खातर मेरे कन्ने दुखें दा पागीदार ओ।

1 पतरस 2:21

अते तुस इस्से दे लेई बलाए बी गेदे हो, कीहके मसीह बी थुआड़े लेई दुःख उठाईये तुस गी इक आदर्श देई गीया ऐ कि तुस बी ओहदे चलना-फिरने उप्पर चलो।

प्रकाशितवाक्य 2:10

जेड़े दुःख तुगी चेलने ओगन, उंदे थमां मत डर। किके दिखो, शतान थुआड़े बिचा केईयें गी ते जेल खाणे च सुटने आला ऐ तां जे तोस परखे जाओ; ते तुसें दस देन तकर दुःख पोगना ओग। प्राण देने तकर विश्वासी रे, ते आऊँ तुगी जीवन दा मुकुट देगा।

प्रकाशितवाक्य 2:13

आऊँ ए जानना ऐ के तू उत्थें रैना ऐ जिथें शतान दा सहासन ऐ; तू मेरे नां उपर टिके रैना ऐ, ते मेरे उपर बश्वास करने आसतै उनै धयारे बी पिछें नेई अटया जिंदे च मेरा बश्वास जोग गवाह अन्तिपास, थआड़े बिच उस्स जगह उपर मारी दिता जिथें शतान रौंदा ऐ।