Si Apwesa 32:22 - Buki Tabu Lowaenei 1919

²² Ta Aarona ‘i gwae, Gea‘abo ‘igu ‘inapwana ‘ina gamwasoara ‘i da iaiiai: tomota ‘u mwaratonidi, nuadi to‘umalina ‘enaia.

Si Apwesa 32:22 ပူးပေါင်းရင်းမြစ်များ

Nugana 44:18

Ga Iuda ‘i mai serabenaia, ta ‘i ona, ‘Igu ‘inapwana ie, ia sideio, ‘imu toguinua ona ‘e bweuna ‘i da ‘inana ‘igu ‘inapwana tenana ‘edia, ta ‘imu gamwasoara gea‘abo ‘i da ‘ara‘arata ‘imu toguinua ‘enaia: ‘oio Parao nadigega ta ‘enega.

Salamo 36:4

Bubuna bokobokona ‘i wasewasegigie ‘ina ‘ebe‘eno ‘enaia; ‘Eda nigea bobo‘ana ‘ena tauna tuga ‘i tauiena; To‘umalina nigea ‘i guiguitoase.

Si Apwesa 14:11

Ta Mose ‘ena si ona, Nigea nai ‘ari‘ari Aigupito ‘ena, ta ‘enega u ‘au‘ewema be ‘a da mwawasa mitawaia? To‘ase manuna nadigega ‘imu bubuna ‘emaia, ga ‘u me‘ema Aigupitoega?

Si Apwesa 15:24

Ta tomota si onaolilisana Mose ‘enaia, si gwae, To‘ase ‘a da numa?

Si Apwesa 16:20

Ga nigea Mose ‘enana si nonona; ta ‘aidi ‘edia ‘enega si sa‘u ga gonagonaia, ta ‘ipwa‘ipwa si ‘apisara, ta ‘i mwa‘ulu: ta Mose ‘i gamwasoara ‘edia.

Si Apwesa 16:28

Ta Ieoba ‘i ona Mose ‘enaia, Tuta eisa geanuami ‘igu onao ta ‘igu loinao wa da ‘ita‘i‘isidi?

Si Apwesa 32:1

Ta ni‘atu tomota si ‘itena ‘aene Mose ‘ina mwa‘utama oega ‘i so‘iwawasae, ga tomota si egogonedi Aarona ‘enaia, ta si ona ‘enaia, Ta da tooro, eaubadao ta da mweruruidi manuda, taudi si da tauia nuganeda; Mose gete manuna, tai nina ‘asa Aigupitoega i ‘au‘ewedima, nigea ta mwaratoni mwa‘onai tauna.

Si Apwesa 32:21

Ta Mose ‘i ona Aarona ‘enaia, To‘ase tomota gete si guinua ‘emuia, ta ‘enega loegesi sinabwana ni‘atu ‘u me‘ena ‘edia?