Si Apwesa 3:8 - Buki Tabu Lowaenei 1919

⁸ Ta ia mwa‘utama be ia da ‘etoseedi me Aigupito nimadiega, be ia da ‘au‘ewatu‘eiedima ‘asa gote ‘enega ga ‘asa bobo‘ana ‘enaia ta ‘asa sinabwana, ‘asa ‘enaia susuta oni ‘ena si daudau; me Kanania ‘idi esena ‘ena be, me Eta be, me Amori be, me Perisi be, me Ibite be, me Iebusi be.

Si Apwesa 3:8 ပူးပေါင်းရင်းမြစ်များ

Nugana 11:5

Ta Ieoba ‘i mwa‘uta sabi ‘ita ‘asa nina ta anua kesorana nina, taudi tomota natunao si ‘abina.

Nugana 11:7

Ta da iage, ta da mwa‘uta, ta ‘enadi ‘ena ta da giekwanikwani, be ‘enega ‘enadi ‘e bweuna ‘e bweuna gea‘abo si da sinasinapu.

Nugana 15:13

Ta Aberamo ‘ena ‘i ona, ‘U da mwaratoni ‘ai‘aila tubumuao si da eto‘u‘umara ‘asa nigea ‘idi ‘asa ‘enaia, ta ‘edia si da guinua; ta si da giedeededonidi ga iakwara ‘e poa anaredi;

Nugana 15:14

ta wate ‘asa gote, taudi ‘edia si da guinua, ia da loinena: ta muriega si da apwesama ma‘idi gwegwe sinabwana.

Nugana 18:21

ga ia da mwa‘uta gete ‘enega, ta ia da ‘ita nai ni‘atu si guinua maibo‘ana nadigega ‘ina bwau, tauna ‘eguia ‘i mai; ta ‘abo nigea, ia da mwaratoni.

Nugana 43:11

Ta tamadi Iseraela ‘i ona ‘edia, ‘Abo nadigega gete ‘enega, gete wa da guinua; ‘asa uana bobo‘ai‘ailidi wa da ‘ewa ‘imi ‘ebe‘a‘ara ‘edia, ta tai nina ‘ana ‘ebwaeadaita wa da ‘a‘ara mwa‘ute, gweda ‘epuio gidarina be, mu‘awa gidarina be, gweda mamaina ta muro be, pisakio‐uana be, saido be:

Nugana 46:4

‘Abo‘agu ia da mwa‘uta ma‘ieaio Aigupito ‘enaia; ta wate ia da ‘au‘ewatu‘e limanemuma ai‘aila: ta Iosepa nimana ‘i da sa‘u mataio ‘edia.

Nugana 50:24

Ta Iosepa ‘i ona tasinao ‘edia, Ia mwamwawasa: ta Eaubada ‘emia ‘i da apwesa ‘ai‘aila, ta ‘asa gete ‘enega ‘i da ‘au‘ewa tu‘eiemi ‘asa nina ‘enaia tauna ‘i onaona‘upa‘upa‘ena Aberaamo ‘ena, Isaako ‘ena, Iakobo ‘ena ta.

Salamo 12:5

Gomabeso ‘idi ‘oae manuna, to sida ‘idi eiawasilagalaga manuna, Gete ‘enega ia da tooro, Ieoba ‘i gwae; Tauna ‘ena si mu‘enunu ‘ebebobo‘ana ‘ena ia da sa‘una.

Salamo 12:6

Ieoba ‘ina ona si ona ‘esasena; Na‘ieana sileba si too ‘ebegabu ‘enaia bare‘u ‘enaia, ‘Esasena giesebeni.

Salamo 34:8

Wa da too ta wa da ‘ita Ieoba ‘i boboana: Tai nina ‘ena i ‘emisa tauna ‘i bobo‘ana.

Salamo 91:15

‘Eguia ‘i da bwau, ta ‘ena ia da ona limana; ‘Ena ‘i elo‘uia ‘abo‘agu ma‘ieana: Ia da ‘etoseena, ta ‘ana amaiabe ia da sa‘u.

Si Apwesa 12:41

Ta iakwara e poa anaredi ta tati ‘adi ‘ebelosaroni ga gete ‘i apwesa, asiata tauna ‘ai‘aila gete ‘i apwesa, Ieoba ‘ina bodao iauiaudi ‘asa Aigupito ‘enega si tauiawa.

Si Apwesa 12:51

Ta asiata ‘ai‘aila nina gete ‘i apwesa, Ieoba Iseraela tubunao ‘asa Aigupito ‘enega i ‘au‘ewedima boda ta boda ‘ediega.

Si Apwesa 13:5

Ta gete ‘ena Ieoba ‘i da ‘au‘ewemi me Kanania ‘idi ‘asa ‘enaia, me Eta be, me Amori be, me Ibite be, me Iebusi be, taudi ‘i ona‘upa‘upa‘edi tamamiao ‘edia ‘aene ‘i da ‘ebwaemu, ‘asa ‘i daudau susu ta oni ‘ediega, ga guinua gete ‘u da bubuna nawarae gete ‘ena.

Si Apwesa 3:17

Ta ni‘atu ia gwae, Aigupito ‘ina ‘elo‘uiaega ia da ‘au‘ewa tu‘eieio ga me Kanania ‘idi ‘asa ‘enaia, me Eta be, me Amori be, me Perisi be, me Ibite be, me Iebusi be, ‘asa ‘enaia susu ta oni ‘ena si daudau.

Si Apwesa 34:11

Iage ‘emuia ia ona batua ‘u da ‘ita: U ‘ita, matamuiega me Amori ia pa‘idi, me Kanania be, me Eta be, me Perisi be, Ibite be, me Iebusi be.

Si Apwesa 5:23

Tuta ‘enega ia mai Parao ‘ena be ‘amu esanega ia ona, tomota gete ‘i gieto‘umaliedi ta ‘enega; wate nigea ‘imu tomota u ‘eto‘etoseedi gidarina.

Isaia 36:17

Ga ia da mai ta ia da ‘au‘ewemi ‘asa ‘imi ‘asa taumi nadigega, witi ta oine ‘idi ‘asa, palaua ta baguraoine ‘idi ‘asa.

Isaia 64:1

Eguma garewa ‘u da sabu, ta ‘u da mwa‘utama, ta ‘oea si da dau mwa‘uta matamuia;

Loina 20:24

Ta ‘emia ia gwae ni‘atu, ‘Idi ‘asa wa da ‘ewa, ta ia da ‘ebwaemi be wa da ‘ewena, ‘asa ‘i daudau susu ta mu‘awa ‘ediega: ‘Abo‘agu Ieoba ‘imi Eaubada, tomotaiao ‘ediega ni‘atu ia sa‘u dumedumemi.