Si Apwesa 22:4 - Buki Tabu Lowaenei 1919

⁴ ‘Abo iage ‘i anaanawarina si lobena maiawasina nimanaia, nai bulomakau, nai ase, nai sipi; ‘i da e‘isa ‘e rua.

Si Apwesa 22:4 ပူးပေါင်းရင်းမြစ်များ

Si Apwesa 21:16

Ta tauna tai i ‘ipwarina, ta ‘i gimwaniena, nai ‘abo si lobena nimanaia, wa da loemwawasa‘ai‘ailina.

Si Apwesa 22:1

‘Abo ‘e bweu tai bulomakau ‘i anawarina, nai sipi, ta ‘i loemwawasina, nai ‘i gimwaniena; ‘i da tamapu bulomakau ‘e paibe bulomakau ‘e bweuna manuna, ta sipi ‘e poa sipi ‘e bweuna manuna.

Si Apwesa 22:5

‘Abo tai ‘e bweu bagura nai oine ‘i da bubuna be si ‘e‘ani, ta ‘ina bulomakau ‘i giisinena, ta mari tai ‘ina bagura ‘ena i ‘e‘ai; ‘ina bagura tauna uana bobo‘ana wawasae, ta ‘ina oine tauna uana bobo‘ana wawasae, ‘ediega ‘i da e‘isa.

Si Apwesa 22:7

‘Abo ‘e bweu tai mani nai gwegwe ‘i sa‘u gosiana ‘enaia be ‘i da ‘ita‘i‘isi, ta tai nina ‘ina anuega si anawarina; ‘abo to‐anawara si lobena, ‘i da e‘isa ‘e rua.

Si Apwesa 22:9

Iage ‘e bweuna ‘e bweuna ‘ana to‘umalina manuna, nai bulomakau manuna, ase manuna, sipi manuna, ‘oama manuna, iage loseloseanina ‘ana bubuna, ta ‘enega ‘e bweu ‘i gwae, Tauna gete, tai ruadi ‘aredi ‘i da mai Eaubada matanaia; tauna Eaubada i ‘awato‘umaliena ‘i da etamapu ruedi gosiana ‘enaia.

Isaia 40:2

Ierusalema ‘atena ‘ena wa da ona, ta ‘ena wa da bwau, ‘ana tuta saia ni‘atu ‘i gumwara, ‘ina bubuna bokobokona ni‘atu ‘i kweu; ni‘atu Ieoba nimanega ‘e rua si ‘ewena ‘ina loegesi iauiauna manudi.

Loina 6:5

Nai ‘e bweu iage manuna ‘i ona‘upa‘upa kabokabo ni‘atu; ‘i da ‘ebwaea limana maibo‘ana, ta ‘ana e nima ‘ena ‘i da sa‘uepopoe: tauna ina iage ‘ena ‘i da ‘ebwaeaena, asiata ‘enega si lobena ‘i to‘umali.