Si Apwesa 8:20 - Buki Tabu Lowaenei 1919

²⁰ Ta Ieoba ‘i ona Mose ‘enaia, Gonagonaia ‘u da tooro manini, ta Parao matanaia ‘u da tooro; u ‘ita, ‘i apwesama boasi ‘enaia; ta ‘ena ‘u da gwae, Ieoba gete nadigega ‘i gwae, ‘Igu tomota ‘u da tagwaredi be si da tauia, be ‘enega ‘eguia si da guinua.

Si Apwesa 8:20 ပူးပေါင်းရင်းမြစ်များ

Salamo 105:31

‘I ona, ga nenewara ma‘adi iau si mai, Ta ‘utu ‘idi raba iauiauna ‘edia.

Salamo 78:45

Nenewara ‘eiauna ‘i etunedi ‘edia, taudi si ‘enidi; Ta kwekweiao, taudi si loesaooridi:

Si Apwesa 2:5

Ta Parao natuna me wainena ‘i mwa‘utama sabi esiwe boasi ‘awa ‘enaia; ta ‘ina gomagweineao boasi tupitupinaia si lopilidadana; ta waga kodo ‘edia i ‘itena, ta ‘ina ‘ari‘ei i ‘etunena be ‘i da me‘ena.

Si Apwesa 3:18

Ta ‘enaio si da nonona: ta ‘u da mai, ‘oio ta Iseraela ‘ina ‘inapwanao, Aigupito ‘ina king ‘enaia, ta ‘ena wa da gwae, ‘Ieoba, me Eberu ‘idi Eaubada, ni‘atu ‘i apwesa ‘emaia: ta ‘u da tagwarema, ‘a sideio, be ‘a da tauia ga asiata ‘e toi mitawa ‘enaia, be Ieoba ‘ima Eaubada ‘ena ‘a da taria.

Si Apwesa 4:23

Ta ni‘atu ia ona ‘emuia, Natugu ‘u da giisine, be ‘enega ‘eguia ‘i da guinua; ta nigea ‘u tagwara be ‘i da tauia; u ‘ita, natuio me‘olotona, ‘imu tomatua, ia da loemwawasi.

Si Apwesa 5:1

Ta muriega Mose ta Aarona si mai, ta Parao ‘ena si ona, Ieoba, Iseraela ‘ina Eaubada, gete nadigega ‘i gwae, ‘Igu tomota ‘u da tagwaredi be si da tauia, be si da losagari ‘eguia mitawaia.

Si Apwesa 5:3

Ta si gwae, Me Eberu ‘idi Eaubada ni‘atu ma‘ema ‘a elobaloba: ‘a sideio, ‘u da tagwarema be ‘a da tauia mitawaia ga asiata ‘e toi, ta ‘a da taria Ieoba ‘ima Eaubada ‘enaia; ‘abona nai ‘i unuma muiega, nai sisisaiega.

Si Apwesa 7:15

Gonagonaia Parao ‘ena ‘u da tauia; u ‘ita, boasi ‘ena ‘i tautauia; ta boasi ‘awa tupitupinaia ‘u da tooro sabi lobena; ta keweliwelili tauna i ‘eemoatana nimamuiega ‘u da ‘ewena.

Si Apwesa 8:1

Ta Ieoba ‘i ona Mose ‘enaia, Parao ‘ena ‘u da rugu, ta ‘ena ‘u da gwae, Ieoba gete nadigega ‘i gwae, ‘Igu tomota ‘u da tagwaredi be si da tauia, be ‘enega ‘eguia si da guinua.

Si Apwesa 8:21

‘Abona nai, ‘abo nigea ‘igu tomota ‘u da tagwaredi be si da tauia, u ‘ita, nenewara iau ia da ‘etunena ‘emuia, ‘imu to guinua ‘edia be, ‘imu tomota ‘edia be, ‘imu anua ‘edia be: ta me Aigupito ‘idi anua si da maa nenewara iau ‘ediega, ta wate bare‘u ‘ena si miami.

Si Apwesa 9:13

Ta Ieoba ‘i ona Mose ‘enaia, Gonagonaia ‘u da tooro manini, ta Parao matanaia ‘u da tooro, ta ‘ena ‘u da ona, Ieoba, me Eberu ‘idi Eaubada, gete nadigega ‘i ona, ‘Igu tomota ‘u da tagwaredi be si da tauia, be ‘enega ‘eguia si da guinua.