Salamo 75:8 - Buki Tabu Lowaenei 1919

⁸ Ieoba nimanaia keiga ‘i miami ta ‘enega, ta oine ‘i busobuso; ‘I maa ‘ili‘ilinega, ta iage nina tauna ‘i siwena: Ona ‘ai‘aila pwapwalina, bare‘u ‘ina to‘uto‘umaliao iauiaudi si da bibi, be si da numa.

Salamo 75:8 ပူးပေါင်းရင်းမြစ်များ

Salamo 11:6

To to‘umalidi ‘edia sikwaiao ‘i da etabe; Awe sabelulu ta mepulupulua ta iagila ‘ara‘arata si da ‘idi keiga ‘ana ‘egu‘eguiai.

Salamo 60:3

Iage pa‘aridi ni‘atu u e‘ita ‘imu tomota ‘edia: Oine ‘ebeiogaiogara ‘enega ‘u enumema.

Salamo 73:10

Ta ‘enega ‘ina tomota si ‘ilama gete ‘ena: Ta boasi makeigana maamaana si bibina.

Isaia 5:22

Oioi ‘edia si ewaiwai sabi numa oine, ta tai waiwaidi sabi ‘ilia boasi pa‘arina:

Isaia 51:17

‘U da tooro, ‘u da tooro, ‘u da tooro ‘ai‘aila, Ierusalema ie, tauio Ieoba nimanega ‘ina egamwagamwagu didiga ‘ina keiga ‘u numena; keiga gadogado gaebana ni‘atu ‘u numena, ga ‘i iapasa.

Isaia 51:22

Gete nadigega ‘imu ‘Inapwana Ieoba ‘i gwae, ta ‘imu Eaubada tauna ‘ina tomota manudi ‘i ona leme, U ‘ita, keiga logadogado nimamuiega ia ‘ewena, tuga ‘igu egamwagamwagu keigana gaebana; gea‘abo wate ‘u da numa limena: