Salamo 80:4 - Buki Tabu Lowaenei 1919

⁴ Boda ‘idi Ieoba Eaubada ie, Tuta ‘eisa ‘u da gamwasoara ‘imu tomota ‘idi sidasida ‘enaia?

Salamo 80:4 ပူးပေါင်းရင်းမြစ်များ

Salamo 31:17

Ieoba ie, gea‘abo ‘u da tagwaregu be ia da omaiamaia; ‘emuia ia bwau ta ‘enega: To to‘umalidi si da omaiamaia, si da mia enono Seola ‘enaia.

Salamo 4:7

Guausoara ni‘atu ‘u sa‘u wawasae ‘ateguia, Ta gidarina ‘idi guausoara ‘ena ‘idi witi ta ‘idi oine si sinabwa.

Salamo 59:5

Tuga ‘oio, Ieoba ie bodao ‘idi Eaubada, Iseraela ‘ina Eaubada, ‘U da tooro be ‘ebeloinao iauiaudi ‘edia ‘u da apwesa: To li‘oa‐loina to‘umalidi gea‘abo ‘e bweuna ‘edia ‘ena ‘u da ‘ate‘atenua‘ole‘ole. (Sela.)

Salamo 60:3

Iage pa‘aridi ni‘atu u e‘ita ‘imu tomota ‘edia: Oine ‘ebeiogaiogara ‘enega ‘u enumema.

Salamo 74:1

Eaubada ie, to‘ase manuna u ‘ula iaula ataema? To‘ase manuna ‘imu gamwasoara i ‘asu‘asu ‘imu pwatura ‘ina sipiao ‘edia?

Salamo 79:5

Ieoba ie, tuta eisa ‘u da gamwasoara ataia? ‘Imu e‘ipi‘ipi ‘i da ‘arata awesabelulu ‘atua?

Salamo 85:5

‘U da gamwasoara ‘ataia nai ‘emaia? ‘Imu gamwasoara ‘u da lisina ga ‘epata tomota iauiaudi?