Salamo 8:4 - Buki Tabu Lowaenei 1919

⁴ To‘ase tai, ga ‘enega manuna ‘u nuanua? Ta tai natuna, ta ‘enega ‘u mai sabi ‘itana?

Salamo 8:4 ပူးပေါင်းရင်းမြစ်များ

Nugana 1:1

Nuganaia Eaubada garewa ta gabura ‘i mweruruidi.

Nugana 1:14

Ta Eaubada ‘i ona, Maiare si da apwesa garewa bwagabwagana ‘enaia be ‘enega asiata si da weari boiboiega; ta si da ‘ewe‘iwe‘iiaia manudi be, tuta manudi be, asiata ta iakwara manudi be:

Nugana 19:35

Ta boiboi gote wate tamadi si enumena oineega: ta megoamana ‘i tooro, ta i ‘eno ma‘ieana; ta ‘ena waine i ‘eno, nai ‘ena ‘i tooro, nigea ‘i mwaratonina.

Nugana 21:1

Ta Ieoba Sara ‘ena ‘i apwesa na‘ieana ‘i onaona, ta Ieoba Sara ‘ena ‘i guinua na‘ieana ‘i gwaegwae ni‘atu.

Salamo 106:4

Ieoba ie, ‘u da nua‘i‘isigu nua‘ole‘ole nina ‘imu tomota ‘edia ‘u e‘ita ‘enega; ‘U da mai ‘eguia ma‘imu ‘etoseana:

Salamo 136:5

Tauna sinasinapuiega garewa ‘i mweruruidi ‘enaia: ‘Ina nua‘ole‘ole ‘i mia ‘ataia ta ‘enega.

Salamo 136:9

Nawarae ta kwadimao be boiboi si da loinei: ‘Ina nua‘ole‘ole ‘i mia ‘ataia ta ‘enega.

Salamo 144:3

Ieoba, tai to‘ase, ta manuna ‘u pana‘ita? Nai tai natuna me‘olotona, ta manuna ‘u nuanua?

Salamo 146:3

‘Inapwanao gea‘abo ‘edia wa da ‘emisa, Nai tai natuna me‘olotona ‘ena, tauna ‘ena nigea ‘e bweu lema.

Salamo 19:2

Asiata ga asiata ona i ‘ina‘inana, Ta boiboi ga boiboi mwaratoni ‘i e‘ita‘ena.

Salamo 4:2

‘Omi tomota natunao, tuta ‘eisa ‘igu esaesa ‘i da ‘ebunina ‘ebesinara ‘enaia? Tuta ‘eisa bubuna besobeso wa da obobomena, ta bubuna kabokabo wa da ‘ebesa? (Sela.)

Salamo 80:17

Nimaio ‘i da miami ‘ataio ‘ana tai ‘enaia, Tai natuna ‘enaia tauna ‘u giepa‘ara manuio tauio.

Salamo 96:5

Tomota ‘idi eaubada iauiaudi si iage besobeso ta ‘enega: Ta Ieoba garewao ‘i mweruruidi.

Si Apwesa 4:31

Ta tomota si iareiare; ta ni‘atu si nonona ‘aene Ieoba ni‘atu Iseraela tubunao i ‘itedi, ta ‘aene ‘idi elo‘uia i ‘itena ni‘atu, ga si kopukopu ta si bwagobwago.

Isaia 40:17

‘Ebeloina iauiauna ‘atua nigea ‘e bweu matanaia; si sawedi ‘enaia iage nigea ‘e bweu ta iage besobeso.

Isaia 51:12

‘Abo‘agu, tuga ‘Abo‘agu, taugu ia gieguausoarimi: iaita ‘oio, ‘u matauta tai ‘i da mwawasa manuna, ta tai natuna ‘i da enedu ‘atua manuna;