Si Apwesa 9:14 - Buki Tabu Lowaenei 1919

¹⁴ Tuta gete ‘enega ‘igu muia iauiauna ia da ‘etunedi ‘ateio ‘enaia ta ‘enega, ‘imu toguinuao ‘edia be, ‘imu tomota ‘edia be; be ‘enega ‘u da mwaratoni ‘aene nigea ‘e bweu ‘abo‘agu nadigega gabura maibo‘ana ‘enaia.

Si Apwesa 9:14 ပူးပေါင်းရင်းမြစ်များ

Salamo 86:8

‘Inapwana ie, nigea ‘e bweu ‘emuia nadigega eaubadao ‘edia; Wate nigea guinuao ‘imu guinuao nadigega.

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Si Apwesa 8:10

Ta ‘i gwae, Gibua‘i ‘enega. Ta ‘i gwae, ‘Imu ona nadigega ‘i da apwesa: be ‘enega ‘u da mwaratoni ‘aene nigea ‘e bweu Ieoba ‘ima Eaubada nadigega.

Si Apwesa 8:6

Ta Aarona nimana ‘i iasitotona Aigupito boasinao debadia; ta kwekwe si tu‘ema, ta ‘asa Aigupito si teteuiosina.

Si Apwesa 9:15

Gete tuga ni‘atu nai nimagu ia da iasitoto ta ‘enega, ta ni‘atu nai ia unuio ta ‘imu tomota le‘ossega, ta bare‘uiega ni‘atu nai ia da ‘upwaiaulemu:

Isaia 45:5

‘Abo‘agu Ieoba, ta nigea wate ‘e bweu; nigea ‘e bweu Eaubada ‘abo ‘abo‘agu nigea: nigea ‘u mwaratonigu, ta ia da paimiio tuga gadiwanega:

Isaia 46:9

Gimi iage lowaeneiega wa da nua‘i‘isi: ‘abo‘agu Eaubada ta ‘enega, ta nigea wate ‘e bweu; ‘abo‘agu Eaubada, ta nigea ‘e bweu ‘abo‘agu nadigega;

Loina 26:18

Ta ‘abo iage gete manudi nigea ‘eguia wa da nonono, ga ia da sapimi wate ‘e sebeni ‘imi loegesiao manudi.

Loina 26:21

Ta ‘abo wa tautauia loguitoasegu, ta nigea wa da nonogu; muia wate ‘eiau sebeni ia da me‘edi ‘emia na‘ieana ‘imi loegesiao.

Loina 26:28

Ga ia da tauia loguitoasemi egamwagamwagu ‘ena; ta wate ia da sapimi tuta ‘e sebeni ‘imi loegesiao manudi.