1 Ta Ieoba ‘i ona Mose ‘enaia, ‘i gwae,
Anua egogona ‘ebeloba, ‘ebee‘ita ‘ana dedewaga be, ‘ebeminua‘ole‘ole ‘ena ‘i miami be, Anua ‘ana gwegwe iauiauna be;
Ta tai iauna ‘emiega ‘ate‘atesinasinapudi ‘i da mai, ta iage iauiauna Ieoba i ‘eonena si da bubudi;
Nadigega anua ‘ebeeloba ‘ina anua‐tabenakele ‘ana guinua maibo‘ana ‘i gumwara: ta Iseraela tubunao si guinua nadigega iage iauiauna Ieoba ‘i ona Mose ‘enaia, nadigega si guinuena.
Ta Mose guinua maibo‘ana i ‘itena, ta, wa ‘ita, ni‘atu si eguinuena; na‘ieana Ieoba ‘i eona‘ena, nadigega ni‘atu si eguinuena; ta Mose ‘i onaobobomedi.
Ta gete ‘i apwesa iakwara ‘e ruena ‘enaia gimi nawarae ‘enaia, nawarae nina ‘ana gimi ‘asiata ‘enega, ga ‘anua‐tabenakele si gietoorona.
Nawarae ‘e bweuna ‘enega ‘ana asiata ‘e bweuna ‘enega anua ‘ebeeloba ‘ina tabenakele ‘u da gietooro.
