Si Apwesa 24:16 - Buki Tabu Lowaenei 1919

¹⁶ Ta Ieoba ‘ina esaesa ‘oea Sinai ‘ena ‘i miami, ta poana ‘i lobodebodena asiata e sikisi: ta asiata e sebeni nina Mose ‘ena ‘i bwau poana gamwanega.

Si Apwesa 24:16 ပူးပေါင်းရင်းမြစ်များ

Salamo 99:7

Poana ‘ora ‘ena ‘i eonedi: ‘Ina ‘ebee‘itao si ‘ita‘i‘isidi, ta loina nina i ‘ebwaedi.

Si Apwesa 16:10

Ta gete ‘i apwesa, Aarona Iseraela tubunao ‘idi egogona maibo‘ana ‘ena ‘i onaona, ga mitawa ‘ena si ‘ita, ta, wa ‘ita, Ieoba ‘ina esaesa poana ‘ena ‘i apwesama.

Si Apwesa 19:11

Ta asiata ‘etonina manuna si da mia ‘ai‘aila: asiata ‘etonina ta ‘enega Ieoba ‘i da mwa‘utama tomota iauiaudi matadia ‘oea Sinai ‘enaia.

Si Apwesa 19:9

Ta Ieoba ‘i ona Mose ‘enaia, U ‘ita, ‘emuia ia mai poana badonega, be ‘enega tomota si da nono ‘ena ia onaona me‘ieaio, ta wate si da iaremu ‘ataia. Ta Mose tomota ‘idi ona ‘i esimanedi Ieoba ‘enaia.

Si Apwesa 20:10

Ta asiata ‘e sebeni nina ‘i sabate Ieoba ‘imu Eaubada ‘enaia: ‘ena gea‘abo ‘e bweu guinua ‘u da guinua, ‘oio, nai natuio me‘olotona, nai natuio me wainena, ‘imu toguinua me‘olotona, nai ‘imu toguinua mewainena, nai ‘imu bulomakau, nai ‘imu to‘u‘umara ‘imu ‘asa gamwanaia ‘i miami:

Si Apwesa 24:17

Ta Ieoba ‘ina esaesa ‘ana ‘ita ‘atua ‘awesabelulu ‘ara‘arasina ‘oea debanaia Iseraela tubunao matadia.

Isaia 4:5

Ta Ieoba ‘Oea Siona ‘ina ‘ebemia maibo‘ana debadia, ta ‘ina deriegogona debadia, poana ta ‘asu ‘i da mweruruidi asiata ‘enega, ta awe sabelulu ‘ana tuiaiara boiboiega: esaesa maibo‘ana debanaia ‘auboda ‘i da eso ta ‘enega.

Loina 9:23

Ta Mose be Aarona anua ‘ebeeloba ‘ena si rugu, ta si apwesama, ta tomota si ona‐obobomedi: ta Ieoba ‘ina esaesa ‘i apwesa tomota iauiauna ‘edia.

Loina 9:6

Ta Mose ‘i gwae, Gete iage nina Ieoba ‘i ona wa da guinua; ta Ieoba ‘ina esaesa ‘emia ‘i da apwesa.