Si Apwesa 6:1 - Buki Tabu Lowaenei 1919

¹ Ta Ieoba ‘i ona Mose ‘ena, Gete ‘u da ‘ita iage ia da guinua Parao ‘enaia; nima waiwaiega ‘i da tagwaredi be si da tauia ta ‘enega, ta nima waiwaiega ‘ina ‘asega ‘i da pa‘idi.

Si Apwesa 6:1 ပူးပေါင်းရင်းမြစ်များ

Salamo 12:5

Gomabeso ‘idi ‘oae manuna, to sida ‘idi eiawasilagalaga manuna, Gete ‘enega ia da tooro, Ieoba ‘i gwae; Tauna ‘ena si mu‘enunu ‘ebebobo‘ana ‘ena ia da sa‘una.

Salamo 12:6

Ieoba ‘ina ona si ona ‘esasena; Na‘ieana sileba si too ‘ebegabu ‘enaia bare‘u ‘enaia, ‘Esasena giesebeni.

Salamo 136:12

Nimana waiwaiega, ta nimana iasiiasitotoega: ‘Ina nua‘ole‘ole ‘i mia ‘ataia ta ‘enega.

Salamo 89:13

Nimaio waiwaina: Nimaio pa‘arina, ta ‘ataio ‘i mia tu‘e.

Si Apwesa 11:1

Ta Ieoba ‘i ona Mose ‘enaia, Wate ‘e bweu le‘oasa ia da me‘ena Parao ‘enaia, ta Aigupito ‘enaia; muriega ‘i da tagwaremi be gete ‘enega wa da tauia: ‘ena ‘i da tagwaremi wa da tauia, maibo‘ami gete ‘enega ‘i da pa‘i ‘ai‘ailimi.

Si Apwesa 12:31

Ta boiboi Mose ta Aarona manudi ‘i bwau, ta ‘i gwae, Wa da tooro, ‘igu tomota ‘ediega wa da apwesa, ‘omi ta Iseraela tubunao ruarua; ta wa da tauia, Ieoba ‘ena wa da guinua, na‘ieana wa ona ni‘atu.

Si Apwesa 12:33

Ta me Aigupito si ewaiwai tomota ‘edia, ‘aene si da ‘etune maniniedi ‘asega; si gwae ta ‘enega, ‘Abo‘ada ta ‘e tokwaia iauiauda.

Si Apwesa 12:39

Ta palaua pwasana tauna si ‘ewena Aigupitoega, ‘enega puli nigea malebeninamo si gabuna, nigea ‘i lolebeni ta ‘enega; Aigupitoega si pa‘idi ta ‘enega, ta nigea kapekapeana si da miami, ta nigea ‘e bweu masura si ‘ewa‘ewa manudi.

Si Apwesa 13:14

Ta ‘ena natuio me‘olotona tuta ‘i memai ‘enega ‘i eonaio, ‘i gwae, To‘ase gete? ga ‘u da ona ‘enaia, Nima waiwaiiega Ieoba i ‘au‘eweda Aigupitoega, ioniionidi ‘idi anuega:

Si Apwesa 13:16

Ta ‘i da we‘iwe‘iiaia manuna nimaio ‘ena, ta ‘ebeloesanana mataio gamwagamwanidia: nima waiwaiiega Ieoba i ‘au‘ewedama Aigupitoega ta ‘enega.

Si Apwesa 13:3

Ta Mose ‘i ona tomota ‘edia, Asiata gete wa da nua‘i‘isi, tauna ‘enega Aigupitoega wa apwesama, ioniionidi ‘idi anuega; nima waiwaiiega Ieoba esena gete ‘enega i ‘au‘ewemi ta ‘enega: gea‘abo palaua malebeni wa ‘e‘ani.

Si Apwesa 13:9

Ta ‘i da we‘iwe‘iiaia ‘emuia nimaio ‘enaia, ta ‘ebenua‘i‘isi manuna mataio gamwagamwanidia, be ‘enega Ieoba ‘ina loina ‘awaio ‘ena ‘i da miami: nima waiwaiiega Ieoba i ‘au‘ewemu Aigupitoega ta ‘enega.

Si Apwesa 14:13

Ta Mose ‘i ona tomota ‘edia, Gea‘abo wa da matauta, wa da tooromo, ta Ieoba ‘ina ‘etoseana wa da ‘ita, tauna ‘i da guinua manumi batua: me Aigupito nidi taudi ni‘atu wa ‘itedi batua, gea‘abo wate wa da ‘italimedi ga tuta ataia ta ‘enega.

Si Apwesa 15:6

Ieoba ie, ‘ataio ‘i esaesa waiwai ‘ena, Ieoba ie, ‘ataio tarauwara i ‘e‘auwearidi.

Si Apwesa 7:4

Ta Parao gea‘abo ‘emia ‘i da nonono, ta nimagu ia da sa‘u Aigupito ‘enaia, ta ‘igu bodao, ‘igu tomota Iseraela tubunao, ia da ‘au‘ewedima ‘asa Aigupito ‘enega loina sinabwadi ‘ediega.

Si Apwesa 7:5

Ta ‘ena nimagu ia iasitoto Aigupito ‘enaia, ta Iseraela tubunao ia ‘au‘ewedima gamwagamwanidiega, ga me Aigupito si da mwaratoni ‘aene ‘abo‘agu Ieoba.

Isaia 63:12

Tauna nimana esaesa ‘i tauiena Mose ‘atainaia? tauna boasi ‘i weara ruena matadia, be tauna manuna esana ‘ataia ‘i bubuna?