1 पतरस 1:3 - डोगरी नवां नियम

³ साहडे प्रभु यीशु मसीह दे परमेसर अते पिता दा शुकर हो, जिस ने यीशु मसीह दे मरे होए बिचा जी उठने दे रहें, अपनी बड़ी दया कन्ने सानु जिंदा आस दे लेई नमां जन्म दिता,

1 पतरस 1:3 ပူးပေါင်းရင်းမြစ်များ

यूहन्ना 1:13

ओ नां तां खूने कन्ने, नां गै जिंदु दी मर्जी कन्ने, नां गै मनुक्खें दी मर्जी कन्ने, लेकन परमेसर थमां पैदा ओये।

रोमियो 12:12

आस दे बारै च, खोश; कलेश च टिके रवो; प्रार्थना च लगातार लगे रवो।

रोमियो 15:13

मेरी परमेसर कन्ने ए प्राथना ऐ, जेड़ा आस दा दाता ऐ तुसेंगी विश्वास करने च सारे चाली दी खुशी ते शान्ति कन्ने परपुर करै, के पवित्र आत्मा दी शक्ति कन्ने थुआड़ी आस बददी जाग।

रोमियो 4:25

यीशु साड़े पापें लेई मरने आसतै पड़काया गीया, ते साड़े तरमी बनने दे लेई परमेसर ने उस्सी जिन्दा बी कित्ता।

रोमियो 5:10

किके परमेसर दे बैरी ओनें दी आलत च ओदे पुत्तर दी मौत थमां साड़ा मेल परमेसर कन्ने ओया, पी मेल ओई जाने उपर ओसदे जिंदे ओई जाने दे कारन अस मुक्ति कि नेई पागे?

रोमियो 8:11

जेकर परमेसर दा आत्मा जेस ने यीशु गी मोड़दें चा जिन्दा कित्ता, थुआड़े च बसे दा ऐ; तां जेनें मसीह गी मोड़दें चा जिन्दा कित्ता, ओ थुआड़े नाश ओनें आली जिंदु गी बी अपने आत्मा दे क्न्ने, जेड़ा थुआड़े बसे दा ऐ, जिन्दा करग।

रोमियो 8:24

आस दे थमां साड़ा उद्धार ओया ऐ; लेकन जेस चीज दी आस कित्ती जन्दी ऐ, जेलै ओ दिखने च आई जा तां पी आस कुत्थें रेई? किके जेस चीज गी कोई दिखा दा ऐ ओदी मैमा दी आस के करग?

1 कुरिन्थियों 13:13

लेकन ऊन विश्वास, आस, प्यार ए त्रोयै अटल न, लेकन इंदे सबनी च बड़ा प्यार ऐ।

1 कुरिन्थियों 15:20

लेकन सच्चाई ए ऐ के परमेसर ने मसीह गी मोड़दें चा जिंदा कित्ते दा गेदा ऐ, तां पक्का जेड़े मरी दे न ओ उनेंगी बी जिंदा करग।

2 कुरिन्थियों 1:3

साड़े प्रभु यीशु मसीह दे पिता, ते परमेसर दा शुकर ऊऐ, जेड़ा क्रपा दा पिता, ते अर चाली दी शान्ति दा पिता ऐ।

गलातियों 6:16

जिन्नें एस उक्म उपर चलगन उन्दे उपर ते, परमेसर दे इस्राएली लोकें उपर शान्ति ते दया ओंदी रवै।

इफिसियों 1:17

ए मेरी प्रार्थना ऐ, के साड़े प्रभु यीशु मसीह दा परमेसर जेड़ा मैमा दा पिता ऐ, तुसेंगी अपनी समझ दी आत्मा ते ज्ञान दी लो दियै,

इफिसियों 1:3

साड़े परमेसर ते प्रभु यीशु मसीह दे पिता दा शुक्र उवै, के परमेसर असेंगी मसीह च सोर्ग दी जगै च, सारी चाली दी आत्मिक आशीष दिती ऐ।

