Salamo 86:4 - Buki Tabu Lowaenei 1919

⁴ ‘Imu ‘ari‘e iaruiaruana ‘u da gieguausoara; ‘Inapwana ie, ‘emuia iaruiaruagu ia gitu‘eiena ta ‘enega.

Salamo 86:4 ပူးပေါင်းရင်းမြစ်များ

Salamo 143:8

‘U da loinegu be ‘imu oboboma‐nua‘ole‘ole ia da nonona gonagonaia; ‘Emuia ia ‘emisa ta ‘enega: ‘U da loinegu be ‘eda ‘enega ia da tauia ia da mwaratonina; Iaruiaruaguiega ia ‘ita tu‘e ‘emuia ta ‘enega.

Salamo 25:1

Ieoba ie, ‘emuia iaruiaruagu ia gitu‘eie,

Salamo 51:12

‘Imu ‘etoseana ‘ina guausoara ‘eguia ‘u da ‘ebwaea limane: Ta iaruiarua tagwatagwarina ‘enega ‘u da gietoorogu.

Salamo 62:8

‘Omi tomota, tuta iauiauna ‘ena wa da ‘emisa; ‘Atemi wa da siwa matanaia: Eaubada ‘ebedena manuda. (Sela.)

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 65:18

Ta wa da guausoara ta wa da ‘uiawana ‘ataia iage ia mweruruina ‘enega: wa ‘ita, ta ‘enega, Ierusalema ia mweruruina ‘ebeguausoara, ta ‘ina tomota ‘ebe‘uiawana.