Si Apwesa 20:3 - Buki Tabu Lowaenei 1919

³ Gea‘abo wate ‘e bweu ‘imu Eaubada, tebweugu.

Si Apwesa 20:3 ပူးပေါင်းရင်းမြစ်များ

Salamo 29:2

Esaesa ‘ana esana ‘i sawesawenaia Ieoba ‘ena ‘u da ‘ebwaea; Ieoba ‘ena wa da bwagobwago ‘esasena ‘ana ‘ita bobo‘ana ‘enega.

Salamo 73:25

‘Abo‘agu ‘iaita wate ‘eguia garewaia, tebweuio? Ta nigea ‘e bweu bare‘uia nuagu i ‘ewa‘ewa tebweuio.

Salamo 81:10

‘Abo‘agu Ieoba ‘imu Eaubada, Taugu ia ‘au‘ewemu ‘asa Aigupitoega: ‘Awaio ‘u da ebari sinabwana, ta ia da loemaena.

Salamo 81:9

Gea‘abo ‘e bweu eaubada dumadumana ‘emuia ‘i da miami; Ta gea‘abo ‘e bweu eaubada dumadumana ‘ena ‘u da bwagobwago.

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Si Apwesa 20:23

Gea‘abo mari eaubadao wa bubu ma‘ieagu; eaubadao sileba, nai eaubadao gola, gea‘abo wa bubu ‘emia.

Si Apwesa 22:19

Tauna iobai ma‘ieana i ‘eno‘eno wa da loemwawasa ‘ai‘aila.

Si Apwesa 23:24

Gea‘abo ‘idi eaubadao ‘edia ‘u da kopukopu, nai ‘edia ‘u da guinua, nai ‘idi guinuao nadigega ‘u da bubu: ta ‘u da ula‐mwa‘utedi ‘ai‘aila, ta idi ‘oragurewa ‘u da lasa lelewanedi.

Si Apwesa 32:8

Ni‘atu ‘eda ia ona ‘edia ‘enega si tauia dumaduma manini: ni‘atu bulomakau menonoiana dogadogana si bubuna, ta ni‘atu ‘ena si bwagobwago, ta ‘ena si taritaria, ta si gwae, Getedi si da e ‘imu eaubadao, Iseraela ie, taudi si ‘au‘ewatu‘eiemi ‘asa Aigupitoega.

Si Apwesa 34:14

Gea‘abo ‘u da bwagobwago mari eaubada ‘enaia ta ‘enega: Ieoba ta ‘enega, tauna ‘ana esana E‘ipi‘ipi, tauna Eaubada e‘ipi‘ipi:

Isaia 26:4

Ieoba ‘ena ‘u da ‘emisa ‘ataia: Ia Ieoba ‘ena gurewa mia‘ataia ‘i miami ta ‘enega.

Isaia 42:8

‘Abo‘agu Ieoba; gote ‘agu esana: ta ‘igu esaesa gea‘abo wate ‘e bweu ‘ena ia da ‘ebwaea, nai ‘agu tuputupu tokwarui daiadaiagidi ‘edia.

Isaia 43:10

‘Omi ‘igu to‐‘itao, Ieoba ‘i gwae, ta ‘igu to‐guinua tauna ia ‘esinua; be ‘enega wa da mwaratonigu ta wa da iaregu, ta wa da sinapuna ‘aene ‘Abo‘agu Tauna; nuganiguia nigea ‘e bweu Eaubada mwerumweruruina, ta gea‘abo ‘e bweu muriguia.

Isaia 44:8

Gea‘abo wa matauta, nai wa da ‘atesa‘ara: nigea nai ia simana ‘emuia lowaeneiega, ta ia e‘ita‘ena? ta ‘omi ‘igu to‐‘itao. Wate ‘e bweu Eaubada ‘i miami ‘agu erua? tamo, nigea ‘e bweu Gurewa Sinabwana; nigea ‘e bweu ia mwaratoni.

Isaia 46:9

Gimi iage lowaeneiega wa da nua‘i‘isi: ‘abo‘agu Eaubada ta ‘enega, ta nigea wate ‘e bweu; ‘abo‘agu Eaubada, ta nigea ‘e bweu ‘abo‘agu nadigega;