1 यूहन्ना 4:9 - डोगरी नवां नियम

⁹ जेड़ा प्यार परमेसर साड़े कन्ने करदा ऐ, ओ एस छा परकट ओया के परमेसर ने अपने इकलौते पुत्तर गी दुनिया च पेजया ऐ के अस ओदे थमां मेशा दी जिंदड़ी पाचै।

1 यूहन्ना 4:9 ပူးပေါင်းရင်းမြစ်များ

मरकुस 12:6

ऊन एक गै रेई गीया, मतबल जेड़ा ओदा प्यारा पुत्तर हा। खीरी च ओनें ए सोचिऐ पेजया के ओ मेरे पुत्तर दा आदर करगन।

लूका 4:18

“प्रभु दा आत्मा मेरे उपर ऐ, एसकरी के ओसने गरीबें गी शोभ समाचार सुनाने लेई मेरा अभिषेक कित्ता ऐ, ते मिगी एस लेई पेजा ऐ, कैदीयें गी छटकारे दा ते अन्नें गी लो थोने दा शोभ समाचार दा प्रचार करां ते दबोचें गी छड़कां।

यूहन्ना 10:10

चोर किसे ओर कम लेई नेई लेकन चोरी करने, अत्या करने, नाश करन लेई ओंदा ऐ, आऊँ एस लेई आया ऐं के ओ जींन, ते बदियै जिंदड़ी जींन।

यूहन्ना 14:6

यीशु ने उसी आखया, “रस्ता ते सच्च ते जिंदड़ी आऊँ आं; मेरे बगैर कोई पिता दे कोल नेई आई सकदा।

यूहन्ना 3:16

किके परमेसर ने दुनियां कन्ने इन्ना प्यार कित्ता के ओसने अपना इकै एक पुत्तर देई दिता, तां के जेड़ा कोई ओसदे उपर विश्वास करग ओ नाश नेई ओग, लेकन मेशा दी जिंदड़ी पाग।

यूहन्ना 3:18

जेड़ा ओस उपर विश्वास करदा ऐ, ओसदे उपर सजा दा उक्म नेई ओन्दा, लेकन जेड़ा ओसदे उपर विश्वास नेई करदा, ओ कसुरबार मनया जाग; एस आसतै के ओसने परमेसर दे इकै एक पुत्तर उपर विश्वास नेई कित्ता।

यूहन्ना 5:23

एसकरी के सारे लोग जियां पिता दा आदर करदे न उय्यां गै पुत्तर दा आदर करन। जेड़ा पुत्तर दा आदर नेई करदा, ओ पिता दा, जिसी ओसने पेजे दा ऐ, आदर नेई करदा।

यूहन्ना 6:29

यीशु ने उनेंगी जबाब दित्ता “परमेसर दा कम्म ए ऐ, के तोस ओदे उपर जिसी ओसने पेजा ऐ ओस उपर विश्वास करो।”

यूहन्ना 6:51

जिंदु दी रुट्टी जेड़ी सोर्ग चा उत्तरी ऐ, आऊँ आं। जेड़ा कोई एस रुट्टी गी खाग तां ओ मनुक्ख मेशा जिन्दा रौग; ते जेड़ी रुट्टी आऊँ दुनियां दे जीनें लेई देगा ओ मेरा शरीर ऐ।

यूहन्ना 6:57

जियां जिंदे पिता ने मिगी पेजया, ते आऊँ पिता दे कारन जिन्दा ऐं, उयांगै ओ बी जेड़ा बी मिगी खाग, ओ मेरे कारन जिन्दा रौग।

यूहन्ना 8:29

ते मेरा पेजन आला मेरे कन्ने ऐ; ओनें मिगी कल्ला नेई छुडे दा ऐ, किके आऊँ मेशा उवै कम्म करना ऐं, जेदे उपर ओ खोश ओंदा ऐ।

यूहन्ना 8:42

यीशु ने उनेंगी आखया, “जेकर परमेसर थुआड़ा पिता ओंदा हा, तां तोस मेरे कन्ने प्यार करदे, किके आऊँ परमेसर थमां आया, आऊँ अपनी मरजी कन्ने नेई आया, लेकन ओनें गै मिगी पेजया।

यूहन्ना 9:3

यीशु ने जबाब दिता, “नां एस मनुक्ख ने पाप कित्ता, ते नां एदे मा-प्यो ने; पर ए एस लेई ओया के परमेसर दे कम एदे च परकट ओन।

रोमियो 8:32

परमेसर ने अपने सक्के पुत्तर गी बी अपने आसतै नेई रखया, लेकन साड़े सारें आसतै देई ओडया, ओ ओदे कन्ने असेंगी सारा केछ कि नेई देग?

इब्रानियों 1:5

किके सोर्गदूतें बिचा परमेसर ने कदुं कुसे सोर्गदूत कन्ने आखया, “तू मेरा पुत्तर ऐं, अज्ज तू मेरे थमां जमया ऐ?” ते पी ए आखया, “आऊँ ओसदा पिता ओगा, ते ओ मेरा पुत्तर ओग?”

1 यूहन्ना 3:16

असैं प्यार एदे थमां जानया, के यीशु मसीह ने साड़े लेई अपने प्राण देई दिते; ते असैं बी विश्वासी पराऐं लेई प्राण देना चाईदे।

1 यूहन्ना 4:10

प्यार एस च नेई के असैं परमेसर कन्ने प्यार कित्ता ऐ, लेकन एदे च ऐ के ओसने साड़े कन्ने प्यार कित्ता ते साड़े पापें दी सजा दे प्राशचत अपने पुत्तर गी पेजया।

1 यूहन्ना 4:16

ते जेड़ा प्यार परमेसर साड़े कन्ने करदा ऐ, उसी अस जानी गै, ते असेंगी ओदे उपर विश्वास ऐ। परमेसर प्यार ऐ, जेड़ा प्यार च बना रौंदा ऐ ओ परमेसर च बना रौंदा ऐ, ते परमेसर ओदे च बना रौंदा ऐ।

1 यूहन्ना 5:11

ते ओ गवाई ए ऐ, के परमेसर असेंगी मेशा दी जिंदड़ी दिती ऐ, ते ए जिंदड़ी ओदे पुत्तर च ऐ।

1 यूहन्ना 5:13

मैं तुसेंगी, जेड़े परमेसर दे पुत्तर दे नां उपर विश्वास करदे ओ, एसकरी लिखया ऐ के तोस जानी लिओ के मेशा दी जिंदड़ी थूआडी ऐ।