Si Apwesa 7:19 - Buki Tabu Lowaenei 1919

¹⁹ Ta Ieoba ‘i ona Mose ‘enaia, Aarona ‘ena ‘u da gwae, ‘Imu keweliwelili ‘u da ‘ewa, ta Aigupito boa‘inao ‘edia nimaio ‘u da iasitoto, ‘adi boasi‘awa ‘edia, ‘adi boasisalasala ‘edia, ‘adi boasi‐gaula ‘edia, ‘adi boasi‐gomwagomwadi iauiauna ‘edia, be si da erara; ta ‘asa Aigupito maibo‘ana ‘ena rara ‘i da miami, gaeba kaiwe ta gaeba gurewa ruarua ‘edia.

Si Apwesa 7:19 ပူးပေါင်းရင်းမြစ်များ

Nugana 1:10

Ta Eaubada bwa‘a iadaiadana ‘i eesena Bare‘u; ta ni‘u ‘idi egogona ‘i eesena Ora: ta Eaubada i ‘itena ‘i bobo‘ana.

Si Apwesa 10:12

Ta Ieoba ‘i ona Mose ‘enaia, Nimaio ‘u da iasitoto ‘asa Aigupito debanaia bilolo manudi, be si da tu‘ema ‘asa Aigupito ‘enaia, ta ‘asa ‘ina pwatura iauna si da ‘e‘ani, iauiauna tuga ‘usanapatuna ‘i unulosa‘una.

Si Apwesa 10:21

Ta Ieoba Mose ‘ena ‘i ona, Nimaio ‘u da iasitoto garewa ‘enaia, be ‘enega guguioi ‘asa Aigupito ‘enaia ‘i da miami, guguioi nina ‘enega si da gidadana.

Si Apwesa 14:16

Ta ‘imu keweliwelili ‘u da gilagasi, ta nimaio ‘u da iasitotona ora debanaia, ta ‘u da ‘auweara ruena: ta Iseraela tubunao si da tauia ora gamwagamwanega bwa‘a iadaiadana ‘enega.

Si Apwesa 14:21

Ta Mose nimana ‘i iasitotona ora debanaia; ta Ieoba ora ‘i gi‘ilena bomatu pa‘arinega boiboi maibo‘ana ‘enaia, ta ora ‘i bubuna be ‘i da e bwa‘a iadaiadana, ta ora ‘i weara ruena.

Si Apwesa 14:26

Ta Ieoba ‘i ona Mose ‘enaia, Nimaio ‘u da iasitoto ora debanaia, be ‘enega ora si da loepopo limana me Aigupito ‘edia, ‘idi wagalisilisiao ‘edia, ta ‘idi togeruoseao ‘edia.

Si Apwesa 4:9

Ta gete ‘i da apwesa, ‘abo we‘iwe‘iiaia getedi ‘e rua nigea si da iaredi, nai ‘enaio nigea si da iarena, ga boasi‘awa ‘enega boasi ‘u da ‘ewa, ta bwa‘a iadaiadana ‘ena ‘u da siwa: ta boasi nina boasi‘awa ‘enega ‘u da ‘ewe‘ewena ‘i da erara bwa‘a iadaiadana ‘enaia.

Si Apwesa 8:16

Ta Ieoba ‘i gwae Mose ‘enaia, ‘Aarona ‘ena ‘u da ona, ‘Imu keweliwelili ‘u da iasitotona, ta bwa‘a kauna ‘u da ununa, be ‘i da e‘utu ‘asa Aigupito maibo‘ana ‘enaia.

Si Apwesa 9:33

Ta Mose Parao ‘enega ‘asega ‘i tauiawa, ta nimana ‘i tuweiarina Ieoba ‘enaia: ta wepararaiao be ‘usana‐patuna si losa‘u, ta ‘usana nigea ‘i daudau bare‘uia.

Isaia 19:10

Ta ‘ina ‘ora si da eweari lelewane, iauiaudi si guinua e‘isa manuna si da ‘ate‘uia‘uia.

Isaia 5:25

Ta ‘enega Ieoba ‘ina gamwasoara i ‘ara‘arata ‘ina tomota ‘edia, ta ni‘atu nimana ‘i gilagasina ‘edia, ta ‘i unudi, ta ‘oea gidaridi si dedera, ta ‘idi kokoao si esumwana ‘atua ‘eda gamwagamwanidia. Iage maibo‘ana gete manuna ‘ina gamwasoara nigea ‘i sana‘ilawa, ta nimana ‘i iasitoto ‘ataena.