Si Apwesa 20:5 - Buki Tabu Lowaenei 1919

⁵ Gea‘abo ‘edia ‘u da bwagobwago, nai ‘edia ‘u da guinua: ‘Abo‘agu Ieoba ‘imu Eaubada ‘abo‘agu Eaubada e‘ipi‘ipi ta ‘enega, tamadiao ‘idi to‘umalina ia e‘isa natudiao ‘edia, epata‐tomota ‘etonina ‘enaia ta ‘eatana ‘enaia taudi si guitoasegu ‘edia.

Si Apwesa 20:5 ပူးပေါင်းရင်းမြစ်များ

Salamo 109:14

Tamanao ‘idi bubuna bokobokona Ieoba ‘i da nua‘i‘isina; Ta sinana ‘ina loegesi gea‘abo ‘i da kweu.

Salamo 78:58

Si ‘eiabena be ‘i da gamwasoara ta ‘enega ‘idi esena lo‘etanidi ‘ediega, Ta ‘ana e‘ipi‘ipi si sa‘una ‘idi tokwarui daiadaiagidi ‘ediega.

Salamo 79:8

Tubumao ‘idi bubuna bokoboko gea‘abo ‘u da nuanua‘i‘isi manuma: ‘Imu nua‘ole‘ole nuadi si da nugana manini ‘emaia: Ni‘atu ‘a mwa‘uta wawasae ta ‘enega.

Salamo 81:15

Taudi nuadi ‘i to‘umali Ieoba ‘enaia, matanaia si da e‘enoidi: Ta ‘idi tuta ‘i da mia ataia.

Si Apwesa 23:24

Gea‘abo ‘idi eaubadao ‘edia ‘u da kopukopu, nai ‘edia ‘u da guinua, nai ‘idi guinuao nadigega ‘u da bubu: ta ‘u da ula‐mwa‘utedi ‘ai‘aila, ta idi ‘oragurewa ‘u da lasa lelewanedi.

Si Apwesa 34:14

Gea‘abo ‘u da bwagobwago mari eaubada ‘enaia ta ‘enega: Ieoba ta ‘enega, tauna ‘ana esana E‘ipi‘ipi, tauna Eaubada e‘ipi‘ipi:

Isaia 44:15

Ga ‘i da kaiwe be tai ‘i gabuna; ta ‘enega i ‘ewa, ta ‘i si‘asi‘ata; tamo, ‘i loe‘abia, ta palaua ‘i gabu: tamo, eaubada ‘e bweu ‘i mweruruina, ta ‘ena ‘i bwagobwago; ‘i mweruruina be i ‘e tokwarui daiagi, ta ‘ena ‘i be‘u mwa‘uta.

Isaia 44:19

Ta nigea ‘e bweu ‘i enua‘i‘isi, nai mwaratoni nai sinapu ‘i miami be si gwae, Ni‘atu ‘e bweu sena ia gabuna ‘awe ‘enaia; tamo, wate palaua ia gabu kebwanigisinao ‘edia; esio ia gabu ta ia ‘enina: ta tupwana ia da giegadiluluiei? Kaiwe ‘arena ‘ena ia da be‘u mwa‘uta nai?

Loina 20:5

ga tai gote ia da e‘awatanesinesi tai gote matanaia, ta ‘ina susu matadia, ta ia da ‘upwa‐iaulena, ta iauiaudi si muriena sabi sogara, sabi sogara Moleka ma‘ieana, ‘idi tomota gamwagamwanidiega.

Loina 26:1

Gea‘abo ‘e bweu goamamea wa da bubu ‘emia, nai tokwarui wa gietooro ‘emia, nai ‘ora gurewa, ta gea‘abo tokwarui gurewa ‘imi ‘asaia wa sa‘usa‘u, be ‘ena ‘u da bwagobwago: ‘Abo‘agu Ieoba ‘imi Eaubada ta ‘enega.

Loina 26:29

Ta natumiao me‘olotodi esiodi wa da ‘e‘ai, ta natumiao me wainedi esiodi wa da ‘e‘ai.