Salamo 71:22 - Buki Tabu Lowaenei 1919

²² Wate ia da tupuio binobino‘oega, Tuga ‘imu ona‘ai‘aila, ‘igu Eaubada ie: ‘Emuia ia da wari tuputupu apiega, ‘Oio Iseraela ‘ina Tabu Tebweuna.

Salamo 71:22 ပူးပေါင်းရင်းမြစ်များ

Salamo 138:2

‘Imu anua tabu matanaia ia da bwagobwago, Ta ‘amu esana ‘ena ia da lokagutoki ‘imu nua‘ole‘ole manuna ta ‘imu ona ‘ai‘aila manuna: ‘Imu ona ni‘atu ‘ana sinabwa ‘u sa‘u ‘amu esana maibo‘ana ‘etaninaia ta ‘enega.

Salamo 144:9

Eaubada ie, wari auauna ia da wari ‘emuia: ‘Ebebinobino‘o ma‘ana marakwa ‘e sanau ‘enega ia da wari tuputupu ‘emuia.

Salamo 25:10

Ieoba ‘ina ‘eda iauiauna si oboboma ta ona ‘ai‘aila Taudi ‘ina ona‘upa‘upa ta ‘ina simana si ‘ita‘i‘isidi ‘edia.

Salamo 33:2

Ieoba ‘ena wa da lokagutoki apiega: ‘Ena wa da wari tuputupu ‘ebegwane ma‘ana marakwa ‘e sanau ‘enega.

Salamo 43:4

Ga ia da tauia Eaubada ‘ina ‘ebetaria ‘enaia, Eaubada ‘igu ‘ebeguausoara ‘ana uiawana ‘enaia: Ta api ‘ena ia da tupuio, Eaubada ie, ‘igu Eaubada.

Salamo 56:4

Eaubada ‘ena ‘ina ona ia da tupuna: Eaubada ‘ena ia ‘emisa, gea‘abo ia da ‘ate‘atesa‘ara; Esio to‘ase nai ‘i da guinua ‘eguia?

Salamo 78:41

Ta si ‘ila limana ta Eaubada si too, Ta Iseraela ‘ina Tabu Tebweuna si eiabena.

Salamo 89:1

Ieoba ‘ina nua‘ole‘oleao manudi ia da wari ‘ataia: ‘Awaguiega ‘imu bubuna ‘ai‘aila ia da e‘ita epata tomota iauiauna ‘edia.

Salamo 89:18

‘Ida lawa Ieoba ‘ina iage ta ‘enega; Ta ‘ida king Iseraela ‘ina Tabu Tebweuna ‘ina tai.

Salamo 98:3

‘Ina nua‘ole‘ole ta ‘ina bubuna ‘ai‘aila Iseraela ‘ina anua ‘ena ni‘atu ‘i nua‘i‘isina; Bare‘u ‘ana ‘ebelosaroni iauiaudi ni‘atu ‘ida Eaubada ‘ina ‘etoseana i ‘itena.

Salamo 98:4

Ieoba ‘ena ‘u da bwau ‘enaio maguausoarina ‘enega, bare‘u maibo‘ana: ‘U da apwesawa ta guausoara manuna ‘u da wari, tamo, ‘u da wari tuputupu.

Salamo 98:5

‘U da wari tuputupu Ieoba ‘enaia apiega; Apiega ta ‘ewa‘ewa ‘ai‘aila ‘enanega.

Isaia 12:6

Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 5:16

Ta bodao ‘idi Ieoba ‘i mia tu‘e loina ‘enega, ta Eaubada tauna Tabu Tebweuna ‘i etabuna bubuna paruparu ‘enega.

Isaia 5:19

Taudi si gwae, ‘I da lomanini, ‘ina guinua ‘i da lomaniniena be ta da ‘ita: ta Iseraela ‘ina Tabu Tebweuna ‘ina nuena ‘i da doroma ta ‘i da mai, be ta da mwaratonina!

Isaia 5:24

Ta ‘enega na‘ieana awe meiana sumwana ‘i e‘egumwarina, ta na‘ieana nedu iadaiadana ‘i mwa‘uta awe sabelulu ‘ena, na‘ieana ramudi ‘i da bila ‘atua, ta senidi ‘i da tu‘e kau ‘atua: bodao ‘idi Ieoba ‘ina loina si e‘idi‘idiena ta ‘enega, ta Iseraela ‘ina Tabu Tebweuna ‘ina ona si sinarina.

Isaia 57:15

Tebweuna to mia tu‘e ta to lo‘etana tauna tuta ‘ataia ‘ena ‘i miami, tauna ‘ana esana Tabu, gete nadigega ‘i gwae: ‘abo‘agu esena lo‘etana ta tabu ‘ena ia miami, wate tauna iaruiaruana nua‘ebuni ta nuana ma‘ieana, be taudi si nuana iaruiaruadi ia da giewaiwai, ta taudi si nua‘ebuni ‘atedi ia da giewaiwai.

Isaia 60:9

Ona ‘ai‘aila saru si da iamwaiamwagu, ta waga Tasisa nugana, sabi me‘edi natumuao me‘olotodi ‘edasorega, ‘idi sileba ta ‘idi gola ma‘edi, Ieoba ‘imu Eaubada ‘ana esana manuna, ta Iseraela ‘ina Tabu Tebweuna manuna, ni‘atu ‘amu tuputupu ‘i sa‘u ta ‘enega.