Si Apwesa 26:31 - Buki Tabu Lowaenei 1919

³¹ Ta loboda ‘u da bubuna karakarawinega be, papeleiega be, bweabwearinega be, kaleko wasiwasi matagidarina ‘enega be: ierubimega to guinua panapana‘isina ‘ina guinuega si da bubuna:

Si Apwesa 26:31 ပူးပေါင်းရင်းမြစ်များ

Salamo 137:5

Ierusalema ie, ‘abo ia nuapupureio, ‘Ataigu ‘ina sinasinapu ‘i da nuapupurena.

Si Apwesa 25:18

Ta ierubima e rua ‘u da bubudi golega; guinua tutu ‘enega ‘u da bubudi, ‘auboda‐nua‘ole‘ole matanao ‘e rua ‘edia.

Si Apwesa 25:4

Karakarawina be, papele be, bweabwearina be, kaleko matagidarina be, gota uiauiana be;

Si Apwesa 26:1

Wate anua‐tabenakele ‘u da ‘abina ma‘ana ‘auboda kaleko ‘e teni; kaleko ionaiona matagidarina, karakarawina be, papele be, bweabwearina be, ma‘ana ierubima toguinua sinasinapuna ‘ana guinua ‘ediega ‘u da bubudi.

Si Apwesa 26:32

Ta ‘ora akesia e ‘ata si lobodedi golega ‘edia ‘u da losanena, ‘idi ‘ebetabe si da golega, gaula sileba ‘e ata ‘edia.

Si Apwesa 27:16

Ta ‘atamana ‘ana ‘auboda manuna kaleko sanesanena ‘i da miami kiubita ‘e tweniti, karakarawinega, papele ta, bweabwearina ta, kaleko wasiwasina matagidarina, to eiara ‘ina guinua: ‘adi ‘ora ‘e ata, ta ‘adi gaula ‘e ata.

Si Apwesa 27:21

Anua ‘ebeegogona ‘enaia, ‘auboda guaunaia tauna ‘ebee‘ita matanaia, Aarona ta natunao me‘olotodi si da sa‘u ‘ai‘ailina asuinuenuega ga gonagonaia Ieoba matanaia: tauna ‘i da loina ataia ‘idi epata‐tomota ‘edia Iseraela tubunao manudi.

Si Apwesa 28:15

Ta loina ‘ina ‘ailumaluma ‘u da bubuna, toguinua panapana‘isina ‘ina guinua; tara‘apwara ‘ana guinua nadigega ‘u da bubuna; golega, karakarawinega, papeleiega be, bweabwearinega be, kaleko ionaiona matagidarinega be, ‘u da bubuna.

Si Apwesa 35:12

Dedewaga nina, ‘ana ‘ewa‘ewao be, ‘ebemi‐nua‘ole‘ole nina, ‘ana lobodaboda be;

Si Apwesa 35:25

Ta iine iauiaudi ‘ate sinasinapudi nimadiega si ionaiona, ta iage ni‘atu si ioniionina si me‘edi, karakarawina ta, papele, bweabwearina, ta kaleko matagidarina.

Si Apwesa 35:35

Taudi ‘i loema‘edi ‘ate‐sinasinapuiega, be ‘ebeguinua ‘ana ‘ebebubuna iauiauna si da guinue, to daiagi ‘ana iage ta, to guinua panapana‘isina ‘ana iage ta, to ‘ebeeiara ‘ana iage, karakarawina ‘ena, ta papele ‘ena, bweabwearina ‘ena, ta kaleko matagidarina ‘ena, ta to ‘ebeiona ‘ana guinua, tugama taudi ‘ebeguinua ‘e bweuna si guinua ‘idi guinua, ta taudi guinua panapana‘isina si nuedia ‘idi guinua.

Si Apwesa 35:6

Karakarawina be, papele be, bweabwearina be, kaleko matagidarina be, gote unuununa be;

Si Apwesa 36:35

Ta ‘aubodaboda ‘i bubuna karakarawinega, papele be, bweabwearina be, kaleko ionaiona matagidarina be: ma‘ana ierubima to guinua panapana‘isina ‘ana guinua ‘i bubuna.

Si Apwesa 36:36

Ta ‘ora akesia e ‘ata ‘edia ‘i bubudi, ta golega ‘i bodedi: ‘adi ‘ebeloesaneao gola; ta gaula sileba e ‘ata i ‘e‘urenina manudi.

Si Apwesa 36:8

Ta tai ‘ate‐sinasinapu iauna ‘edia taudi guinua si guinuena anua tabenakele si ‘abina ma‘ana ‘auboda loesane ‘e sanau; kaleko ioniionina matagidarina ‘enega, karakarawina be, papele be, bweabwearina be, ma‘ana ierubima to guinua panapana‘isina ‘ana guinua ‘i bubudi.

Si Apwesa 38:23

Ta ma‘ieana Ooliaba, Aisamaka natuna, susu Dana ‘enega, to daiagi, ta toguinua nuanua sinasinapuna, ta to ‘eiara karakarawinega be, papeleiega be, bweabwearinega be, kaleko matagidarinega be.

Si Apwesa 40:21

Ta dedewaga ‘i me‘ena anua‐tabenakele ‘enaia, ta ‘aubodaboda ‘ana ‘auboda ‘i etoorona, ta ‘ebee‘ita ‘ana dedewaga i ‘aubodebodena; na‘ieana Ieoba ‘i ona Mose ‘enaia.

Si Apwesa 40:3

Ta ‘ebee‘ita ‘ana dedewaga ‘ena ‘u da sa‘u, ta dedewaga nina ‘u da ‘aubodebodena.

Loina 16:15

Ga loegesi ‘ana ‘ebwaeadaita gotana ‘i da loemwawasina, tauna tomota manudi, ta rarana ‘i da me‘ena ‘aubodaboda gamwanaia, ta raranega ‘i da guinua nadigega ‘i guinua bulomakau raranega, ta ‘i da loseuseulena ‘ebemi‐nua‘ole‘ole ‘enaia, ta ‘ebemi‐nua‘ole‘ole matanaia:

Loina 16:2

Ta Ieoba ‘i ona Mose ‘ena, Aarona tasio ‘ena ‘u da ona, gea‘abo tuta iauiauna ‘i mema esena tabu ‘ena ‘aubodaboda gamwanaia, ‘ebemi‐nua‘ole‘ole tauna dedewaga ‘ena ‘i miami matanaia; be gea‘abo ‘i da mwawamwawasa: ‘Abo‘agu ia da apwesa poana ‘ena ‘ebemi‐nua‘ole‘ole ‘enaia ta ‘enega.