Si Apwesa 1:7 - Buki Tabu Lowaenei 1919

⁷ Ta Iseraela tubunao si losiwa, ta si susaila wawasae, ta si eiau, ta si ewaiwai wawasae; ta ‘asa si loemaena.

Si Apwesa 1:7 ပူးပေါင်းရင်းမြစ်များ

Nugana 1:20

Ta Eaubada ‘i ona, Ni‘uia iage mwerumweruruidi maiawasidi si da iaudidigana, ta manua si da taea bare‘u ‘etanaia garewa bwagabwagana matanaia.

Nugana 1:28

Ta Eaubada ‘i ona‐obobomedi: ta Eaubada ‘i eonedi, wa da losiwa, ta wa da eiau, ta bare‘u wa da loemae, ta ‘ena wa da ewaiwai; ta wa da loina ora ‘ana iana ‘edia be, mwatui manuina ‘edia be, iage iauna maiawasidi bare‘uia si looniu ‘edia be.

Nugana 12:2

ta ‘asa sinabwana ‘emuiega ia da bubuna, ta ia da onaobobomeio, ta ‘amu esana ia da bubuna be ‘i sinabwa; ta ‘oio ‘u da e ‘ebebobo‘ana:

Nugana 13:16

Ta tubumuao ia da bubudi be si da ‘e bare‘u nedilina ‘atua: ta ‘enega ‘abo tai bare‘u nedilina ‘i da sawa kapekapeana, ga tubumuao wate si da sawedi.

Nugana 15:5

Ta i ‘au‘ewa apwesena, ta ‘i gwae, Garewa ‘ena ‘u da ‘ita, ta kwadima ‘u da sawedi, ‘abo ‘u ewaiwai be ‘u sawedi: ta ‘i eonena, Gote nadigega tubumuao.

Nugana 17:16

Ta ia da onaobobomena, ta wate ‘enega natuio me‘olotona ia da ‘ebwaeio: tamo, ia da onaobobomena, ta tauna ‘i da ‘asa sinadi; ‘enega tomota ‘idi kiniao si da mai.

Nugana 22:17

ga onaoboboma ‘enega ia da onaobobomeio, ta gieiau ‘enega tubumuao ia da gieiau na‘ieana kwadimao garewaia, ta na‘ieana kaukau le‘awa ‘enaia; ta tubuio ‘ana tarauwarao ‘adi ‘awa ‘i da ‘ewena;

Nugana 26:22

Ta gote ‘enega ‘i logara, ta wate ‘e bweu wewerupwa ‘i salena; ta gote manuna nigea si e‘upwa: ta si eesena Reobota; ta ‘i gwae, Gete tuga Ieoba ‘ida ‘ebemia ‘i bubuna, be ta da losiwa ‘asa ‘enaia.

Nugana 26:4

ta tubumuao ia da gieiau ‘atua garewa ‘ina kwadimao, ta ‘asa iauiauna getedi tubumuao ‘edia ia da ‘ebwaeaedi; ta tubuio ‘enega bare‘u ‘ina ‘asa iauiauna si da bobo‘ana;

Nugana 28:14

Ta tubumuao si da ‘e bare‘u ‘ina nedila ‘atua, ta ‘u da weara dadana ‘ebwaga ‘enaia be, bomatu ‘enaia be, iaarata ‘enaia be, iarasi ‘enaia be: ta ‘emuia ta tubuio ‘enaia bare‘u ‘ina susu iauiaudi onaoboboma si da lobena.

Nugana 35:11

Ta Eaubada ‘i ona ‘enaia, ‘Abo‘agu Eaubada Toewaiwaisana: ‘U da losiwa ta ‘u da susaila: ‘emuiega ‘ebeloina ta ‘ebeloina mabodadi si da apwesa, ta tolobwamuiega kiniao si da apwesa;

Nugana 46:3

Ta ‘i ona, ‘Abo‘agu Eaubada, tamaio ‘ina Eaubada: mwa‘uta Aigupito ‘enaia gea‘abo ‘u matamatautena; ‘ena ia da bubuna ‘emuia be ‘u e‘asa sinabwana ta ‘enega:

Nugana 47:27

Ta Iseraela ‘asa Aigupito ‘ena si miami, ‘asa Gosena ‘enaia; ta ‘idi esena ‘ena si lobena, ta si uaua, ta si sinabwa wawasae.

Nugana 48:16

Anelose nina tauna to‘umalina iauiauna ‘ediega ‘i li‘amigu, tubuau nidi ‘i da onaobobomedi; ta ‘agu esana si da ‘inana ‘edia, ta tamaguao Aberaamo ta Isaako ‘adi esana; ta bare‘u gamwanaia si da sinabwa be si da ‘e boda sinabwana.

Nugana 48:4

ta ‘i ona ‘eguia, U ‘ita, ia da bubuna ‘emuia be ‘u da losiwa, ta ia da gieiauiemu, ta ‘emuiega tomota mabodana ia da bubu; ta ‘asa gete, tubumuao murimuia ia da ‘ebwaedi ‘idi iage ataia manuna.

Nugana 9:1

Ta Eaubada Noa be natunao me‘olotodi ‘i ona obobomedi, ta ‘i eonedi, Wa da losiwa, ta wa da eiau, ta bare‘u wa da loemae.

Salamo 105:24

Ta ‘ina tomota ‘i gieiauwawasaedi, Ta ‘i giewaiwaiwawasaedi ‘adi tarauwarao ‘edia.

Salamo 107:38

I ‘awaobobomedi wate, ta ‘enega si eiau sinabwana; Ta ‘idi bulomakau nigea ‘i tagwara be si mwa‘uta.

Si Apwesa 1:12

Ta si giedeededonidi wawasae, ga si eiau wawasae ta si saila wawasae. Ta Iseraela tubunao manudi nuadi ‘i to‘umali.

Si Apwesa 12:37

Ta Iseraela tubunao si tautauia Ramese ‘enega ga Sukota ‘enaia, tai si tautauia e sikisi anaredi tausana serabenaia, wate gogama.

Si Apwesa 5:5

Ta Parao ‘i ona, Wa ‘ita, ‘asa ‘ana tomota ni‘atu si iau, ta ‘adi ‘a‘ara ‘ediega wa li‘amidi be si eiawai‘ata.