Si Apwesa 4:5 - Buki Tabu Lowaenei 1919

⁵ Be ‘enega si da iareiare ‘aene Ieoba, tamadiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ‘i apwesa ‘emuia.

Si Apwesa 4:5 ပူးပေါင်းရင်းမြစ်များ

Nugana 12:7

Ta Ieoba ‘i apwesa Aberamo ‘ena, ta ‘i gwae, Tubumuao ‘edia ‘asa gete ia da ‘ebwaeae: ta nada ‘ebetaria i ‘abina Ieoba ‘ena, tauna ‘ena ‘i apweapwesa.

Nugana 17:1

Ta ni‘atu Aberamo ‘ana tuta iakwara ‘e naineti‐naine, ga Ieoba Aberamo ‘ena ‘i apwesa, ta ‘ena ‘i ona, ‘Abo‘agu Eaubada Toewaiwaisana; mataguia ‘u da tauia, ta ‘u da bobo‘ana maibo‘ana.

Nugana 18:1

Ta Mamire ‘ina Keigwanao deinaia Ieoba ‘i apwesa ‘enaia, anua ‘awanaia ‘i miatoa asiata iaiiai ‘enega;

Nugana 26:2

Ta Ieoba ‘i apwesa ‘enaia, ta ‘i gwae, Gea‘abo ‘u da mwa‘umwa‘uta Aigupito ‘enaia; ‘asa nina manuna ia da simana ‘emuia ‘ena ‘u da miami:

Nugana 28:13

Ta, wa ‘ita, Ieoba debanaia ‘i tooro, ta ‘i ona, ‘Abo‘agu Ieoba, Aberaamo tubuio ‘ina Eaubada, ta Isaako ‘ina Eaubada: bwa‘a ‘ena u ‘eno‘eno, ia da ‘ebwaemu, ta tubuio ‘enaia:

Nugana 48:15

Ta Iosepa ‘i onaobobomena, ta ‘i gwae, Eaubada nina tauna matanaia tamaguao Aberaamo ta Isaako si tauia dadana, Eaubada nina tauna ‘i e‘enigu iawasigu maibo‘ana ga batua,

Nugana 48:3

Ta Iakobo ‘i ona Iosepa ‘enaia, Eaubada Toewaiwaisana ‘i apwesa ‘eguia Lusa ‘enaia ‘asa Kanania ‘enaia, ta ‘i onaobobomegu,

Si Apwesa 19:9

Ta Ieoba ‘i ona Mose ‘enaia, U ‘ita, ‘emuia ia mai poana badonega, be ‘enega tomota si da nono ‘ena ia onaona me‘ieaio, ta wate si da iaremu ‘ataia. Ta Mose tomota ‘idi ona ‘i esimanedi Ieoba ‘enaia.

Si Apwesa 3:15

Ta Eaubada wate ‘i ona Mose ‘ena, Gete nadigega ‘u da ona Iseraela tubunao ‘edia, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu i ‘etuneguma ‘emia: gete ‘agu esana ‘ataia, ta gete ‘agu ‘ebenua‘i‘isi ga epata‐tomota iauiauna.

Si Apwesa 3:16

‘U da tauia, ta Iseraela ‘ina ‘inapwanao ‘u da egogonedi, ta ‘edia ‘u da ona, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu ‘i apwesa ‘eguia, ‘i gwaegwae, ‘Abo‘agu ni‘atu ia ‘itemi, ta iage si guinuena ‘emia Aigupito ‘enaia:

Si Apwesa 3:18

Ta ‘enaio si da nonona: ta ‘u da mai, ‘oio ta Iseraela ‘ina ‘inapwanao, Aigupito ‘ina king ‘enaia, ta ‘ena wa da gwae, ‘Ieoba, me Eberu ‘idi Eaubada, ni‘atu ‘i apwesa ‘emaia: ta ‘u da tagwarema, ‘a sideio, be ‘a da tauia ga asiata ‘e toi mitawa ‘enaia, be Ieoba ‘ima Eaubada ‘ena ‘a da taria.

Si Apwesa 3:4

Ta ni‘atu Ieoba i ‘itena ‘i tauiawa sabi ‘ita, Eaubada kaiwe gamwanega ‘ena ‘i bwau, ta ‘i ona, Mose, Mose. Ta ‘i ona, ‘Abo‘agu.

Si Apwesa 3:6

Wate ‘i gwae, ‘Abo‘agu tamaio ‘ina Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be. Ta Mose maninina i ‘aubodebodena; ‘ita Eaubada ‘i matautena ta ‘enega.

Si Apwesa 4:1

Ta Mose ‘i ona limana ta ‘i gwae, Ta, u ‘ita, gea‘abo si da iaregu, nai ‘enagu si da nono: si da ona ta ‘enega, Ieoba nigea ‘i apwesa ‘emuia.

Si Apwesa 4:31

Ta tomota si iareiare; ta ni‘atu si nonona ‘aene Ieoba ni‘atu Iseraela tubunao i ‘itedi, ta ‘aene ‘idi elo‘uia i ‘itena ni‘atu, ga si kopukopu ta si bwagobwago.

Si Apwesa 4:4

Ta Ieoba Mose ‘ena ‘i ona, Nimaio ‘u da iasitoto, ta iuiunaia ‘u da giiaina: (ta nimana ‘i iasitotona, ta ‘i giiaina, ta ‘i ekeweliwelili nimanaia:)

Isaia 7:9

Ta Eparaima debana Samaria, ta Samaria debana Remalia natuna. ‘Abo gea‘abo wa da iareiare, gea‘abo wa da mia pa‘ara.