Si Apwesa 24:18 - Buki Tabu Lowaenei 1919

¹⁸ Ta Mose poana gamwanaia ‘i rugu, ta ‘oeaia ‘i tu‘e: ta Mose asiata e poti ta guguioi e poti ‘oeaia ‘i miami.

Si Apwesa 24:18 ပူးပေါင်းရင်းမြစ်များ

Si Apwesa 19:20

Ta Ieoba ‘i mwa‘utama ‘oea Sinai ‘enaia, ‘oea debana ‘enaia: ta Ieoba Mose ‘i bwauiena ‘oea debana ‘enaia; ta Mose ‘i tu‘ewa.

Si Apwesa 24:17

Ta Ieoba ‘ina esaesa ‘ana ‘ita ‘atua ‘awesabelulu ‘ara‘arasina ‘oea debanaia Iseraela tubunao matadia.

Si Apwesa 25:1

Ta Ieoba ‘i ona Mose ‘enaia, ‘i gwae,

Si Apwesa 32:1

Ta ni‘atu tomota si ‘itena ‘aene Mose ‘ina mwa‘utama oega ‘i so‘iwawasae, ga tomota si egogonedi Aarona ‘enaia, ta si ona ‘enaia, Ta da tooro, eaubadao ta da mweruruidi manuda, taudi si da tauia nuganeda; Mose gete manuna, tai nina ‘asa Aigupitoega i ‘au‘ewedima, nigea ta mwaratoni mwa‘onai tauna.

Si Apwesa 34:28

Ta nada ‘i miami Ieoba ma‘ieana asiata ‘e poti ta guguioi ‘e poti; nigea i ‘e‘ai palaua, ta nigea ‘i numa boasi. Ta tebeli ‘edia ona‘upa‘upa i ‘etoladidi, ‘ona sanau nidi.

Si Apwesa 9:29

Ta Mose ‘i ona ‘enaia, Tuta ‘enega ‘asega ia tauiawa, nimagu ia da tuweiari Ieoba ‘enaia; weparara si da losa‘u, ta ‘usana‐patuna gea‘abo wate; be ‘enega ‘u da mwaratoni ‘aene gabura Ieoba ‘ina gabura.

Si Apwesa 9:33

Ta Mose Parao ‘enega ‘asega ‘i tauiawa, ta nimana ‘i tuweiarina Ieoba ‘enaia: ta wepararaiao be ‘usana‐patuna si losa‘u, ta ‘usana nigea ‘i daudau bare‘uia.