इफिसियों 1:7

असेंगी मसीह च ओदे खून थमां छुटकारा, मतलब पापें दी माफी, परमेसर दी ओस क्रपा दे तन दे मताबक मिली ऐ,

इफिसियों 2:4

लेकन परमेसर जेड़ा दया दा तनी ऐ, अपने ओस बड्डे प्यार दे कारन जेस कन्ने ओसने साड़े कन्ने प्यार कित्ता,

इफिसियों 3:20

ऊन जेड़ा ऐसा शक्ति आला ऐ, के साड़ी अर्ज ते समझ थमां केई गुणा जादै कम करी सकदा ऐ, ओस शक्ति दे मताबक जेड़ी साड़े च कम करदी ऐ,

कुलुस्सियों 1:23

जेकर तोस मसीह पर विश्वास दी मनैद उपर टिके दे रौगे, ते ओस शोभ समाचार दी आस गी जिसी तुसें सुने दा ऐ नेई छुड़ो, जेसदा प्रचार अम्बर दे थल्लै दी सारी सृष्टि दे लोकें च कित्ता गीया, ते जेसदा आऊँ पौलुस सेवक बनया।

कुलुस्सियों 1:27

जिन्दे उपर परमेसर ने परकट करना चाया, के उनेंगी जानकारी उवै के दुई जातीयें च ओस पेद दी मैमा दा मोल्ल के ऐ, ते ओ ऐ, के मसीह जेड़ा मैमा दी आस ऐ थुआड़े च रौंदा ऐ।

1 थिस्सलुनीकियों 1:3

ते अपने परमेसर ते पिता दे सामने थुआड़े विश्वास दे कम, ते प्यार दी मेंनत, ते साड़े प्रभु यीशु मसीह च आस दी स्बर गी लगातार याद करनयां न।

1 थिस्सलुनीकियों 4:13

ए विश्वासी प्राओ, अस नेई चांदे, के तोस उन्दे बारै च जेड़े मसीही विश्वास च पैलैं दे मरी गेदे न, अनजांन रवो; ऐसा नेई उवै, के तोस दुए आला लेखा बसोस करो जिनेंगी मरने कोलां बाद आस नेई।

2 थिस्सलुनीकियों 2:16

अस साड़े प्रभु यीशु मसीह दे अगें अप्पुं गै प्रार्थना करनयां, ते साड़ा पिता परमेसर, जेन्नें साड़े कन्ने प्यार कित्ता ते अपनी क्रपा कन्ने मेशा दी शान्ति ते बड़ी आस दिती ऐ,

1 तीमुथियुस 1:14

ते साड़े प्रभु ने लगातार मेरे उपर बड़ी गै क्रपा कित्ती ते ओसने मिगी विश्वास दित्ता ते मेरे कन्ने प्यार कित्ता किके आऊँ मसीह यीशु कन्ने जुड़या गेदा हा।

तीतुस 2:13

अस एस चाल्ली बर्ताव करनयां न, जियां अस यीशु मसीह दे औने दे अद्भुत देन दा एन्तजार करै करनयां, जेस दी असें आस ऐ, जेड़ा साड़ा मान परमेसर ते उद्धारकर्ता ऐ, अपनी सारी मैमा च बापस अवै करदा।

इब्रानियों 3:6

लेकन मसीह पुत्तर आला लेखा परमेसर दे कर दा आक्दार ऐ; ते ओसदा कर अस एै, जेकर अस इम्त कन्ने ते अपनी आस दे कमंड उपर खीरी तकर मजबूती कन्ने टिके रौचै।

याकूब 1:18

ओसने अपनी गै मर्जी कन्ने असेंगी सच्चाई दे वचन कन्ने जन्म दित्ता, तां जे अस ओसदी बनाई दियां चीजें बिचा पैले फल आला लेखा ओचै।

1 पतरस 1:13

एस बास्तै अपनी अपनी बुद्धि दी लाक बनियै, अते चकने रेईयै, ओस क्रपा दी पूरी आस रखो जेहड़ा यीशु मसीह दे परकट ओंने दे बक्ता तुस गी मिलने आला ऐ।

