Salamo 77:13 - Buki Tabu Lowaenei 1919

¹³ Eaubada ie, ‘imu ‘eda anua tabu ‘enaia: Iaita eaubada sinabwana Eaubada nadigega?

Salamo 77:13 ပူးပေါင်းရင်းမြစ်များ

Salamo 73:17

Ga tuta nina Eaubada ‘ina anua tabu ‘ena ia rugu, Ta ‘idi ‘ebelosaroni muriega ia nuena.

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Isaia 40:25

‘Enega iaita ‘ena wa da ‘awanadigega‘egu, be ia da erererea ma‘ieana? To Tabu Tebweuna ‘i gwae.

Salamo 63:2

Nadigega ni‘atu ia duneduneieio anua tabu ‘enaia, Sabi ‘ita ‘imu waiwai ta ‘imu esaesa.

Salamo 27:4

Iage ‘e bweuna Ieoba ‘ena ia sida, iage nina ia da ‘ebese: Be ‘enega Ieoba ‘ina anua ‘ena ia da miami iawasigu ‘ina asiata iauiauna, Sabi ‘ita Ieoba ‘ana ‘ita bobo‘ana, ta sabi eonaona ‘ina anua ‘enaia.

Isaia 46:5

Iaita nai wa da ‘awanadigega‘egu, ta wa da ona ia erererea ma‘ieana, ta wa da sa‘ugu ma‘ieana, be ‘a nadigega?

Isaia 40:18

‘Enega iaita Eaubada wa da ‘awanadigega‘ena? Nai to ma‘ama‘aiau wa da ‘ita‘esi‘esinua ma‘ieana?

Salamo 86:8

‘Inapwana ie, nigea ‘e bweu ‘emuia nadigega eaubadao ‘edia; Wate nigea guinuao ‘imu guinuao nadigega.

Salamo 71:19

Eaubada ie, ‘imu bubuna paruparuna wate ‘i mia tu‘e wawasae; Ni‘atu iage sinabwadi ‘u guinuedi, Eaubada ie, iaita ‘oio nadigega?

Salamo 68:25

To wari si nugana, to binobino‘o si muria, Gomagweine timaberela si iageiage gamwagamwanidia.

Salamo 105:2

‘Ena wa da wari, ‘ena wa da wari tuputupu; ‘Ina guinua to sinabwasadi iauiaudi wa da onaona manudi.

Salamo 119:27

‘Imu ona‐‘ebe‘ita‘i‘isiao ‘idi ‘eda ‘u da giepana‘isina ‘eguia: Ga ‘imu guinua ‘ebenuaowana manudi ia da nuanua.