Salamo 7:9 - Buki Tabu Lowaenei 1919

⁹ To to‘umalidi ‘idi to‘umalina ‘u da tagwara be ‘i da gumwara, ta to paruparudi ‘u da sa‘u pa‘aridi: Eaubada paruparuna nua‐magi ta ‘ate ‘i toodi.

Salamo 7:9 ပူးပေါင်းရင်းမြစ်များ

Nugana 20:5

Tauna nigea nai ‘eguia ‘i ona, Tauna nuugu? ta waine, tauna wate ‘i gwae, Tauna nuugu: ‘ategu ‘ina nuanua ‘ai‘aila ta nimagu ‘idi ‘esasena ‘enega iage gete ni‘atu ia guinuei.

Salamo 10:15

To to‘umalina nimana ‘u da gilasa; Ta tai to‘umalina manuna, ‘ina bubuna to‘umalina ‘u da ‘ebesa ga nigea ‘e bweu u ‘ita‘ita.

Salamo 10:18

Be taudi nigea tamadimo ta taudi si miami to‘umalina ‘u da loinedi, Be ‘enega tai tauna to mia bare‘uia gea‘abo wate ‘i da lodidiga.

Salamo 11:5

Ieoba to paruparuna ‘i toodi: Ta to to‘umalina ta tauna bubuna didiga ‘i nuanuana iaruiaruana ‘i guitoasena.

Salamo 139:1

Ieoba ie, ni‘atu u ‘ita‘ita toogu, ta ‘u mwaratonigu.

Salamo 17:3

‘Ategu ni‘atu ‘u toona; boiboia ‘ena ‘u mia ‘eguia; Ni‘atu ‘u toogu, ta nigea ‘e bweu iage ‘u lobaloba; ‘Abo‘agu nuagu ‘i pa‘ara be gea‘abo ‘awagu loina ‘i da li‘oali‘oa.

Salamo 18:21

Ieoba ‘ina ‘eda ia ‘ita‘i‘isidi ta ‘enega, Ta nigea ‘igu Eaubada ‘enega ia pilisinena to‘umalina.

Salamo 26:2

Ieoba ie, ‘u da ‘etaraegu, ta ‘u da toogu; ‘Igu nuakwaia ta ‘ategu ‘u da toodi.

Salamo 35:23

‘U da loniu, ta ‘agu loina ‘ena ‘u da tooro, Tugama ‘aregu ‘enaia, ‘igu Eaubada ta ‘igu ‘Inapwana.

Salamo 37:23

Tai ‘ina tautauia si pa‘ara Ieoba ‘enega; Ta ‘ina ‘ebetauia ‘ena ‘i eguausoara.

Salamo 40:2

Wate i ‘au‘ewatu‘eiegu gaula ‘ebesaoorega, bwa‘a degudeguna ‘enega; Ta ‘aegu ‘i sa‘udi gurewa ‘enaia ta ‘igu tautauia ‘i giepa‘ara.

Salamo 43:1

Eaubada ie, ‘U da loinegu, ta manugu ‘U da etara ‘ebeloina nigea tapwaroro matanaia: Tai kabokabo ta nigea paruparuna ‘enega ‘u da ‘etoseegu.

Salamo 44:21

Gea‘abo nai Eaubada ‘iage gete ‘i da ‘ebese? Tauna ‘ate ‘ina iage kwaia ‘i mwaratoni ta ‘enega.

Salamo 58:6

Eaubada ie, saradi ‘u da ‘aubwage ‘awadi ‘enaia: Ieoba ie, laione menonoiadi saradi sinabwadi ‘u da egiiwa iaulei.

Salamo 9:9

Ieoba wate ‘i da anua‐‘ebe‘ita‘i‘ita ‘etosorana taudi si didigedi ‘edia, Anua ‘ebe‘ita‘i‘ita ‘etosorana ‘eto ‘uia ‘ana tutao ‘ediega;

Salamo 96:10

‘Ebeloinao gamwagamwanidia wa da ona, Ieoba ‘i loiloina; Bare‘u wate ‘i pa‘ara be gea‘abo ‘i da loniu; Tomota ‘i da loinedi bubuna ‘ai‘ailega.

Salamo 96:13

Ieoba matanaia, ‘i memai ta ‘enega; ‘I memai sabi loina bare‘u ta ‘enega; Bare‘u ‘i da loina bubuna paruparuiega, Ta tomota ‘ina ona‘ai‘ailega.

Salamo 98:9

Ieoba matanaia, tauna ‘i mai sabi loina bare‘u ta ‘enega: Gabura ‘i da loinei bubuna paruparuiega, Ta tomotai bubuna ‘ai‘ailega.