Si Apwesa 18:7 - Buki Tabu Lowaenei 1919

⁷ Ta Mose ‘i apwesa bwasiana sabi lobana, ta ‘i kopukopu, ta i ‘awamuina; ta si enaida ‘e bweuna ‘e bweuna mwa‘adega ‘idi miami; ta anua ‘ena si rugu.

Si Apwesa 18:7 ပူးပေါင်းရင်းမြစ်များ

Nugana 14:17

Ta Sodoma ‘ana king ‘i apwesa sabi lobena, ‘ena ni‘atu Kedolaomera ta kiniao ma‘enao ‘i unudi ta i ‘ila‘ilama, abatau Sabo ‘enaia (tauna King ‘ina Abatau).

Nugana 18:2

ta i ‘itatu‘e ta ‘i dune, ta, wa ‘ita, tai ‘e toi deinaia si tootooro: ta ni‘atu i ‘itedi, ga anua ‘awanega ‘i pili ga ‘i lobedi, ta bare‘u ‘ena ‘i bwagobwago,

Nugana 19:1

Ta anelose nidi ‘e rua Sodoma ‘ena si mai asuinuanuaia; ta Lota Sodoma ‘ana ‘awa ‘ena ‘i miatoa: ta Lota i ‘itedi, ta ‘i tooro sabi lobedi; ta ‘i bwagobwago sana mwa‘uta bare‘uia;

Nugana 29:13

Ta gete ‘i apwesa, ni‘atu Labana Iakobo nuuna natuna ‘ana tetera ‘i nonona, ga ‘i pili sabi lobena, ta i ‘atubwailina, ta i ‘awamuina, ta ‘ina anua ‘ena ‘i me‘ena. Ta iage getedi iauiauna ‘i simana Labana ‘enaia.

Nugana 31:28

ta nigea ‘u tagwaregu be natuguao me‘olotodi ta natuguao mewainedi ia da ‘awamuidi? gete tuga ni‘atu ‘u bubuna ‘euwauwa.

Nugana 43:26

Ta ni‘atu Iosepa ‘i mai anuaia, ga ‘ebwaeadaita nimadia ‘i miamiana si me‘ena ‘enaia anua gamwanaia, ta ‘ena si bwagobwago sanamwa‘uta bare‘uia.

Nugana 45:15

Ta tasinao iauiaudi i ‘awamuidi, ta ‘edia ‘i dedo: ta muriega tasinao si onaona ma‘enao.

Nugana 46:29

Ta Iosepa ‘ina wagalisilisi ‘i gibubuna, ta ‘i tu‘e sabi lobena tamana Iseraela, Gosena ‘enaia; ta ‘i apwesa ‘enaia, ta ‘otonaia ‘i bwaila, ta ‘otonaia ‘i dedo dudurana.

Salamo 2:12

Natuna me‘olotona wa da ‘awamuina, ‘abona nai ‘i gamwasoara, ta ‘edega wa saoora, ‘Ina gamwasoara ‘i abe i ‘arata ta ‘enega. Taudi ‘ena si ‘emisa si bobo‘ana.

Si Apwesa 18:6

Ta Mose ‘ena ‘i gwae, ‘Abo‘agu bwasiaio Ietoro ‘emuia ia mai, ta mwaneio, ta natunao me‘olotodi ‘e rua ma‘enao.

Si Apwesa 33:7

Ta Mose ‘ina bubuna anua‐kaleko i ‘ewena ta i ‘abina ‘asa etaulunaia, ‘edasora ‘asega; ta ‘i eesena, ‘Anua ‘ebeeloba. Ta gete ‘i apwesa, iauna Ieoba i ‘ebesa ‘i tauiawa anua ‘ebeeloba ‘enaia, tauna ‘asa etaulunaia ‘i miami.

Si Apwesa 4:27

Ta Ieoba ‘i ona Aarona ‘enaia, Mitawaia ‘u da tauia be Mose ‘u da loba. Ta ‘i tauia, ta Eaubada ‘ina ‘oea ‘ena ‘i lobena, ta i ‘awamuina.