Si Apwesa 8:8 - Buki Tabu Lowaenei 1919

⁸ Ga Parao Mose ta Aarona, ‘i bwauiedi, ta ‘i gwae, Ieoba wa da sidei, be kwekwe ‘eguiega ‘i da ‘ewedi, ta ‘igu tomota ‘ediega; ta tomota ia da tagwaredi be si da tauia, be ‘enega si da taria Ieoba ‘enaia.

Si Apwesa 8:8 ပူးပေါင်းရင်းမြစ်များ

Salamo 66:3

Eaubada ‘ena ‘u da ona, ‘Imu guinuao si didiga! ‘Imu waiwai ‘ana sinabwa ‘enega ‘amu tarauwarao ‘emuia si da tagwaredi.

Si Apwesa 10:16

Ga Parao Mose ta Aarona manudi ‘i bwau manini; ta ‘i ona, ‘Abo‘agu ni‘atu ia loegesi Ieoba ‘imi Eaubada ‘enaia, ta ‘emia.

Si Apwesa 10:17

Gete ‘enega ‘igu to‘umalina ‘u da ‘ewa iaulei gete ma‘ebweuna tuga ta ‘enega, Ia sideio, ta Ieoba ‘imi Eaubada ‘ena wa da sida, be ‘enega mwawasa gete namo ‘eguiega ‘i da ‘ewa‐iaulei.

Si Apwesa 10:18

Ta Parao ‘enega ‘i tauiawa, ta Ieoba ‘ena ‘i sida.

Si Apwesa 14:5

Ta si simana Aigupito ‘ana king ‘enaia ‘aene tomota ni‘atu si dena: ta Parao ta ‘ina ‘ari‘eiao nuadi ‘i ebunina tomota ‘edia, ta si gwae, To‘ase gete ta guinua, Iseraela ‘idi guinua ‘edaia ta giisinedi?

Si Apwesa 32:11

Ta Mose Ieoba ‘ina Eaubada ‘ena ‘i sida, ta ‘i gwae, Ieoba, to‘ase manuna ‘imu gamwasoara ‘i iaiiai ‘imu tomota ‘edia, taudi ‘asa Aigupitoega u ‘au‘ewedima waiwai sinabwanega ta nima waiwaiega?

Si Apwesa 5:2

Ta Parao ‘i ona, Ieoba iaita, be ‘enega ‘enana ia da nono be Iseraela ia da giisine? Ieoba nigea ia mwaramwaratoni, ta wate gea‘abo Iseraela ia da giisinedi.

Si Apwesa 8:15

Ta ni‘atu Parao i ‘itena ‘aene si eiawai‘ata, ga ‘atena ‘i giemwauna, ta nigea ‘edia ‘i da nono; na‘ieana Ieoba ni‘atu ‘i ona.

Si Apwesa 8:29

Ta Mose ‘i gwae, U ‘ita, ‘emuiega ia tauia, ta Ieoba ‘ena ia da sida be nenewara iau gibua‘i si da sawara Parao ‘enega, ‘ina toguinuao ‘ediega; ‘ina tomota ‘ediega: gete tuga gea‘abo Parao ‘i da bubuna kabokabo wate be tomota nigea ‘i tagwaredi be si da tauia be si da taria Ieoba ‘enaia.

Si Apwesa 8:32

Ta Parao ‘atena ‘i giemwau tuta gete wate, ga nigea tomota ‘i tagwatagwaredi be si da tauia.

Si Apwesa 8:9

Ta Mose ‘i ona Parao ‘enaia, ‘Imu loina ‘eguia ia da nonona: to tuta ‘enega manuio ia da sidasida, ‘imu toguinua manudi be, ‘imu tomota manudi be, be ‘enega kwekwe si da saoora ‘emuiega ta ‘imu anua ‘ediega, ta boasi‘awa namo ‘ena si da miami?

Si Apwesa 9:27

Ta Parao i ‘etune, ta Mose be Aarona manudi ‘i bwau, ta ‘i eonedi, Tuta gete ni‘atu ia loegesi: Ieoba ‘i paruparuna, ta ‘abo‘agu ta ‘igu tomota ‘a to‘umali.

Si Apwesa 9:28

Ieoba ‘ena ‘u da sida; weparara waiwai ta ‘usana‐patuna ni‘atu sawesawenaia ta ‘enega; ta ia da tagwaremi be wa da tauia, ta gea‘abo wate wa da miami.

Si Apwesa 9:33

Ta Mose Parao ‘enega ‘asega ‘i tauiawa, ta nimana ‘i tuweiarina Ieoba ‘enaia: ta wepararaiao be ‘usana‐patuna si losa‘u, ta ‘usana nigea ‘i daudau bare‘uia.