Si Apwesa 8:10 - Buki Tabu Lowaenei 1919

¹⁰ Ta ‘i gwae, Gibua‘i ‘enega. Ta ‘i gwae, ‘Imu ona nadigega ‘i da apwesa: be ‘enega ‘u da mwaratoni ‘aene nigea ‘e bweu Ieoba ‘ima Eaubada nadigega.

Si Apwesa 8:10 ပူးပေါင်းရင်းမြစ်များ

Salamo 83:18

Be ‘enega si da mwaratoni ‘aene tebweuio, ‘amu esana IEOBA, To Lo‘etana Sana bare‘u maibo‘ana debanaia. ‘Oio.

Salamo 86:8

‘Inapwana ie, nigea ‘e bweu ‘emuia nadigega eaubadao ‘edia; Wate nigea guinuao ‘imu guinuao nadigega.

Salamo 9:16

Ieoba ni‘atu ‘i e‘ita‘ena tauna, ni‘atu loina ‘i iagena: To to‘umalina tauna nimana ‘idi guinuao si sikwena. (Higaiona. Sela.)

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Si Apwesa 8:9

Ta Mose ‘i ona Parao ‘enaia, ‘Imu loina ‘eguia ia da nonona: to tuta ‘enega manuio ia da sidasida, ‘imu toguinua manudi be, ‘imu tomota manudi be, be ‘enega kwekwe si da saoora ‘emuiega ta ‘imu anua ‘ediega, ta boasi‘awa namo ‘ena si da miami?

Si Apwesa 9:14

Tuta gete ‘enega ‘igu muia iauiauna ia da ‘etunedi ‘ateio ‘enaia ta ‘enega, ‘imu toguinuao ‘edia be, ‘imu tomota ‘edia be; be ‘enega ‘u da mwaratoni ‘aene nigea ‘e bweu ‘abo‘agu nadigega gabura maibo‘ana ‘enaia.

Si Apwesa 9:29

Ta Mose ‘i ona ‘enaia, Tuta ‘enega ‘asega ia tauiawa, nimagu ia da tuweiari Ieoba ‘enaia; weparara si da losa‘u, ta ‘usana‐patuna gea‘abo wate; be ‘enega ‘u da mwaratoni ‘aene gabura Ieoba ‘ina gabura.

Isaia 40:18

‘Enega iaita Eaubada wa da ‘awanadigega‘ena? Nai to ma‘ama‘aiau wa da ‘ita‘esi‘esinua ma‘ieana?

Isaia 40:25

‘Enega iaita ‘ena wa da ‘awanadigega‘egu, be ia da erererea ma‘ieana? To Tabu Tebweuna ‘i gwae.

Isaia 46:9

Gimi iage lowaeneiega wa da nua‘i‘isi: ‘abo‘agu Eaubada ta ‘enega, ta nigea wate ‘e bweu; ‘abo‘agu Eaubada, ta nigea ‘e bweu ‘abo‘agu nadigega;