Si Apwesa 3:13 - Buki Tabu Lowaenei 1919

¹³ Ta Mose Eaubada ‘ena ‘i gwae, U ‘ita, ‘ena ia wai Iseraela tubunao ‘edia, ta ‘edia ia da gwae, Tamamiao ‘idi Eaubada ni‘atu i ‘etunegu ‘emia; ta ‘eguia si da ona; Mwa‘adega ‘ana esana? to‘ase ia da ona ‘edia?

Si Apwesa 3:13 ပူးပေါင်းရင်းမြစ်များ

Nugana 32:29

Ta Iakobo i eonena, ta ‘i ona, Ia sideio, ‘amu esana ‘u da simana ‘eguia. Ta ‘i ona, To‘ase manuna ‘agu esana manuna ‘u enaida? Ta nada ‘i onaobobomena.

Si Apwesa 15:3

Ieoba saia ‘ana tai: Ieoba ‘ana esana.

Si Apwesa 3:12

Ta ‘i gwae, Abo‘agu ai‘aila ma‘ieaio; ta gete we‘iwe‘iiaia ‘emuia, ‘aene ni‘atu ia ‘etunemu: ni‘atu tomota u ‘au‘ewedima Aigupitoega, ‘oea gete ‘ena Eaubada ‘ena wa da guinua.

Si Apwesa 3:14

Ta Eaubada ‘i ona Mose ‘enaia, Abo‘agu Taugu: ta ‘i ona, Gete nadigega ‘u da ona Iseraela tubunao ‘edia, ‘Abo‘agu i ‘etuneguma ‘emia.

Si Apwesa 3:15

Ta Eaubada wate ‘i ona Mose ‘ena, Gete nadigega ‘u da ona Iseraela tubunao ‘edia, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu i ‘etuneguma ‘emia: gete ‘agu esana ‘ataia, ta gete ‘agu ‘ebenua‘i‘isi ga epata‐tomota iauiauna.

Si Apwesa 7:16

Ta ‘ena ‘u da gwae, Ieoba, me Eberu ‘idi Eaubada, ni‘atu i ‘etunegu ‘emuia, ‘i ona, ‘Igu tomota ‘u da tagwaredi be si da tauia, be ‘eguia si da guinua mitawaia: ta, u ‘ita, ni‘atu nigea ‘u nonono.

Isaia 52:6

Ta ‘enega ‘igu tomota ‘agu esana si da mwaratoni: ta ‘enega asiata gote ‘enega si da mwaratoni ‘aene ‘abo‘agu tauna ‘i onaona; wa ‘ita, ‘Abo‘agu.

Isaia 7:14

Ta ‘enega ‘Inapwana tauna we‘iwe‘iiaia ‘i da ‘ebwaemi; wa ‘ita, gomagweine nina ‘i da ‘euwana, ta natuna me‘olotona ‘i da enatunena, ta ‘i da eesena Imanuela.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.