1 पतरस 1:21

ओहदे रहें तुस ओस परमेसर उप्पर बश्वास करदे हो, जिन्ने उसै मरे होए बिचा जिलाया अते मैमा दिती कि थुआड़ा बश्वास अते आस परमेसर उप्पर होए।

1 पतरस 1:23

कीहके तुस नालाशान नेईं लेकन अविनाशी बीज कन्ने, परमेसर दे जीवअते अते सदा ठैरने आले वचन दे रहें नया जन्म पाया ऐ।

1 पतरस 2:2

नमें जम्मे होए बच्चों दे लेखा निर्मल आत्मिक दुध दी मीद करो, ताकि ओहदे रहें उद्धार पाने दे लेई बढ़दे जाओ,

1 पतरस 3:15

लेकन मसीह गी प्रभु जानियै अपने-अपने मन च पवित्र समझो। जेहड़ा कोई तुस गी थुआड़े आस दे बारै च केछ पूछै, उसै जबाब देने दे लेई सदा तयार रवो, लेकन नम्रता अते डर दे कन्ने;

1 पतरस 3:21

उसै पानी दा दष्टान्त बी, मतलब पवित्रशनांन, यीशु मसीह दे जी उठने दे रहें, हुन तुस गी बचांदा ऐ; एदे कन्ने जीद दे मैल गी दूर करने दा मतलब नेईं ऐ, लेकन शुद्ध जीवन कन्ने परमेसर दे वंश च ओई जाने दा मतलब ऐ।

1 पतरस 3:5

चडदीकाल च पवित्र जनानिया बी, जेहड़ा परमेसर उप्पर आस रखदी हे, अपने आप गी इस्से रीति कन्ने संवारती अते अपने-अपने आदमी दे थलै रोदी हे।

1 यूहन्ना 2:29

जेकर तोस जांनदे ओ, के मसीह तर्मी ऐ, तां एबी जांनदे ओ, के जेड़ा कोई तर्म दा कम करदा ऐ, ओ परमेसर दा बच्चा ऐ।

1 यूहन्ना 3:3

ते जेड़ा कोई मसीह उपर ए आस रखदा ऐ, ओ अपने आप गी उयांगै पवित्र करदा ऐ जियां ओ पवित्र ऐ।

1 यूहन्ना 3:9

जेड़ा कोई परमेसर दा बच्चा ऐ, ओ पाप करदा नेई रौंदा; किके परमेसर दी जान ओदे च बनी दी रौंदी ऐ, ते ओ पाप करी गै नेई सकदा, किके परमेसर थमां जमया ऐ।

1 यूहन्ना 4:7

ए प्यारो, आओ अस अप्पुं-बिचें प्यार करचै; किके प्यार परमेसर थमां ऐ। ते जेड़ा कोई दुए गी प्यार करदा ऐ, ओ परमेसर दा पुत्तर ऐ ते परमेसर गी जानदा ऐ।

1 यूहन्ना 5:1

जेसदा ए विश्वास ऐ के यीशु गै मसीह ऐ, ओ परमेसर थमां पैदा ओया ऐ; ते जेड़ा अपने कोई पैदा करने आले पिता परमेसर कन्ने प्यार करदा ऐ, ओ ओदे कन्ने बी प्यार करदा ऐ, जेड़ा ओदा बच्चा ऐ।

1 यूहन्ना 5:18

अस जांनयां न, के जेड़ा कोई परमेसर च पैदा ओया ऐ, ओ पाप नेई करदा रौंदा; लेकन परमेसर दा पुत्तर यीशु, उसी ओ बचाई रखदा ऐ, ते ओ दुष्ट शतान उसी छुई नेई सकदा।

1 यूहन्ना 5:4

किके जेड़ा केछ परमेसर थमां पैदा ओया ऐ, ओ दुनिया उपर जै आसल करदा ऐ; ते ओ जै जेस कन्ने दुनिया उपर जै आसल ओंदी ऐ साड़ा बश्वास ऐ।