Ta ‘i gwae, Abo‘agu ai‘aila ma‘ieaio; ta gete we‘iwe‘iiaia ‘emuia, ‘aene ni‘atu ia ‘etunemu: ni‘atu tomota u ‘au‘ewedima Aigupitoega, ‘oea gete ‘ena Eaubada ‘ena wa da guinua.
Ta ‘igu ona ni‘atu ia sa‘u ‘awamuia, ta nimagu ‘ina iauiaukwa ‘ena ia bodemu, be ‘enega garewa ia da sa‘u ‘ai‘ailidi, ta bare‘u ‘ana ‘autu ia da sa‘udi, ta ia da ona Siona ‘ena, ‘Oio ‘igu tomota.
Ta ‘abo‘agu manugu, gete ‘igu ona‘upa‘upa ma‘edi, Ieoba ‘i gwae: iaruiaruagu tauna ‘emuia ‘i miami, ta ‘igu ona taudi ‘awamuia ia sa‘u, gea‘abo ‘awamuiega si da tauiawa, nai tubumuao ‘awadiega, nai tubumuao tubudiao ‘awadiega, Ieoba ‘i gwae, gete ‘enega ta tuta ‘ataia.