Si Apwesa 7:5 - Buki Tabu Lowaenei 1919

⁵ Ta ‘ena nimagu ia iasitoto Aigupito ‘enaia, ta Iseraela tubunao ia ‘au‘ewedima gamwagamwanidiega, ga me Aigupito si da mwaratoni ‘aene ‘abo‘agu Ieoba.

Si Apwesa 7:5 ပူးပေါင်းရင်းမြစ်များ

Salamo 138:7

‘Abo ‘ebeloniu gamwagamwanaia ia lopilidadana, ‘u da giebobo‘ana limegu; Nimaio ‘u da iasitotona ‘agu tarauwarao ‘idi gamwasoara ‘enaia, Ta ‘ataio ‘i da ‘etoseegu.

Salamo 9:16

Ieoba ni‘atu ‘i e‘ita‘ena tauna, ni‘atu loina ‘i iagena: To to‘umalina tauna nimana ‘idi guinuao si sikwena. (Higaiona. Sela.)

Si Apwesa 10:2

Ta ‘aene ‘u da simana natuio me‘olotona tenanaia, ta natuio natuna me‘olotona, iage ni‘atu ia guinuedi Aigupito ‘enaia, ta ‘igu we‘iwe‘iiaia ni‘atu ia guinuedi ‘edia; be ‘enega wa da mwaratoni ‘aene ‘abo‘agu Ieoba.

Si Apwesa 10:7

Ta Parao ‘ina toguinuao si eonena, Tuta eisa tai gete ‘i da sikwa ‘edaia? tai ‘u da tagwaredi be si da tauia, be ‘enega Ieoba ‘idi Eaubada ‘ena si da guinua; nigea nai ‘u mwaratoni ‘aene Aigupito ni‘atu ‘i saoora?

Si Apwesa 14:18

Ta me Aigupito si da mwaratoni ‘aene ‘Abo‘agu Ieoba, ‘ena ‘igu ‘amaiaba ia ‘ewena Parao ‘enega, ‘ina wagalisilisi ‘ediega, ta ‘ina togeruoseao ‘ediega.

Si Apwesa 14:4

Ta Parao ‘atena ia da giewaiwai, ta ‘i da muriedima; ta ‘agu amaiaba ia da ‘ewa Parao ‘enega, ta ‘ina boda maibo‘ana ‘enega; ta me Aigupito si da mwaratoni ‘aene ‘Abo‘agu Ieoba. Ta si guinua nadigega.

Si Apwesa 18:8

Ta Mose ‘i simana bwasiana ‘enaia iage iauiauna Ieoba ni‘atu ‘i guinua Parao ‘ena ta me Aigupito ‘edia Iseraela manuna, ‘elo‘uia iauiauna ‘i apwesa ‘edia ‘edega, ta mwa‘adega Ieoba i ‘etoseedi.

Si Apwesa 3:20

Ta nimagu ia da iasitoto, ta Aigupito ia da ununa ‘igu guinua didiga iauiauna ‘ediega taudi ia da guinua gamwagamwanaia: ta muriega ‘i da tagwaremi be wa da tauia.

Si Apwesa 6:1

Ta Ieoba ‘i ona Mose ‘ena, Gete ‘u da ‘ita iage ia da guinua Parao ‘enaia; nima waiwaiega ‘i da tagwaredi be si da tauia ta ‘enega, ta nima waiwaiega ‘ina ‘asega ‘i da pa‘idi.

Si Apwesa 6:6

Ta ‘enega Iseraela tubunao ‘edia ‘u da gwae, ‘Abo‘agu Ieoba, ta me Aigupito ‘idi ‘a‘ara ‘ediega ia da ‘au‘ewemi, ta ‘idi iona ‘enega ia da ‘etoseemi, ta ia da li‘amimi nima iasitotoega, ta loina sinabwadi ‘ediega:

Si Apwesa 7:17

Gete nadigega Ieoba ‘i gwae, Gete ‘ena ‘u da mwaratoni ‘abo‘agu Ieoba: u ‘ita, Keweliwelili nimagu ‘ena ‘i miami ‘enega boasiao taudi boasi ‘awa ‘ena si miami ia da unudi, ta si da erara.

Si Apwesa 8:10

Ta ‘i gwae, Gibua‘i ‘enega. Ta ‘i gwae, ‘Imu ona nadigega ‘i da apwesa: be ‘enega ‘u da mwaratoni ‘aene nigea ‘e bweu Ieoba ‘ima Eaubada nadigega.

Si Apwesa 8:19

Ga to obao si gwae Parao ‘enaia, Gete Eaubada nimamatagigina: ta Parao ‘atena ‘i pa‘ara, ta nigea ‘edia ‘i da nono; na‘ieana Ieoba ‘i ona.

Si Apwesa 8:22

Ta asiata gote ‘asa Gosena ‘ena ‘igu tomota si miami, ia da lorabena, be ‘enega gea‘abo nenewara iau ‘ena si da miami; ‘arena ‘u da mwaratoni ‘aene ‘abo‘agu Ieoba bare‘u gamwagamwaninaia.