Si Apwesa 32:7 - Buki Tabu Lowaenei 1919

⁷ Ta Ieoba ‘i ona Mose ‘enaia, ‘U da tauia, ‘u da mwa‘uta; ‘imu tomota ta ‘enega, taudi u ‘au‘ewedima ‘asa Aigupitoega, ni‘atu si gieto‘umaliedi:

Si Apwesa 32:7 ပူးပေါင်းရင်းမြစ်များ

Salamo 78:36

Ta ‘awadiega ‘ena si ona dibidibi, Ta meiadiega ‘ena si ona kabokabo.

Si Apwesa 19:24

Ta Ieoba ‘i eonena, ‘U da tauia, ‘u da mwa‘uta; ta ‘u da tu‘ema, ‘oio, ta Aarona ma‘ieaio: ta to‐tariao be tomota gea‘abo si da rubwarenama sabi tu‘ema Ieoba ‘enaia, nai ‘i da rubware ‘edia.

Si Apwesa 32:1

Ta ni‘atu tomota si ‘itena ‘aene Mose ‘ina mwa‘utama oega ‘i so‘iwawasae, ga tomota si egogonedi Aarona ‘enaia, ta si ona ‘enaia, Ta da tooro, eaubadao ta da mweruruidi manuda, taudi si da tauia nuganeda; Mose gete manuna, tai nina ‘asa Aigupitoega i ‘au‘ewedima, nigea ta mwaratoni mwa‘onai tauna.

Si Apwesa 32:11

Ta Mose Ieoba ‘ina Eaubada ‘ena ‘i sida, ta ‘i gwae, Ieoba, to‘ase manuna ‘imu gamwasoara ‘i iaiiai ‘imu tomota ‘edia, taudi ‘asa Aigupitoega u ‘au‘ewedima waiwai sinabwanega ta nima waiwaiega?

Si Apwesa 32:4

Ta nimadiega i ‘ewena, ta ‘ebedaiagiega ‘i iagena, ta ‘i bubuna bulomakau menonoiana dogadogana: ta si gwae, Iseraela ie, getedi si da ‘imi eaubadao, taudi ‘asa Aigupitoega si ‘au‘ewemi.

Si Apwesa 33:1

Ta Ieoba ‘i ona Mose ‘enaia, ‘U da tauia, gete ‘enega ‘u da tu‘e, ‘oio ta tomota nidi ni‘atu u ‘au‘ewedima ‘asa Aigupitoega, ‘asa tauna ia ona‘upa‘upa Aberaamo ‘enaia, Isaako ‘ena, ta Iakobo ‘ena, ia ona, Tubumuao ‘edia ia da ‘ebwaea‘ena:

Isaia 1:4

Ie ‘asa ma‘imi to‘umalina, tomota ‘imi ‘a‘ara bubuna bokobokona, to‐guinua to‘umalina tubudi, gogama to bubu geiogeioi: ni‘atu Ieoba si e‘idi‘idiena, Iseraela ‘ina Tabu Tebweuna ni‘atu si sinarina, si mia dumaduma ta si ‘ilawa.