Si Apwesa 6:23 - Buki Tabu Lowaenei 1919

²³ Ta Aarona Eliseba, Aminadaba natuna me wainena, Nasona nuuna, ‘i aina; ta ‘ena si enatunedi Nadaba ta Abiu, Eleasara ta Itamara.

Si Apwesa 6:23 ပူးပေါင်းရင်းမြစ်များ

Si Apwesa 24:1

Ta Mose ‘ena ‘i gwae, Ieoba ‘ena wa da tu‘ema, ‘oio, Aarona ta, Nadaba, Abiu ta, Iseraela ‘ina to‐guinuao ‘e sebeniti ta; ta ‘omi ‘edasoraia wa da bwagobwago:

Si Apwesa 24:9

Ga Mose ‘i tu‘e, Aarona ta, Nadaba, Abiu ta, Iseraela ‘ina tonuganao ‘e sebeniti ta:

Si Apwesa 28:1

Ta tasio Aarona, ta natunao me‘olotodi ma‘enao ‘u da me‘edi serabemuia, Iseraela tubunao ‘ediega, be ‘enega ‘i da guinua ‘eguia totaria ‘ina guinua ‘ena, tauna Aarona, Nadaba ta Abiu, Elea‘sara ta Itamara, Aarona natunao me‘olotodi.

Loina 10:12

Ta Mose ‘i ona Aarona ‘enaia, ta Eleasara ‘enaia ta Itamara ‘enaia, natunao me‘olotodi si tupwatupwa, ‘Ebwaeadaita rabia Ieoba ‘ana ‘ebwaeadaita si bubuna aweiega ‘ediega ‘i tupwatupwa, wa da ‘ewena, ta wa da ‘enina nigea malebeninamo ‘ebetaria deinaia; tauna i ‘e etabu sana ta ‘enega:

Loina 10:6

Ta Mose ‘i ona Aarona ‘enaia, ta Eleasara ‘enaia ta Itamara ‘enaia, natunao me‘olotodi, debami uiauiadi gea‘abo wa li‘ali‘ami, ta gea‘abo ‘ami ‘oama wa sabusabudi; be ‘enega gea‘abo wa mwawamwawasa, ta gea‘abo ‘i da gamwasoara boda maibo‘ana ‘edia: ta tasimiao, Iseraela ‘ina anua maibo‘ana, awe ‘ara‘arata ni‘atu Ieoba ‘i loe‘abina manuna si da dedoi.