Salamo 80:19 - Buki Tabu Lowaenei 1919

¹⁹ Ieoba bodao ‘idi Eaubada, ‘u da gisana‘ilema; Maniniio ‘i da sae, ta ‘a da bobo‘ana.

Salamo 80:19 ပူးပေါင်းရင်းမြစ်များ

Salamo 27:4

Iage ‘e bweuna Ieoba ‘ena ia sida, iage nina ia da ‘ebese: Be ‘enega Ieoba ‘ina anua ‘ena ia da miami iawasigu ‘ina asiata iauiauna, Sabi ‘ita Ieoba ‘ana ‘ita bobo‘ana, ta sabi eonaona ‘ina anua ‘enaia.

Salamo 27:9

‘Imu ‘ari‘ei gea‘abo ‘u da guiguitoase gamwasoarega: ‘Oio ni‘atu ‘agu to leme; Gea‘abo ‘u da ‘ulegu, nai ‘u da e‘idi‘idiegu, ‘Oio ‘agu ‘etoseana ‘ina Eaubada.

Salamo 31:16

Maninio ‘u da tuiaiare ‘imu toguinua ‘enaia: ‘U da ‘etoseegu ‘imu oboboma nua‘ole‘ole ‘enaia.

Salamo 44:3

‘Asa nina nigea si ‘ewena taudi ‘idi sisi‘saiega, Nai taudi nimadi i ‘etoseedi; Ta ataio, ta nimaio ta maniniio ‘ina ma‘edana, ‘Oio ma‘imu nua‘ole‘ole ‘edia ta ‘enega.

Salamo 80:1

Iseraela ‘ina To‐‘ita‘i‘ita‐sipi ie, ‘O io Iosepa u ‘au‘ewena sipi ‘ana iau ‘atua; ‘O io tierubima ‘edia ‘u toa, ‘u da saema.

Salamo 80:3

Eaubada ie, ‘u da giesana‘ilema; Ta maniniio ‘u da giesae, be ‘a da bobo‘ana.

Salamo 80:7

Boda ‘idi Eaubada ie, ‘u da giesana‘ilema; Ta maniniio ‘u da giesae, be ‘a da bobo‘ana.