Salamo 9:9 - Buki Tabu Lowaenei 1919

⁹ Ieoba wate ‘i da anua‐‘ebe‘ita‘i‘ita ‘etosorana taudi si didigedi ‘edia, Anua ‘ebe‘ita‘i‘ita ‘etosorana ‘eto ‘uia ‘ana tutao ‘ediega;

Salamo 9:9 ပူးပေါင်းရင်းမြစ်များ

Salamo 108:12

Leme ‘u da ‘ebwaema tarauwara matanaia: Tai ‘ana leme iage besobeso ta ‘enega.

Salamo 142:4

‘Ataigu ‘u da duneduneie, ta ‘u da ‘ita; nigea ‘e bweu tai ‘i mwaramwaratonigu ta ‘enega: ‘Ebedena ni‘atu ia loseena; nigea ‘e bweu tai iaruiaruagu i ‘ita‘ita‘i‘isi.

Salamo 18:2

Ieoba ‘igu gurewa, ta ‘igu anua‐waiwai, ta ‘igu to‘etoseana; ‘Igu Eaubada, ‘igu gurewa waiwai, ‘ena ia da ‘emisa; ‘Igu lawa, ta ‘igu ‘etoseana kunana, ‘igu anua‐‘ebe‘ita‘i‘ita ‘etosorana.

Salamo 20:1

Ieoba tuta elo‘uia ‘enega ‘emuia ‘i da ona limana; Iakobo ‘ina Eaubada ‘ana esana ‘i da gietooroio ‘etanaia;

Salamo 32:7

‘Oio ‘igu esena ‘ebemiakwaia; ‘ate‘uia‘uia ‘enega ‘u da egagaregu; ‘Etoseana ‘ana wari ‘ediega ‘u da giesakowasiegu. (Sela.)

Salamo 37:39

Ta to paruparudi ‘adi ‘etoseana Ieoba ‘enega; Tauna ‘idi ‘ebegiiaina‘i‘ita tuta elo‘uia ‘enaia.

Salamo 46:1

Eaubada ‘ida ‘ebedena ta ‘ida pa‘arina, Tauna lema ta loba ‘ai‘aila elo‘uia ‘enaia.

Salamo 46:7

Bodao ‘idi Ieoba ‘i miami ma‘eda; Iakobo ‘ina Eaubada ‘ida ‘ebedena. (Sela.)

Salamo 48:3

Eaubada ‘i giapwesena ‘ina anua esaesa ‘edia ‘ebedena manuna.

Salamo 50:15

Asiata ‘ate‘uia‘uia ‘eguia ‘u da bwau; Ia da ‘etoseemu, ta ‘u da ‘awaeseesegu.

Salamo 62:8

‘Omi tomota, tuta iauiauna ‘ena wa da ‘emisa; ‘Atemi wa da siwa matanaia: Eaubada ‘ebedena manuda. (Sela.)

Salamo 67:5

Tomotaiao si da tupuio Eaubada ie; Tomotaiao iauiaudi si da tupuio.

Salamo 7:9

To to‘umalidi ‘idi to‘umalina ‘u da tagwara be ‘i da gumwara, ta to paruparudi ‘u da sa‘u pa‘aridi: Eaubada paruparuna nua‐magi ta ‘ate ‘i toodi.

Salamo 96:10

‘Ebeloinao gamwagamwanidia wa da ona, Ieoba ‘i loiloina; Bare‘u wate ‘i pa‘ara be gea‘abo ‘i da loniu; Tomota ‘i da loinedi bubuna ‘ai‘ailega.

Salamo 98:9

Ieoba matanaia, tauna ‘i mai sabi loina bare‘u ta ‘enega: Gabura ‘i da loinei bubuna paruparuiega, Ta tomotai bubuna ‘ai‘ailega.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 8:14

Ta ‘i da anua tabu manuna; ta gurewa ‘ebeesetupe manuna ta gurewa ‘ebeloguitoasa manuna susu Iseraela ruarua manudi, dai manuna ta sikwa manuna to‐mia Ierusalema ‘edia.